SKÝRSLAN: Titilvörnin hefst á sterkum sigri
Hvað réði úrslitum?
Gríðarleg barátta í báðum liðum en það var eftir smá klaufagang í vítateig Breiðabliks þar sem boltinn komst til Önnu Rakelar sem átti frábært skot sem endaði í netinu.
Bestu leikmenn
1. Arna Sif Ásgrímsdóttir
Var klettur í vörn Vals og bjargaði nokkrum sinnum með frábærum tæklingum. Var virkilega öflug í liði Vals
2. Toni Deion Pressley
Var sömuleiðis frábær í vörn Breiðabliks og stöðvaði ófá upphlaup ásamt góðum tæklingum.
Atvikið
Markið.
Vandræðagangur í vörn Breiðabliks þar sem fyrirgjöf frá Láru Kristínu flýtur í gegnum teigin út á Önnu Rakel sem á svo þetta frábæra mark sem skildi liðin af.
Vandræðagangur í vörn Breiðabliks þar sem fyrirgjöf frá Láru Kristínu flýtur í gegnum teigin út á Önnu Rakel sem á svo þetta frábæra mark sem skildi liðin af.
Hvað þýða úrslitin?
Valur byrjar titilvörnina á gríðarlega sterkum sigri gegn Breiðablik. Fyrsta umferð svo erfitt að fara leggja mat á það hvað úrslitin endilega þýða annað en Valur fær öll stigin.
Vondur dagur
Erfitt að taka einhverja út fyrir sviga hérna en Jamia Fields átti erfiða innkomu og komst ekki alveg í takt við leikinn.
Dómarinn - 7
Flott frammistaða hjá dómarateyminu heilt yfir. Einstaka atriði sem hægt væri að pikka út en ekkert sem hafði nein áhrif svo heilt yfir bara solid 7a.