Liðin eru mætt í hús
Byrjunarliðin hafa verið opinberuð og má sjá þau hér til hliðar. Eins og búast mátti við er talsvert um breytingar í liði Blika frá tapinu gegn Víkingum en Dóri Árna nýtir leikinn til þess að hvíla eitthvað af lykilmönnum.

Lið Keflavíkur inniheldur það sem kalla má kunnuleg andlit það er þó nokkuð af ungum Keflvíkingum sem að taka mikla ábyrgð þetta sumarið.

Bikarviðureignir liðanna á þessari öld Liðin hafa leitt saman hesta sína í Mjólkurbikarnum (áður VISA bikarnuam) alls fimm sinnum á þessari öld. Tölfræðin hallar þar hressilega í átt að Kópavogi en Blikar hafa unnið fjórar af þessum fimm viðureignum. Það gefur því augaleið að Keflavík hefur einu sinni haft sigur.

Sá sigur kom í síðustu viðureign liðanna í bikarnum í 32 liða úrslitum sumarið 2021. Þar hafði Keflavík 2-0 sigur eftir framlengdan leik með mörkum frá Helga Þór Jónssyni og Davíð Snæ Jóhannssyni.

Keflavík
Lengjudeildin er ekki enn farinn að rúlla en Keflavík hefur þó þegar leikið einn leik í Mjólkurbikarnum þetta árið. Liðið mætti liði Víkings Ó. i Akraneshöllinni þann 10.apríl síðastliðinn og hafði þar 3-2 sigur. Stefán Jón Friðriksson, Valur Þór Hákonarson og AxelIngi Jóhannesson gerðu þar mörk Keflavíkur en allir þrír eru þeir uppaldir Keflvíkingar og fæddir árið 2004.

Keflavík hefur lyft Bikarnum alls fjórum sinnum í sögu sinni síðast árið 2006 þegar liðið lagði KR í úrslitaleik 2-0. Nú 19 árum síðar er skilanlega enginn úr leikmannahópi liðsins þann dag eftir í liðinu en Ómar Jóhannsson markmannsþjálfari liðsins í dag stóð þó í markinu hjá Keflavík gegn KR.

Breiðablik Gestirnir úr Kópavogi mæta til leiks á þessu stigi Mjólkurbikarsins líkt og önnur Bestu deildar lið. Í deildinni hefur liðið farið þokkalega af stað. Unnu 2-0 sigur á FH í fyrstu umferð deildarrinar og fylgdu honum eftir með 4-0 sigri á Vestra í þeirri annari. Þeir lentu þó á vegg ríkjandi Íslands og Bikarmeistara Víkings um liðna helgi og þurftu að gera sér 4-1 ósigur að góðu.

Breiðablik hefur einu sinni í sögu sinni fagnað bikarmeistaratitlinum. Það var árið 2009 er liðið lagði lið Fram í vítaspyrnukeppni. Fjórir leikmenn í núverandi leikmannahópi Breiðabliks hafa upplifað það að verða bikarmeistarar með félaginu en Kristinn Steindórsson, Kristinn Jónsson, Andri Rafn Yeoman og Arnór Sveinn Aðalsteinsson voru allir í leikmannahópi Breiðabliks í þessum úrslitaleik fyrir tæpum 15 árum síðan.


Kristinn Jónsson var eitt sinn hárprúður mjög

32 liða úrslitum Mjólkurbikarsins lýkur í Keflavík
Heil og sæl kæru lesendur og verið velkomin í þessa beinu textalýsingu Fótbolta.net frá leik Keflavíkur og Breiðabliks í 32 liða úrslitum Mjólkurbikars karla.

Leikið verður á gervigrasinu við hlið Nettóhallarinnar og flautað verður til leiks klukkan 19:15