Liðin ganga til leiks Erlendur Eiríksson dómari leiksins leiðir liðin til leiks. Styttist í upphafsflautið.

Fyrir leik er Davíð Ingvarsson heiðraður en hann hefur leikið 150 leiki í öllum keppnum fyrir Breiðablik. Við óskum Davíði til hamingju.

Fyrirliði Aftureldingar spáir! Aron Elí Sævarsson, fyrirliði Aftureldingar sem hefur verið að gera frábært mót í Lengjudeildinni tók það á sig að spá fyrir um þessa 16.umferð Bestu deildar karla.

Breiðablik 3 - 1 ÍBV (18:00 í kvöld)
Það er í raun bara spurning hversu mikið Jason Daði fær að spila hvort þetta fari 3 eða 4-1. Hann fær sínar 20 mín í lokin og skorar eitt mark. Höskuldur og Anton Logi með hin tvö. Hjaltested skorar pottþétt fyrir ÍBV með frákasti eftir víti sem Anton ver.

Dómarinn Erlendur Eiríksson fær það verkefni að flauta leikinn hér í dag. Erlendi til aðstoðar verða þeir Eðvarð Eðvarðsson og Ragnar Þór Bender. Guðmundur Páll Fiðbertsson er fjórði dómari hér í dag.

Byrjunarliðin Breiðablik spilaði við Shamrock Rovers frá Írlandi í forkeppni Meistaradeildarinnar síðasta þriðjudagskvöld. Frá þeim leik gerir Óskar Hrafn Þorvaldsson þrjár breytingar.

Klæmint Olsen og Davíð Ingvarsson koma inn í liðið ásamt Ágústi Orra Þorsteinssyni, sem lék mjög vel á Evrópumóti U19 landsliða fyrr í þessum mánuði. Oliver Sigurjónsson, Kristinn Steindórsson og Andri Rafn Yeoman taka sér sæti á bekknum.

ÍBV gerir líka þrjár breytingar frá síðasta leik sínum, sem var 1-1 jafntefli gegn Keflavík. Eftir síðasta leik voru sögur þess efnis að Eiður Aron Sigurbjörnsson yrði frá vegna meiðsla út tímabilið en hann er óvænt mættur í byrjunarliðið í dag. Þá koma Guðjón Ernir Hrafnkelsson og Halldór Jón Sigurður Þórðarson einnig inn í liðið.

Eyjamenn ÍBV situr fyrir leik kvöldsins í áttunda sæti deildarinnar með 17.stig.

Eyjamenn fengu Keflavík í heimsókn í síðustu umferð og endaði leikurinn 1-1. Hermann Þór Ragnarsson skoraði mark ÍBV.

Breiðablik Þessi leikur átti upprunalega að fara fram á morgun en var færður um einn sólarhring þar sem Breiðablik eru í þéttu leikjaprógrami þessa dagana útaf Evrópukeppni sem liðið tekur þátt en liðið sló út á dögunum írska liðið Shamrock Rovers úr forkeppni Meistaradeildar Evrópu og býður Blikum rosalegt einvígi gegn FC Kaupmannahöfn. Fyrri leikurinn fer fram í Kópavogi eftir helgi og sá síðari á Parken viku síðar.

Breiðablik situr fyrir leik dagsins í þriðja sæti Bestu deildar karla með 30 stig. Liðið fór í heimsókn upp í Úlfarsárdal í síðustu umferð og sigruðu Fram 0-1. Águst Eðvald Hlynsson skoraði mark Blika í þeim leik.

Föstudagsleikur á Kópavogsvelli! Góðan og gleðilegan daginn kæru lesendur og verið hjartanlega velkomin með okkur á Kópavogsvöll þar sem Breiðablik og ÍBV mætast í 16.umferð Bestu deildar karla.

Flautað verður til leiks klukkan 18:00.