Liðin ganga hér inn á völlinn, nú er stutt í að þessi veisla hefjist!

Byrjunarliðin Vestri mætti KA í síðasta deildarleik, Jeppe Gertsen skoraði eina mark leiksins á 93. mínútu. Þar með vann Vestri sinn fyrsta leik í efstu deild. Davíð Smári gerir eina breytingu frá þeim leik.
Inn í liðið kemur nýi leikaðurinn Johannes Selvén sem kom frá danska úrvalsdeildarfélaginu OB á láni, Guðmundur Arnar víkur úr byrjunarliðinu.


HK fékk FH í heimsókn í Kórinn í síðasta deildarleik. Þar unnu FH sanngjarnan 2-0 sigur á HK-ingum sem ógnuðu lítið sem ekkert. Atli Hrafn Andrason fékk að líta rauða spjaldið í leiknum og er því ekki í hóp í dag.
Ómar Ingi gerir fjórar breytingar á liði sínu frá þeim leik. Atli Þór, Magnús Arnar, Brynjar Snær og Þorsteinn Aron koma allir í byrjunarliðið í stað Kristján Snæs, Marciano Aziz, Birnis Breka og Atla Hrafns.

HK og Vestri mætast í fyrsta heimaleik Vestra????
Leikurinn verður í Laugardalnum á AVIS vellinum????

???? AVIS völlurinn
?? 14:00
?? @VestriF ???? @hkkopavogur
????? Miðasala á https://t.co/gOIMRhybun pic.twitter.com/LB2bAl54Xj

— Besta deildin (@bestadeildin) April 28, 2024

Vestri með sannfærandi sigur Vestri mætti á Ásvelli síðastliðinn fimmtudag og vann þar sannfærandi 4-2 sigur á 2. deildar liði Hauka í Mjólkurbikarnum. Hér fyrir neðan má sjá öll 6 mörk leiksins.

Vestri er komið áfram í 16-liða úrslit eftir 2-4 sigur gegn Haukum í stórskemmtilegum leik! ? @mjolkurbikarinn @VestriF @fchaukar pic.twitter.com/6O8qFO5K7o

— RÚV Íþróttir (@ruvithrottir) April 25, 2024

Nunn kominn í gang HK kom einmitt hingað í Laugardalinn og mættu Þrótturum í spennandi leik á miðvikudaginn í Mjólkurbikarnum. George Nunn reyndist hetja HK-inga en hann skoraði bæði mörk liðsins í 2-1 sigri.

HK er komið í 16-liða úrslit eftir 2-1 sigur á Þrótti. Það stefndi í framlengingu en George Nunn skoraði sigurmarkið á 87. mínútu?? @mjolkurbikarinn pic.twitter.com/Vo9mE9NwJB

— RÚV Íþróttir (@ruvithrottir) April 24, 2024

Bæði lið búin að styrkja sig Félagsskiptaglugginn lokaði síðastliðinn miðvikudag, bæði lið styrktu sig rétt fyrir lok gluggans.

Vestri fékk nú á dögunum Johannes Selvén frá danska úrvalsdeildarfélaginu OB á láni til sín.
Selvén er tvítugur Svíi. Hann er hægri kantmaður og kom hann við sögu í níu leikjum og skoraði eitt mark fyrir OB.

HK fengu liðsstyrk á gluggadeginum sjálfum í þeim Eiði Gauta, Hákoni Inga og Beiti Ólafs.
Eiður og Hákon eru báðir sóknarmenn, Hákon kemur frá Fjölni en Eiður kemur frá Ými þar sem hann raðaði inn mörkum.
Beitir Ólafs verður til taks ef eitthvað skildi koma uppá í markvarðarstöðu HK-inga.

Fyrsti ,,heimaleikur Þetta er fyrsti heimaleikur Vestra í Bestu-deildinni en hann er spilaður á Avis-vellinum í Laugardalnum, leikurinn er færður frá Ísafirði vegna þess að Kerecisvöllurinn fyrir vestan er ekki leikfær.


„Við sýnum liðum skilning sem þurfa að ferðast og bóka flug því við þekkjum þetta. Við ákváðum að ganga frá þessum leik sem fyrst og heyrðum í vini okkar hjá Þrótti sem ætla að hýsa okkur." sagði Samúel Samúelsson, formaður meistaraflokksráðs karla hjá Vestra, við Fótbolta.net.

Sunnudagur til sælu! Góðan og gleðilegan sunnudaginn kæru lesendur og veriði velkomin í þráðbeina textalýsingu beint frá Avis-vellinum þar sem Vestri tekur á móti HK í 4. umferð Bestu-deildar karla.