SKÝRSLAN: Víkingar valta yfir KR í víkinni
Hvað réði úrslitum?
Víkingar voru bara töluvert betra liðið í öllum stöðum vallarins í kvöld. KR-ingar réðu ekkert við hraðan og kraftinn í Víkingunum og hefði leikurinn í raun getað endað í stærri sigri Víkinga en niðurstaðan var.
Bestu leikmenn
1. Birnir Snær Ingason
Það eru margir úr Víkings liðinu sem voru góðir og það var erfitt að velja einhvern einn. En Birnir átti virkilega góðan leik og kórónaði hann með góðu marki. Hann skapaði mikið af góðum færum.
2. Danijel Dejan Djuric
Danijel var með eina stoðsendingu í leiknum og virtist ætla að skapa hættu í hvert skipti sem hann kom við boltan. Hann fór oft verulega illa með varnarmenn KR.
Atvikið
Mark númer 2 frá Víkingum var virkilega flott þar sem sendingin frá Nikolaj Hansen splúndraði vörn KR-inga. Svo sá KR bara hreinlega ekki til sólar það sem eftir var af leiknum.
Hvað þýða úrslitin?
Víkingar tróna á toppi deildarinnar með 9 stig af 9 mögulegum.
KR er í 6. sæti í þéttum pakka með 4 stig.
KR er í 6. sæti í þéttum pakka með 4 stig.
Vondur dagur
Það voru ekki margir í KR sem áttu góðan dag í dag og því erfitt að velja úr. Ég neyðist þó til að velja og þá verða miðvarðarparið unga Finnur Tómas og Jakob Franz fyrir valinu. Það var oft gríðarlegt bil á milli manna sem leyfði sóknarmönnum Víkings að rölta í gegnum vörnina trekk í trekk.
Dómarinn - 9
Ekkert út á dómarateymið að setja, vel dæmdur leikur en þó engar stórar ákvarðanir sem þurfti að taka. Nokkur vítaköll en allt réttilega veifað frá.