Hörku stemning! Það er hörku stemning hérna á N1 vellinum Hlíðarenda! Vel mætt og því ber að fagna.

Stúkan er að byrja taka á sig mynd og bílastæðin fyrir utan fyrir löngu orðin stöppuð.

Byrjunarliðin klár Arnar Grétarsson, þjálfari Vals, gerir þrjár breytingar frá tapleiknum gegn Stjörnunni fyrir rúmri viku síðan. Þeir Jakob Franz, Elfar Freyr og Kristinn Freyr koma inn fyrir þá Bjarna Mark Antonsson, Aron Jóhannsson og Sigurð Egil Lárusson. Bjarni er í leikbanni, Sigurður er meiddur en óvíst með Aron. Á bekknum eru svo þeir Guðmundur Andri Tryggvason og Hörður Ingi Gunnarsson í fyrsta sinn í sumar. Hörður er lánsmaður frá FH. Í byrjunarliðinu eru fjórir miðverðir; Hólmar Örn, Jakob, Elfar og Orri Sigurður.

Rúnar Kristinsson, þjálfari Fram, gerir enga breytingu á byrjunarliðinu frá sigrinum gegn KR í síðustu umferð. Tvær breytingar eru á bekknum því þeir Viktor Bjarki Daðason og Haraldur Einar Ásgrímsson, sem keyptur var frá FH, koma inn. Þeir Egill Otti Vilhjálmsson og Þengill Orrason detta út úr hópnum. Jannik Pohl er áfram fjarri góðu gamni og þá fékk Orri Sigurjónsson heilahristing í bikarleiknum gegn Árbæ.

Spámaður umferðarinnar Albert Brynjar Ingason, þáttastjórnandi Gula Spjaldsins og sérfræðingur í Stúkunni á Stöð 2 Sport er spámaður 4.umferðar.

Valur 1 - 0 Fram
Verður hægt hjá Valsliðinu sem nær ekki að opna vel drillað Fram lið hjá Rúnari, þar til AP24 kemur inn á og keyrir tempóið upp og skorar late winner.

Dómarateymið Vilhjálmur Alvar Þórarinsson heldur utan um flautuna hér í kvöld og honum til aðstoðar verða Gylfi Már Sigurðsson og Andri Vigfússon.
Helgi Mikael Jónasson er varadómarinn í kvöld og sérlegur sérfræðingur á skiltinu.
Frosti Viðar Gunnarsson er eftirlitsdómari okkar hér í kvöld.

Innbyrðis viðureignir í efstu deild Eins og gefur að skilja þá hafa þessi Reykjavíkurstórveldi oft mæst í efstu deild. Nánar tiltekið hafa þessi lið 107 sinnum barist í efstu deild.

Valur hefur 42 sigra (39%) gegn Fram í efstu deild.
Fram hefur þá 34 sinnum (32%) hrósað sigri.
Liðin hafa skilið jöfn 31 sinni (29%).

Valur Valur hafa farið höktandi af stað í byrjun móts. Eina liðið sem hefur prufað þrennuna á þessu tímabili til þessa (sigur, jafntefli og tap).

Pressan á Val fyrir tímabil var gríðarleg og þá sér í lagi vegna þeirra leikmanna sem Valur sótti sér fyrir mót. Valsliðið hefur ekki alveg komið með eins miklum krafti inn í Íslandsmótið og vonast var eftir og hafa verið gagnrýndir fyrir spilamennsku í upphafi móts.

Valur tapaði fyrir Stjörnunni í síðustu umferð með einu marki gegn engu þar sem Adolf Daði Birgisson skoraði sigurmark Stjörunnar. Bjarni Mark fékk þá að líta rauða spjaldið hjá Val í þeim leik.

Valur getur með sigri í kvöld lyft sér upp í 3.sæti deildarinnar með sjö stig.

Fram Fram hefur farið virkilega vel af stað og eru í sjálfu sér óheppnir að vera ekki með fullt hús stiga eftir þrjár spilaðar umferðir.

Fram verið gríðarlega þéttir í upphafi móts og aðeins Víkingur náð að skora mark gegn þeim. Rúnar búin að vinna frábærlega í varnarleik Fram það sem af er móts.

Fram gerðu góða ferð á Avis völlinn í síðustu umferð og sóttu sterkan sigur gegn KR. Freyr Sigurðsson með sigurmarkið.

Fram getur með sigri í kvöld lyft sér upp að hlið Breiðabliks í 2.sætinu.

4.umferð Bestu deildarinnar Í kvöld lýkur 4.umferð Bestu deildar karla með tveim leikjum.

Leikirnir í kvöld:

Valur - Fram (18:00)
Fylkir Stjarnan (19:15)

Umferðin til þessa:

ÍA 1-2 FH
Vestri 1-0 HK
Víkingur R. 4-2 KA
KR 2-3 Breiðablik

Staðan í Bestu þegar 4.umferð er að klárast:

1. Víkingur R. - 12 stig (+8)
2. Breiðablik - 9 stig (+4)
3. FH - 9 stig (+2)
4. ÍA - 6 stig (+5)
5. KR - 6 stig (+1)
6. Fram - 6 stig (+2)
7. Vestri - 6 stig (-4)
8. Valur - 4 stig (+1)
9. Stjarnan - 3 stig (-3)
10. KA - 1 stig (-4)
11. Fylkir - 1 stig (-5)
12. HK - 1 stig (-7)

Heil og sæl! Verið hjartanlega velkomin til leiks! Hér verður fylgt eftir gangi mála í leik Vals og Fram í þráðbeinni textalýsingu frá N1 vellinum við Hlíðarenda.