Breiðablik hirða 3 mikilvæg stig og eru komnar langleiðina með að tryggja sér í Evrópu!

Agla með skot úr aukaspyrnu langt fyrir utan teig, boltinn fer rétt yfir mark gestanna.

Thelma Karen með flotta takta og kemur sér í skotið sem er ekki nægilega gott og fer boltinn framhjá.

Andrea Rut með hörkuskot í teig FH en Aldís ver frábærlega í marki gestanna.

Ekkert sem bendir til að FH sé að koma til baka.

Leikurinn heldur áfram á meðan Blikar undirbúa skiptingu fyrir Katrínu.

Katrín Ásbjörns liggur niðri vegna meiðsla.

Agla María á eitraða fyrirgjöf sem enginn Bliki kemst í og Lillý Rut kemur boltanum frá.

Eftir frábært samspil Hafrúnar og Andreu berst boltinn á Katrínu sem tekur skotið í teig FH en Aldís ver vel.

Gestirnir fá horn, Sunneva á góða hornspyrnu en Telma gerir vel og nær að blaka boltanum burt.

Mackenzie með marktilraun fyrir utan teig en Telma Ívars grípur boltann auðveldlega.

Lítið um að vera hér í byrjun síðari hálfleiks.

Blikar byrja með boltann.

Allt í járnum þegar liðin ganga til búningsklefa. Leikurinn heilt yfir frekar lokaður. Tökum 15.

Fjórum mínútum bætt við.

Rachel Avant lætur vaða fyrir utan teig eftir að Guðni Eiríks öskraði ,,shoot" frá bekknum. Boltinn fór rétt yfir mark Blika.

Mackenzie með lúmska tilraun, chippar boltanum á fjærstöng en Telma nær að handsama boltann. Veit ekki hvort þetta átti að vera sending eða skot.

Shaina borin af velli á börum, óskum henni skjóts bata.

Shaina Ashouri FH liggur niðri vegna meiðsla. Leikurinn búinn að vera stopp í um 3 mínútur.

Telma Ívars liggur niðri og þarfnast aðhlynningar.
Telma getur haldið leik áfram.

Hafrún Rakel með skot í teignum, en skotið fer beint á Aldísi markverði FH.

Andrea Rut á skot við vítateig FH en enn og aftur ver Aldís.

Birta Georgs að sleppa í gegn en tekur þunga snertingu og Aldís kemst á undan í boltann.

Agla María vinnur boltann hátt uppi á vellinum og sleppur í gegn, Agla tekur skotið en Aldís í marki FH ver frábærlega. Boltinn berst út á Andreu Rut sem skýtur en aftur ver Aldís!

Arna Eiríks með lúmskt skot að marki Blika en boltinn fer framhjá.

Breiðablik fær hornspyrnu, Agla tekur spyrnuna boltinn skoppar á milli manna og endar hjá Birtu Georgs sem lætur vaða en Aldís ver vel í marki gestanna.

Ekki mikið að frétta eftir færi FH á fyrstu mínútu leiks.

FH fær fyrstu hornspyrnu leiksins, darraðadans í teignum. FH kemur skoti á markið en Telma Ívars ver vel.

Gestirnir byrja með boltann.

Liðin ganga inn á völlinn og Bestu-deildar stefið í botni, nú styttist í þetta!

Hart er barist um 2. sæti deildarinnar sem gefur Evrópusæti. Breiðablik er með tveggja stiga forystu á Stjörnuna og myndi sigur í dag fara langt með að tryggja Breiðablik annað sætið og þar af leiðandi í Evrópu.

Staðan í deildinni:

1. Valur - 48 stig
2. Breiðablik - 37 stig
3. Stjarnan - 35 stig
4. Þróttur R. - 34 stig
5. Þór/KA - 29 stig
6. FH - 28 stig

Gengi FH sömuleiðis er ekki búið að vera upp á marga fiska og á liðið enn eftir að ná í sinn fyrsta sigur eftir tvískiptingu deildarinnar. FH er í sjötta og neðsta sæti efri hluta deildarinnar og hafa lítið til að keppa upp á.
Þrátt fyrir það hefur FH átt mjög gott tímabil en liðinu var fyrir tímabilið spáð neðsta sæti.

Eftir að Breiðablik tapaði gegn Víkingi R. hefur liðið nánast brotnað. Liðið fékk aðeins 1 stig úr 5 leikjum. Þjálfaraskipti urðu á liðinu er Ásmundur Arnarsson lét af störfum. En Kjartan Stefánsson og Gunnleifur Gunnleifsson stýra núna liðinu ásamt Ólafi Péturssyni og Önu Cate.
Í síðustu umferð vann liðið þó gegn Stjörnunni en var það fyrsti sigur liðsins síðan 7. ágúst. Spennandi verður að sjá hvort að liðið nái að tengja saman 2 sigra í dag.

Góðan og blessaðan daginn lesendur góðir og veriði velkomin í þráðbeina textalýsingu frá Kópavogsvelli. Besta-deild kvenna heldur áfram að rúlla eftir landsleikjahlé. Í dag mun Breiðablik taka á móti FH í 22. og jafnframt næst síðustu umferð Bestu deildar kvenna.