Keflavík tekur forsetabikarinn! Viðtöl og skýrsla væntanleg.

Tíminn er að fara frá Guðmundi Magnússyni til að tryggja sér gullskóinn.

Við fáum +3 í uppbót.

Adam Ægir með skot beint á Stefán Þór.

Rúnar Gissurar með frábæra vörslu frá Delphin Tshiembe eftir horn!

Ásgeir Páll með flotta fyrirgjöf fyrir markið sem er hæluð rétt framhjá markinu.

Frammarar vilja víti en Jóhann Ingi ekki á sama máli. Var lykt af þessu verður að viðurkennast en Keflvíkingar fóru í bakið á Gumma Magg sýndist mér.

Frammarar við það að stinga Gumma Magg í gegn en flaggið á loft.

Það er fátt sem bendir til þess að Guðmundur Magnússon nái gullskónum.

Þórir Guðjónsson með skot hátt yfir markið.

Rúnar Þór sparkar í Gumma Magg og stúkan tekur aðeins við sér.

Joey Gibbs sparkar okkur inn í síðustu 45 á tímabilinu.

+1 Keflavík leiðir sanngjarnt í hálfleik. Spurning hvort að Adam Ægir fái þessa stoðsendingu skráða en þá er hann jafn Tiago í baráttunni um Gullboltann.

Við fáum +1 í uppbót.

PATRIK JOHANNESEN!?!? Adam Ægir fær frábæra sendingu fyrir markið sem hann sker út á Patrik Johannesen sem lætur Stefán Þór verja frá sér en fær boltann aftur og lætur hann AFTUR! verja frá sér í yfirburðarstöðu!

Gummi Magg með þrumuskot í slánna! Hann ætlar sér gullskóinn.

Már Ægisson með flottan bolta fyrir markið sem Gummi Magg kemur á ferðinni á fjærstöng og skotið í hliðarnetið en það plataði þó nokkra í stúkunni sem fögnuðu.

Tiago með fallegan bolta fyrir markið sem Gummi Magg skutlar sér á en Rúnar GIssurar er örlítið fljótari út á undan.

Keflavík eru að koma sér í færin en vantar svolítið upp á að klára þau.

Keflavík með hornspyrnu sem sendar utan teigs hjá Sindra Snær sem sendir hann út á Adam Ægir sem lyfitr boltanum skemmtilega fyrir markið á Joey Gibbs sem skallar boltann afturfyrir sig á markið sem mér sýndist Stefán Þór verja í slánna en í slánna fór allavega boltinn.

Nacho með fyrirgjöf fyrir markið sem Rúnar Þór skallar en rétt yfir markið.

Adam Ægir með aukaspyrnu sem er of innarlega á fjærstöng fyrir Nacho Heras sem nær ekki að stýra skallanum í átt að marki.

Skemmtilegt spil milli Nacho Heras og Vals Inga en skotið hjá Nacho er hátt yfir.

Keflvíkingar verið hættulegri en Frammarar eru að verjast þeim vel.

Þættinum barst bréf. Almarr Ormarsson leikrmaður Fram sem er í leikbanni í dag hefur lagt skónna á hilluna frægu.

Keflvíkingar með flotta sókn sem endar með föstu skoti frá Rúnari Þór Sigurgeirs sem Frammarar ná að henda sér fyrir.

Adam Ægir með fast skot en Stefán Þór ver það vel.

Fred með fyrirgjöf ætlaða Gumma Magg en Rúnar Gissurar grípur vel inn í.

Það eru Frammarar sem sparka okkur af stað.

Byrjunarliðin eru klár Keflavík gerir tvær breytingar á sínu liði frá síðasta leik en inn koma Rúnar Gissurarson í markið fyrir Sindra Kristinn Ólafsson og Valur Ingi Valsson fyrir Frans Elvarsson sem tekur út leikbann. Frammarar gera þá þrjár breytingar á sínu liði en inn koma einnig í markmannsskipti Stefán Þór Hannesson fyrir Ólaf Íshólm Ólafsson, Indriði Áki Þorláksson og Magnús Þórðarson fyrir Almarr Ormarsson sem tekur út leikbann og Jannik Pohl.

Dómari ársins á flautunni Jóhann Ingi Jónsson heldur utan um flautuna í kvöld en hann var valinn dómari ársins 2022 af Fótbolta.net. Annað árið í röð hlýtur hann þessa viðurkenningu. Honum til aðstoðar í dag verða þeir Jóhann Gunnar Guðmundsson og Birkir Sigurðarson. Elías Ingi Árnason verður á skiltinu og til taks ef eitthvað kemur upp. Einar Örn Daníelsson er svo eftirlitsdómarinn hér í dag.

Boð og bönn Frans Elvarsson leikmaður Keflavíkur og Almarr Ormarsson taka út leikbönn í dag og eru því ekki með.

Staðan fyrir lokaumferðina í neðri hluta 1.Keflavík 34 stig (+4) 2.Fram 31 stig (-6) 3.ÍBV 29 stig (-8) 4.FH 25 stig (-9) ------------------ 5.ÍA 22 stig (-28) 6.Leiknir 21 stig (-37)

Það er því ljóst að tvenn af þrem einstaklingsverðlaunum verða mögulega veitt hérna en ansi líklegt verður að teljast að Gullbolti Nike fer til annaðhvort Tiago eða Adams Ægirs og þá eru möguleikar á því að Gullskór Nike endi hjá Guðmundi Magnússyni en Guðmundur skoraði í báðum hinum leikjunum gegn Keflavík fyrr á tímabilinu en Fram tapaði reyndar þeim báðum, 3-1 og 4-8.

Ein af nýjungum Bestu deildar karla og kvenna þetta árið verður afhending á nýjum verðlaunum í samstarfi við NIKE á Íslandi. Markahæstu leikmennirnir fá afhentan NIKE gullskóinn, Bestu markmennirnir fá gullhanska NIKE og leikmenn með flestar stoðsendingar fá gullbolta NIKE ⚽️ pic.twitter.com/SIxC9aMnWb

— Besta deildin (@bestadeildin) October 28, 2022

Tiago og Adam Ægir Pálsson eru svo í baráttu um stoðsendingarkónginn en Tiago er búin að jafna metið fyrir flestar stoðsendingar á einu tímabili (13 talsins) en Adam Ægir Pálsson er einni stoðsendingu á eftir eða með 12.

Sú Besta og stoðsendingar 🅰️ ⤵️

Tiago 1️⃣3️⃣ (metjöfnun)
Adam Ægir 1️⃣2️⃣
Atli Sigurjónsson 🔟
Jason Daði 9️⃣
Ísak Snær 9️⃣
Höskuldur Gunnlaugsson 9️⃣
Pablo Punyed 9️⃣
Ísak Andri 8️⃣
Sveinn Margeir 7️⃣
Nökkvi Þeyr 6️⃣
Albert Hafsteinsson 6️⃣
Rúnar Þór Sigurgeirsson6️⃣#SúBesta pic.twitter.com/QdteYLjDgb

— Áhugaverðar staðreyndir um íslenska knattspyrnu (@OReyndir) October 24, 2022

Mestu spennuna ef svo má að orði komast má eflaust finna í þessum leik. Þegar allt annað er orðið klárt er enn barátta um einstaklingsverðlaunin og sú barátta fær hátt undir höfuð hér í dag. Guðmundur Magnússon er jafn Nökkva Þeyr Þórissyni í baráttunni um gullskóinn en þeir eru jafnir með 17 mörk. Guðmundur var valinn í lið ársins í deildinni af Fótbolta.net en það var opinberað fyrir viku síðan.

Það skýrist í þessum leik hver mun standa uppi með "forsetabikarinn" en tölfræðilega þá getur Fram komist upp fyrir Keflvíkinga með stórsigri.

Kef 👀 pic.twitter.com/w1Fv21WIpS

— Dr. Football Podcast (@drfootballpod) October 22, 2022

Heil og sæl lesendur góður og verið hjartanlega velkominn í þessa þráðbeinu textalýsingu frá HS Orku vellinum þar sem Keflavík og Fram mætast í lokaumferð Íslandsmótsins.