SKÝRSLAN: Ekkert sem stöðvar Víkinga
Hvað réði úrslitum?
Víkingar keyrðu hreinlega yfir KA. Skora snemma og eru ofan á nánast allan fyrri hálfleikinn. Taka svo upp þráðinn í seinni hálfleik og klára dæmið strax í upphafi hans.
Bestu leikmenn
1. Birnir Snær Ingason
Birnir frábær í dag. Skorar og leggur upp og gerði varnarmönnum KA lífið leitt oft og títt.
2. Matthías Vilhjálmsson
Gamli maðurinn sýndi að hann kann enn að skora mörk. Frábær sóknarleikur liðsins í heild og Matti stór hluti af því.
Atvikið
Ætli besti kafli KA í leiknum hafi ekki verið um miðjan fyrri hálfleikinn. Það vita það kannski fáir þar sem rafmagnið fór af og útsending Stöðvar 2 datt út.
Hvað þýða úrslitin?
Víkingur með 9 sigra í 9 leikjum, það verður ekki betra en það. KA hins vegar ekki á þeim stað sem þeir vilja vera, eru aðeins þrem stigum frá neðri hlutanum.
Vondur dagur
KA liðið mætti eiginlega ekki til leiks í dag. Rosalegt einbeitingarleysi í vörninni og leikmenn Víkings fengu að leika lausum hala á vallarhelmingi KA.
Dómarinn - 7
Hafði góð tök á þessu fannst mér. Ekki mikið um að vera. Rodri og Pablo Punyed tókust svolítið á í seinni hálfleik en Erlendur dómari hafði góð tök á því.