SKÝRSLAN: Öruggt hjá Stjörnunni
Hvað réði úrslitum?
Úrslitin voru aldrei í neinni hættu. Stjarnan leiddi þennan leik alveg frá byrjun og unnu mjög svo sanngjarnt hér í kvöld. Keflavík voru varla með í fyrri hálfleik en voru þó ögn frískari í þeim síðari en það dugði bara ekki til.
Bestu leikmenn
1. Sædís Rún Heiðarsdóttir
lagði upp 2 mörk - Var alltaf hætta þegar hún tók aukaspyrnur eða hornspyrnur.
2. Aníta Ýr Þorvaldsdóttir
Kláraði leikinn fyrir Stjörnuna. Var töluvert að ógna sérstaklega í síðari hálfleik og skoraði svo frábært mark sem var verðskuldað.
Atvikið
Annað mark Stjörnunnar. Sædís tekur aukaspyrnu sem allir gera ráð fyrir að einhver sé að fara ráðast á en endar svo á að allir missa af boltanum og þar á meðal Vera í marki Keflavíkur og Stjarnan náði tveggja marka forystu.
Hvað þýða úrslitin?
Stjarnan fer í 10 stig og heldur pressu á toppliðum deildarinnar. Keflavík eru áfram með 7 stig um miðja deild.
Vondur dagur
Erfitt að taka einhverja út fyrir sviga en aftasta lína Keflavíkur kom oft ansi illa undan sóknarlotum Stjörnunnar og eiga Veru Varis mikið að þakka að ekki fór verr.
Linli Tu átti heldur ekkert spes leik frammi hjá Keflavík en fékk vissulega litla hjálp.
Dómarinn - 9
Flottur leikur hjá teyminu í dag. Eflaust hægt að setja út á eitthvað en heilt yfir var þetta mjög vel dæmdur leikur og fékk að fljóta.