KR endar í fjórða sæti, Stjarnan í fimmta sæti og Valur í því sjötta. Lokaumferðin að baki! Takk fyrir samfylgdina í dag og í allt sumar kæru lesendur.

Þetta er bara að fjara út. Stjarnan vinnur þennan leik, það er hægt að bóka það.

Sigurður Bjartur enn og aftur í fínu færi en er of lengi. Henrik Máni gerir vel í því að henda sér fyrir.

ÞVÍLÍKUR SPRETTUR! Daníel Finns með þvílíkt flottan sprett, tekur einn klobba en á svo skot sem svífur yfir markið. Þetta var frábærlega gert, fram að skotinu.

Fimm mínútur eftir af venjulegum leiktíma!

Þetta voru síðustu breytingar KR í leiknum.

Atli með skot með hægri fyrir utan teig sem endar í glugga á vallarhúsinu.

Óskar Örn í hættulegri stöðu en Grétar Snær á enn eina ferðina góða tæklingu. Grétar búinn að vera besti leikmaður KR í þessum leik.

KR er áfram að taka fjórða sætið þar sem Valur er að tapa fyrir norðan. Stjarnan er að enda í fjórða sæti.

Atli með skot af 25 metrunum sem Haraldur ver þægilega. Atli hefur mikið reynt en ekki alveg fundið fjölina.

Þorsteini Má er enginn greiði gerður með því að leika á móti Ísaki Andra í síðasta leik sínum á ferlinum. Ísak búinn að eiga stórleik!

KR-ingar í stúkunni eru orðnir pirraðir á sínum mönnum, hversu illa þeir eru að fara með góðar stöður.

Ísak Andri með skot að marki sem endar inni, en hann hafði viðkomu í öðrum leikmanni og rangstaða dæmd. Ég held að það sé verið að dæma rangstöðu á Eggert Aron.

Atli Sigurjóns með tvær skottilraunir sem fara báðar í varnarmann.

Kiddi Jóns gerir vel að koma sér í fínt færi inn á teignum en skot hans fer í varnarmann áður en Haraldur handsamar boltann þægilega.

Halli er staðinn upp og þá getur leikurinn haldið áfram.

Halli liggur enn eftir og það er verið að huga að honum.

Sigurður Bjartur sleppur í gegn en Haraldur gerir gríðarlega vel og kemst í boltann. Þeir lenda í samstuði og Halli liggur eftir. Bóas er með rauða spjaldið á lofti í stúkunni en það væri gríðarlega strangur dómur. Ekkert víti á þetta, Halli gerði mjög vel.

KR er búið að fara afar illa með góð færi og góðar stöður í þessum leik. Þeim hefur verið refsað fyrir það.

Ísak Andri er að enda tímabilið með látum. Búinn að leggja upp tvö mörk.

Óskar Örn Hauksson.

Áður en markið kom þá átti Kiddi Jóns býsna huggulega sendingu fyrir markið en Sigurður Bjartur missti af boltanum. Svo fer Stjarnan upp í skyndisókn og skorar.

Atli Sigurjóns reynir skot utarlega í teignum, rétt yfir markið. Þessar fyrstu tíu mínútur í seinni hálfleik hafa verið líflegri en allur fyrri hálfleikurinn.

Beitir í gamla góða skógarhlaupinu en nær að bjarga sér fyrir horn.

Kennie með skot sem fer í varnarmann og svo koma Stjörnumenn boltanum í burtu.

KR fær aðra hornspyrnu.

KR hafði byrjað fyrri hálfleikinn mun betur en fá svo þetta mark í andlitið. Hvernig svara þeir? Atli Sigurjóns átti rétt í þessu fínt skot sem fer af varnarmanni og rétt yfir. KR fær hornspyrnu.

Eggert Aron Guðmundsson.

KR að byrja seinni hálfleikinn vel, betur en Stjarnan.

Atli Sigurjóns kemur sér í skotfæri og á gott skot sem Haraldur gerir vel í að verja!!

FÆRI!!! Besta fær leiksins komið eftir um 30 sekúndur í seinni hálfleiknum. Kiddi Jóns með sendingu fyrir, Stefán Árni framlengir boltanum og Sigurður Bjartur er með opið markið fyrir framan sig en setur boltann fram hjá. Ekki alveg verið dagurinn fyrir Sigurð Bjart sem fór illa með gott færi í fyrri hálfleiknum...

Enginn uppbótartími, sem betur fer. Leiðinlegur hálfleikur að baki og staðan enn markalaus. Ekki mikil gæði og spurning hvort menn séu bara komnir til Tenerife í huganum.

ÍA er komið yfir í Kaplakrika. Þurfa bara níu mörk í viðbót!

Eggert Aron í hættulegri stöðu en Grétar Snær bjargar aftur vel.

Finnur Tómas með sendingu yfir á Grétar sem fer beint út af og í innkast.

Það er ekki mikið hægt að skrifa um þennan fyrri hálfleik. Einn leiðinlegasti hálfleikur sem ég hef séð í Bestu deildinni á þessari leiktíð.

Lýsandi fyrir þennan leik: Stjarnan í ágætri sókn sem endar með því að Jóhann Árni á slakt skot sem fer beint í fyrsta varnarmann.

KA er komið yfir gegn Val á Akureyri og Lasse Petry er búinn að fá rautt spjald. Það eru því ansi miklar líkur á því að KR nái að landa fjórða sætinu. Lasse Petry.

Það er ekki mikið að frétta í þessum leik.

Geggjaðar veitingar hjá KR-ingum. Það var pizza að detta í hús.

Jóhann Árni með skot rétt fyrir utan teig sem Beitir fer aftur fyrir endamörk. Þessi leikur er aðeins að opnast!

Eftir hornspyrnu Stjörnunnar fer KR upp í skyndisókn. Kiddi Jóns með boltann á hægri fætinum og finnur Aron Þórð í teignum, en hann er ekki í miklu jafnvægi og setur boltann langt fram hjá markinu úr fínni stöðu.

Akkúrat þegar ég skrifa það þá kemst Stjarnan í fína stöðu. Ísak Andri með stórhættulega fyrirgjöf en Grétar Snær á svo frábæra tæklingu og bjargar!

Búið að vera afskaplega bragðdaufur leikur til þessa. KR fengið besta færi leiksins til þessa.

Ísak Andri ósáttur við það að fá ekki sendinguna frá Einari Karli í gegn. Var að bjóða upp á gott hlaup.

FÆRI! Jæja, loksins gerist eitthvað. Þorsteinn Már með flottan sprett og finnur Sigurð Bjart í teignum. Hann er í mjög fínu færi, en skot hans er frekar slakt og Haraldur ver þetta frekar þægilega.

Róbert Frosti, sem er sonur fjölmiðlamannsins Mána Péturs, er að leika í fremstu víglínu hjá Stjörnunni. Hann er með alvöru töffaraklippingu - Sturla Atlas klippingu - hér í dag.

Stjarnan er í hættulegri skyndisókn en Eggert Aron er og lengi að athafna sig og missir boltann. Stjarnan fær svo innkast og í kjölfarið á því hornspyrnu.

Einar Karl með huggulegan bolta fyrir og Óskar Örn stingur sér fram fyrir en er dæmdur rangstæður. Náði hvort sem er ekki nægilega vel til boltans.

Ægir Jarl fær boltann á teignum og nær að snúa, en skot hans fer beint á Harald í markinu.

Stjarnan er líka að stilla upp í 4-2-3-1: Haraldur Elís Rafn - Henrik - Sindri Þór - Þórarinn Ingi Jóhann Árni - Einar Karl Óskar - Eggert Aron - Ísak Andri Róbert Frosti

Atli reynir fyrirgjöf frá hægri sem fer bara upp í röð Z.

KR er að stilla upp í 4-2-3-1: Beitir Þorsteinn Már - Finnur Tómas - Grétar Snær - Kristinn Aron Þórður - Ægir Jarl Atli - Sigurður Bjartur - Stefán Árni Kristján Flóki.

Það heyrist að Þorsteinn Már Ragnarsson sé í dag að spila sinn síðasta leik á ferlinum.

Þá er leikurinn loksins farinn af stað!

Ísak Andri Sigurgeirsson fær verðlaun fyrir leik fyrir að vera efnilegasti leikmaður Bestu deildarinnar. Það voru leikmenn deildarinnar sem kusu um það. Pétur Guðmundsson fær þá verðlaun fyrir að vera besti dómarinn. Ísak Andri Sigurgeirsson.

Pálmi gekk út á völl með KR-liðinu. Hann fær blómvönd og málverk. Það er staðið upp í stúkunni. Óskar Örn Hauksson, fyrrum leikmaður KR, gaf Pálma blómvönd fyrir hönd Stjörnunnar.

Pálmi heiðraður Pálmi Rafn Pálmason verður heiðraður fyrir leik. Pálmi lék sinn síðasta leik á ferlinum á mánudag í jafntefli KR gegn Víkingi. Fyrirliðinn fékk að líta gula spjaldið og tekur út bann í lokaumferðinni. Í viðtali við Fótbolta.net eftir leik tilkynnti hann að hann hefði verið að spila sinn síðasta leik á ferlinum. Pálmi kom í KR frá Lilleström í Noregi fyrir tímabilið 2015 og hefur verið stórkostlegur fyrir félagið. Pálmi mun áfram starfa fyrir KR en hann er núna orðinn íþróttastjóri félagsins. Til hamingju með frábæran feril!

Ég held að það sé frítt á völlinn hér í dag en stúkan er langt frá því að vera þéttsetin. Enn tíu mínútur í leik.

Vil minna á það að allir leikir dagsins eru í beinni textalýsingu hjá okkur, en allir leikirnir í lokaumferðinni hefjast á sama tíma - klukkan 13:00.

Í liði KR er Þorsteinn Már Ragnarsson að mæta sínum gömlu félögum í Stjörnunni og í liði Stjörnunnar er Óskar Örn Hauksson að mæta sínum gömlu félögum. Óskar er einhver mesta goðsögn í sögu KR en hann gekk í raðir Stjörnunnar fyrir tímabil.

BYRJUNARLIÐIN Rúnar Kristinsson, þjálfari KR, gerir fjórar breytingar á sínu liði frá leiknum gegn Víkingi. Pálmi Rafn Pálmason og Theodór Elmar Bjarnason taka út leikbann og Aron Þórður Albertsson og Sigurður Bjartur Hallsson taka þeirra sæti í liðinu. Beitir Ólafsson kemur þá í markið og Þorsteinn Már Ragnarsson tekur stöðu Kennie Chopart. Magnús Valur Valþórsson sem fæddur er árið 2007 er á bekknum og Kristján Flóki Finnbogason er með fyrirliðabandið. Ágúst Gylfason, þjálfari Stjörnunnar, gerir fjórar breytingar frá tapinu gegn KA. Daníel Laxdal tekur út leikbann og Daníel Finns Matthíasson tekur sér sæti á bekknum. Þeir Björn Berg Bryde og Guðmundur Baldvin Nökkvason eru ekki í hóp. Inn í liðið koma þeir Henrik Máni B. Hilmarsson, Óskar Örn Hauksson, Eggert Aron Guðmundsson og Einar Karl Ingvarsson.

Daníel Laxdal er í leikbanni hjá Stjörnunni í dag, en hjá KR eru Pálmi Rafn Pálmason og Theodór Elmar Bjarnason í banni.

Fyrri leikir þessara liða í sumar Þessi tvö lið hafa mæst tvisvar á tímabilinu. Stjarnan 1 - 1 KR (20. júní) KR 3 - 1 Stjarnan (11. september)

Stóra Kjartan Henry málið Það hefur litað síðustu vikur hjá KR-ingum. KR ákvað að nýta sér ákvæði í samningi Kjartans á dögunum og má gera ráð fyrir því að hann hafi leikið sinn síðasta leik fyrir félagið. Með því að smella hérna er hægt að horfa á ítarlegt viðtal við Rúnar, þjálfara KR, þar sem hann ræðir um Kjartan Henry. Kjartan Henry Finnbogason.

Lokaumferðin fer fram í heild sinni í dag. laugardagur 29. október Besta-deild karla - Efri hluti 13:00 KA-Valur 13:00 Breiðablik-Víkingur 13:00 KR-Stjarnan Besta-deild karla - Neðri hluti 13:00 FH-ÍA 13:00 Keflavík-Fram 13:00 ÍBV-Leiknir

Það er þannig séð ekkert undir í þessum leik. KR er í fjórða sæti og Stjarnan er í sjötta sæti. Rúnar Kristinsson, þjálfari KR, getur kannski mótíverað sína menn þannig að KR tryggir sér fjórða sætið með stigi. Stjarnan getur hæst endað í fimmta sæti. Rúnar Kristinsson, þjálfari KR.

Góðan daginn kæru lesendur og verið velkomin í beina textalýsingu frá leik KR og Stjörnunnar í lokaumferð Bestu deildar karla. Endilega fylgist með!