SKÝRSLAN: Afturelding braut Þórsmúrinn á Akureyri
Hvað réði úrslitum?
Svakaleg gæði í þessu Aftureldingaliði. Arnór Gauti og Elmar Cogic hreint frábærir í sóknarleiknum og Aron Elí og Gunnar Bergmann einnig stórkostlegir aftar á vellinum.
Bestu leikmenn
1. Elmar Kári Enesson Cogic
Hóf leikinn af krafti og náði að koma sínum mönnum yfir. Virkiega vel gert.
2. Gunnar Bergmann Sigmarsson
Var eins og klettur í vörninni. Þórsarar náðu lítið að skapa sér og Afturelding náði að refsa með þriðja markinu eftir frábæran varnarleik mínúturnar á undan.
Atvikið
Undir lok fyrri hálfleiks hækka Þórsarar róminn þegar Ásgeir Frank fer í tæklingu á gulu spjaldi en annað gula spjaldið kom ekki. Ef og hefði, spurning hvernig þetta hefði þróast án hans.
Hvað þýða úrslitin?
Afturelding styrkir stöðu sína á toppi deildarinnar eftir úrslit dagsins. Þór er í 8. sæti en á tvo leiki til góða á Leikni og einn á Þrótt sem eru í sætunum fyrir ofan.
Vondur dagur
Þórsarar litu ágætlega út í seinni hálfleik en það vantaði upp á end productið hjá þeim í dag. Öll sóknarlínan átti erfitt uppdráttar en vissulega vel gert að ná markinu.
Dómarinn - 6
Þetta var svona allt í lagi ekki gott. Ekki viss hvort ég eigi að fara niður í fimmu. Spurning hvort hann hefði átt að reka Ásgeir Frank af velli annars fannst mér hann hafa fín tök á þessu.