Breiðablik tók forystuna snemma í leiknum en Tindastóll gafst ekki upp við það og þær gáfu Blikunum hörkuleik. Í seinni hálfleik fóru Stólarnir að þreytast og heimakonur hótuðu öðru markinu hvað eftir annað. En gestirnir fengu eitt frábært færi til að jafna undir lokin á venjulegum leiktíma og þá steig landsliðsmarkvörðurinn Telma Ívarsdóttir upp og varði frábærlega. Blikar fóru upp í sókn eftir vörslu Telmu og gengu frá leiknum.

Varslan hjá Telmu undir lokin, engin spurning. Hugrún sloppin ein í gegn og hefði getað jafnað, en landsliðsmarkvörðurinn sá við henni.

Breiðablik er með fullt hús á toppnum eftir tvo leiki á meðan Tindastóll er án stiga eftir tap gegn FH í fyrstu umferð. Breiðablik vann Keflavík 3-0 í fyrstu umferð og það er góð uppskrift að vinna alltaf 3-0 bara. Maður segir ekki nei við því!

Jordyn Rhodes fann sig ekki alveg fyrir framan markið í þessum leik. Tindastóll fær ekki endalaust af færum í sumar og hún þarf að nýta þau betur. Hugrún Pálsdóttir gæti þá átt erfitt með svefn í nótt eftir að hafa klúðrað algjöru dauðafæri seint.

Býsna vel dæmdur leikur.