SKÝRSLAN: Sterkur heimasigur 450 km að heiman
Hvað réði úrslitum?
Leikurinn var mjög jafn nánast allan leikinn, ef eitthvað er þá voru HK-ingar hættulegri. HK-ingar komu sér í góð færi en þeir náðu ekki að nýta færin sem þeir fá, einungis búnir að skora 1 mark í þessum fyrstu fjórum umferðum. Frábært skyndisóknarmark sem skildi liðin að í dag. Leikurinn hefði getað dottið á báða vegu.
Bestu leikmenn
1. Benedikt V. Warén
Benedikt ógnaði mikið frá vinstri kantinum og skoraði þetta gífurlega mikilvæga sigurmark.
2. Ibrahima Balde
Yaya Touré Bestu-deildarinnar, einn af mínum uppáhalds leikmönnum í þessari deild. Skapaði mikið og var erfiður viðureignar í leiknum.
Andri Rúnar var einnig mjög drjúgur.
Hjá HK voru þeir Marciano Aziz og Arnar Freyr mjög góðir
Andri Rúnar var einnig mjög drjúgur.
Hjá HK voru þeir Marciano Aziz og Arnar Freyr mjög góðir
Atvikið
Fyrir utan markið var það þegar Tumi Þorvarsson slapp í gegn eftir frábæra sendingu frá Þorsteini Aroni, Tumi lyfti boltanum yfir Eskelinen og hafnaði í þverslánni í stöðunni 0-0.
Einnig er vert að minnast á þegar Atli Þór Jónasson fór með sólann hátt upp og fór í Eið Aron sem þurfti að víkja að velli í kjölfarið.
Einnig er vert að minnast á þegar Atli Þór Jónasson fór með sólann hátt upp og fór í Eið Aron sem þurfti að víkja að velli í kjölfarið.
Hvað þýða úrslitin?
Vestramenn tengja saman tvo sigra og eru komnir með 6 stig og slíta sig þar með frá neðstu liðunum.
HK eru neðstir á stigatöflunni með 1 stig, útlitið er ekki bjart fyrir lið fólksins.
HK eru neðstir á stigatöflunni með 1 stig, útlitið er ekki bjart fyrir lið fólksins.
Vondur dagur
Brynjar Snær á slæm mistök í marki Vestra, kærulaus utanfótar sending fram á við sem fer beint á Silas og úr Vestramenn komast í fjórir á tvo stöðu sem Vestramenn skora úr, dýrkeypt mistök þarna.
Dómarinn - 6
Pétur Guðmundsson og aðstoðarmenn hans áttu ágætis dag. Spurning hvort að hann ætti að gefa rautt þegar Atli Þór fór í Eið Aron. Annars heilt yfir ágætis leikur hjá tríóinu.