Símalýsing Athugið það að leiknum verður lýst í gegnum síma þannig að lýsingin verður kannski ekki eins ítarleg og hefðbundnar textalýsingar.

Geggjað veður! Blíðskaparveður í Vesturbænum. Hvet alla að mæta!

Dómarar leiksins Guðmundur Páll Friðbertsson fær það geggjaða verkefni að dæma þennan leik. Honum til halds og trausts verða þeir Ronnarong Wongmahadthai og Baldur Björn Arnarsson.

Fyrri viðureignir KV og ÍR hafa oft leikið í sömu deild undanfarin ár og mæst þ.a.l. mjög oft. Samkvæmt KSÍ hafa liðin mæst alls 14 sinnum, en fyrsta viðureign þessara liða var spiluð fyrir 11 árum árið 2013. ÍR hefur unnið helminginn af þessum 14 leikjum, KV unnið fjóra og þrisvar hafa leikirnir farið jafntefli. Liðin hafa mæst tvisvar sinnum í bikarkeppninni. KV vann fyrri leikinn í vítaspyrnukeppni árið 2016 en ÍR vann seinni bikarleik liðanna árið 2019, 3-0. Það verður fróðlegt að fylgjast með leiknum á eftir.

Leið liðanna í leikinn KV vann sannfærandi 3-0 sigur í 1. umferð bikarsins gegn KFS. ÍR spiluðu ekki leik í 1. umferðinni og hefja þátttöku sína í bikarnum í 2. umferð. Sem þýðir einfaldlega það að þeir eru strax búnir að bæta árangurinn í bikarkeppninni frá því í fyrra. Þá töpuðu þeir 1-0 í 1. umferðinni gegn ÍH. Ná þeir að vinna 3. deildarlið í fyrsta bikarleik ársins í ár?

Bikargleði í Vesturbænum Heilir og sælir ágætu lesendur og veriði hjartanlega velkomin í þessa þráðbeinu textalýsingu úr Vesturbænum þar sem KV-menn fá ÍR-inga í heimsókn í 2. umferð Mjólkurbikar karla.