SKÝRSLAN: Stigunum deilt í Árbæ
Hvað réði úrslitum?
Bæði lið fengu færi í dag í fjörugum leik í Árbænum. Jafntefli er því nokkuð sanngjörn niðurstaða að leikslokum.
Bestu leikmenn
1. Tómas Bent Magnússon
Skoraði og lagði upp í dag. Solid frammistaða heilt yfir í leiknum.
2. Sveinn Gísli Þorkelsson
Átti góðar tæklingar og var mjög öruggur á boltanum. Hefur komið vel inn í liðið eftir að hann kom á láni frá Víkingi.
Atvikið
Jöfnunarmark Fylkis undir lok leiks. Þóroddur skorar sitt fyrsta mark í meistaraflokki skömmu eftir að hafa verið skipt inn á völlinn.
Hvað þýða úrslitin?
Fylkismenn eru nú með 22 stig í 9. sæti á meðan ÍBV kemst upp úr fallsæti eins og stendur með 20 stig.
Vondur dagur
Lítið sem kemur upp í huga. Enginn leikmaður yfirburða slakur, færanýting og varnarvinna hjá báðum liðum ágæt. Það er ekki einu sinni hægt að gefa veðrinu þennan stimpil í dag. Dómarateymið var fínt. Nánast allir þættir leiksins í dag voru ágætir. Ekkert frábært, ekkert lélegt. Bara ágætt.
Dómarinn - 8
Fín frammistaða hjá dómarateyminu í dag en set hins vegar spurningarmerki við það að Halldór Jón hafi ekki fengið gult spjald.