Algjörlega galinn fótboltaleikur sem endar með stórsigri Vals. Nýliðarnir slegnir harkalega niður á jörðina. Valur með fullt hús stiga en Víkingar með fjögur stig.

Frekari umfjöllun væntanleg.

Víkingur fær víti. Hárrétt, Selma fellur í teignum.

Amanda er búin að koma að fimm mörkum Vals í dag.

Víkingar þjarma að marki Vals eftir hornspyrnu, en boltinn fer ekki yfir línuna. Twana bendir svo eins og hann sé að dæma mark og Víkingar fagna. Fanney tryllist, en Twana var bara að dæma aukaspyrnu.

Fanney grípur hornspyrnu en hún fær högg í kjölfarið. Hún stendur þó upp og heldur áfram.

Enginn varamarkvörður á bekknum.

Katla þarf skiptingu. Víkingur í áhugaverðri stöðu.

Katla leggst niður. Víkingur er ekki með varamarkvörð. Hvernig leysa þær þetta?

Hafdís Bára reynir núna skot fyrir utan teig en Fanney grípur.

Svanhildur með tilraun að marki Vals en hún var einhvern veginn aldrei líkleg.

Leikurinn er farinn aftur af stað. Katla og Svanhildur halda báðar leik áfram.

Alvöru árekstur í vítateig Víkinga. Katla og Svanhildur Ylfa liggja eftir. Vonandi er allt í lagi með þær.

Katla ekki búin að vera sérlega sannfærandi í marki Víkinga í þessum leik. Missir hér fyrirgjöf en nær að grípa boltann í annarri tilraun. Heppin þarna.

Anna Rakel með góðan bolta fyrir sem Katla misreiknar í markinu. Valur fær hornspyrnu.

Seinni hálfleikurinn að fara rólega af stað. Valur með völdin og heldur í boltann nokkuð vel.

Shaina fær boltann við vítateigsbogann og horfir strax í átt að marki. Hún tekur skotið en Fanney er mætt niður til að verja það.

Það er handboltaleikur að fara að byrja í salnum fyrir aftan og teknó tónlistin er í botni. Skemmtilegt.

Steini er í stúkunni, að sjálfsögðu.

Það er kominn hálfleikur á Hlíðarenda. Víkingar tóku forystuna snemma en Íslandsmeistararnir hafa snúið leiknum við og leiða hér í hálfleik. Amanda Andradóttir með bæði mark og stoðsendingu. Hefðbundinn dagur á skrifstofunni hjá henni.

Amanda tekur vítaspyrnuna.

Valur fær víti. Ruby Diodati brýtur klaufalega af sér innan teigs.

Stuðningsmenn Víkings mættu kannski seint, en eru núna vel mættir og láta vel í sér heyra.

Berglind fær boltann við miðsvæðið og rekur hann upp að teig. Þar reynir hún skot en það fer beint í Ernu Guðrúnu. Svo á Anna Rakel skot en það er enginn kraftur í því. Auðvelt fyrir Kötlu.

Ruby Diodati, sem kom til Víkings stuttu fyrir mót, er að koma inn á af bekknum. Birta Birgisdóttir meidd.

Jasmín í fínu skotfæri inn á teignum en hittir boltann ekki nægilega vel og Katla grípur.

Maðurinn sefur ekki, mætir á alla leiki.

Fín sókn hjá Val sem endar með fyrirgjöf/skoti frá Guðrúnu Elísabetu en Katla handsamar boltann.

Selma Dögg sýnir styrk sinn og vinnur boltann á miðsvæðinu. Á svo ágætis bolta fyrir en Sigdís nær ekki til hans.

Núna er komin grenjandi rigning á Hlíðarenda. Glittir aðeins í sólu á meðan.

Taka spyrnuna stutt og svo á Sigdís Eva hættulegan bolta fyrir, en Berglind Rós er fyrst að boltanum og skallar frá.

Víkingar aðeins að sækja í sig veðrið síðustu mínúturnar. Fá aðra hornspyrnu núna sem Bergdís tekur.

Fallhlífarbolti inn á teiginn sem Fanney grípur.

Selma Dögg sendir Freyju í gegn upp hægra megin. Hún sendir hann svo fyrir markið en Lillý er fyrst á boltann. Hornspyrna sem Víkingur fær.

Katie reynir sendingu inn fyrir á Amöndu, en hún var alltof lengi að skila boltanum frá sér. Amanda var orðin rangstæð.

Hailey með hættulegan bolta fyrir en Emma nær að koma honum frá. Það er mikill kraftur í Fanndísi en hún og Guðrún Elísabet eru búnar að skipta um kant; Fanndís komin hægra megin og Guðrún Elísabet vinstra megin.

Fanndís fer hér illa með Emmu Steinsen og reynir skot að marki úr frábæru færi. Reynir einhvern veginn að skjóta yfir Kötlu í markinu, sem blakar honum yfir.

Fanndís tekur einn snúning og reynir skot fyrir utan teig, en það fer nokkuð vel fram hjá markinu.

Amanda með fyrirgjöf og Fanndís í skallafæri en yfir markið fer boltinn. Valur fær hornspyrnuna.

Þetta er farið af stað! Víkingur byrjar með boltann og sækir í átt að Háskóla Íslands.

Það er afar fámennt á vellinum, en það er góðmennt!

Bæði lið búin með upphitun og farin inn í klefa. Styttist í að flautað verði á.

Það er rigningarlegt á Hlíðarenda og nokkrir dropar falla af himnum. Átta gráðu hiti. Stórkostlegar aðstæður fyrir fótbolta.

Fyrirliðinn Selma Dögg Björgvinsdóttir snýr aftur í byrjunarliðið eftir að hafa byrjað óvænt á bekknum gegn Fylki. Þá kemur hin mjög svo efnilega Freyja Stefánsdóttir einnig inn í liðið aftur. Sama lið og byrjaði fyrsta leikinn gegn Stjörnunni.

Byrjunarlið Víkings:
1. Sigurborg K. Sveinbjörnsdóttir (m)
4. Erna Guðrún Magnúsdóttir
5. Emma Steinsen Jónsdóttir
6. Gígja Valgerður Harðardóttir
8. Birta Birgisdóttir
9. Freyja Stefánsdóttir
10. Selma Dögg Björgvinsdóttir (f)
11. Hafdís Bára Höskuldsdóttir
21. Shaina Faiena Ashouri
24. Sigdís Eva Bárðardóttir
26. Bergdís Sveinsdóttir

Hin bráðefnilega Ragnheiður Þórunn Jónsdóttir fer á bekkinn og í hennar stað kemur Fanndís Friðriksdóttir inn í liðið.

1. Fanney Inga Birkisdóttir (m)
2. Hailey Whitaker
8. Kate Cousins
9. Amanda Jacobsen Andradóttir
10. Berglind Rós Ágústsdóttir (f)
11. Anna Rakel Pétursdóttir
19. Anna Björk Kristjánsdóttir
21. Lillý Rut Hlynsdóttir
22. Guðrún Elísabet Björgvinsdóttir
23. Fanndís Friðriksdóttir
29. Jasmín Erla Ingadóttir

Það er engin Berglind Björg Þorvaldsdóttir í leikmannahópi Vals fyrir leikinn í kvöld. Það er ein breyting á byrjunarliði Vals á milli leikja og það eru tvær breytingar á byrjunarliði Víkinga.

Einn af okkar efnilegustu dómurum.

Valur hefur misst heilt byrjunarlið af afar sterkum leikmönnum frá því í fyrra. Leikmenn hafa farið í atvinnumennsku erlendis, erlendir leikmenn hafa farið annað og þá hafa nokkrir leikmenn farið í önnur íslensk félög. Arna Sif Ásgrímsdóttir er þá meidd og spilar ekkert í sumar.

Þetta er lið sem myndi líklega gera atlögu að Íslandsmeistaratitlinum.



Þrátt fyrir að hafa misst svona marga öfluga leikmenn, þá er Valur það lið sem flestir spá Íslandsmeistaratitlinum og fékk liðið fullt hús stiga í spá Fótbolta.net fyrir mótið. Þær hafa bætt við sig öflugum leikmönnum og eru áfram með líklega besta leikmann deildarinnar í Amöndu Andradóttur.

Sigurhugarfarið á Hlíðarenda er mikið og það kemur ekkert annað til greina en að vinna Íslandsmeistaratitilinn, og það skiptir engu hversu margar fara frá félaginu.

fimmtudagur 2. maí
18:00 Þór/KA-Þróttur R. (Boginn)
18:00 Valur-Víkingur R. (N1-völlurinn Hlíðarenda)
19:15 Fylkir-Keflavík (Würth völlurinn)

föstudagur 3. maí
18:00 Stjarnan-Tindastóll (Samsungvöllurinn)
18:00 Breiðablik-FH (Kópavogsvöllur)

Í liði Vals eru tveir leikmenn sem hafa verið í liði umferðarinnar í báðum umferðunum til þessa. Það eru Amanda Andradóttir og Jasmín Erla Ingadóttir. Þær hafa verið að ná virkilega vel saman í sóknarleiknum en Amanda var valin besti leikmaður 1. umferðar.



Í liði Víkings hefur Sigdís Eva Bárðardóttir farið frábærlega af stað og verið í liði umferðarinnar í báðum umferðunum. Sigdís Eva er aðeins 17 ára gömul en hún er einn efnilegasti leikmaður landsins, án nokkurs vafa.

Það styttist í að byrjunarliðin verði tilkynnt fyrir leikinn á Hlíðarenda. Berglind Björg Þorvaldsdóttir gekk nýverið í raðir Vals og spurning er hvort hún spili sinn fyrsta leik í dag. Berglind er að koma til baka eftir að hafa eignast sitt fyrsta barn.

Víkingar eru nýliðar, en þær eru engir eðlilegir nýliðar. Komu upp sem bikarmeistarar og eru taplausar í fyrstu tveimur leikjunum. Þær unnu Stjörnuna 1-2 í fyrsta leik og gerðu svo 2-2 jafntefli gegn Fylki í síðasta leik.

Íslandsmeistarar Vals hafa byrjað tímabilið afar vel þrátt fyrir miklar breytingar á leikmannahópnum. Þær byrjuðu á því að vinna sannfærandi 3-1 sigur gegn Þór/KA í fyrsta leik og tóku svo sigur í Laugardalnum gegn Þrótti í síðasta leik, 1-2.

Hildur Karítas Gunnarsdóttir, leikmaður Aftureldingar, tók að sér það verkefni að spá í leikina sem eru framundan í Bestu deild kvenna.


Valur 3 - 1 Víkingur R.
Valur í hefndarhug eftir meistara meistaranna, tapa ekki aftur á heimavelli. Amanda heldur áfram að skora og Mosókonan okkar Guðrún Elísabet hendir í mark líka.

Þetta eru ríkjandi Íslandsmeistarar að spila við ríkjandi bikarmeistara. Liðin mættust í Meistarakeppni KSÍ áður en Besta deildin hófst og það var hörkuleikur. Sigdís Eva Bárðardóttir kom Víkingi yfir en Amanda Andradóttir jafnaði svo fyrir Val. Víkingar unnu svo í vítakeppni.

Verið velkomnir kæru lesendur í beina textalýsingu frá leik Vals og Víkings í Bestu deild kvenna!