SKÝRSLAN: Ryderball í Árbænum
Hvað réði úrslitum?
Erfitt að segja nákvæmnlega en ætli það hafi ekki bara verið þessi 10 mínútna kafli þar sem KR-ingar komast í 4-1. Fylkismenn steinsofandi í þessum mörkum en ég tek ekkert af KR. Þetta var mjög skrýtinn fyrri hálfleikur. Ekkert mikið að frétta og KR dálítið brothættir varnarlega en í lok dags er KR bara með betra lið en Fylkir og áttu alltaf að vinna í dag miðað við hvernig hann þróaðist að mínu mati. Var þetta þessi frægi Ryder ball sem við munum sjá í sumar. Mörk og stemning.
Bestu leikmenn
1. Luke Rae (KR)
Mér fannst hann vera stórkostlegur í kvöld. Skorar þetta sturlaða mark sem er klárlega mark umferðarinnar. Skil ekki hvernig hann hefur fengið að spila svona lítið hjá KR. Gregg ætlar greinilega að nota hann mikið í sumar en hann hefur sýnt honum mjög mikið traust. Enda er þetta leikmaður með gífurlega mikinn hraða og skemmtilega takta sem við fengum svo sannarlega að sjá í dag.
2. Kristján Flóki Finnbogason (KR)
Var að ógna gríðarlega mikið með hraða sínum og krafti leggur upp tvö mörk í kvöld og á klárlega stoðsendingu sumarsins í markinu sem Luke Rae skorar. Magnaður í kvöld.
Atvikið
Klárlega markið hans Luke Rae. Innkast hjá Aroni, hælsending í loftinu hjá Kristjáni inn fyrir í gegn á Luke Rae sem tekur skotið í fyrsta í samskeytin. Sturlað mark sem verður klárlega contender í mark tímabilsins.
Hvað þýða úrslitin?
KR byrjar tímabilið á þremur stigum en Fylkismenn á tapi. Það er þó margt sem KR þarf að laga fyrir næsta leik sem er gegn Stjörnunni.
Vondur dagur
Verð því miður að setja þetta á Ómar Björn Stefánsson. Það var hann sem tapaði boltanum inni í hans eigin vítateig sýndist mér þegar KR tóku forystuna. Ég sá ekki beint hvað hann var að reyna að gera með boltann en hann var bara klaufi.
Dómarinn - 8
Mér fannst hann dæma þetta mjög vel. Nokkrar ákvarðanir sem mér fannst hann geta gert betur en bara fínasti leikur hjá teyminu. Fylkismenn eru væntanlega mjög ósammála mér.