ÍR í nýjum og flottum búningum

Ný treyja!??????

Liðin okkar munu leika í þessum geggjuðu treyjum frá Jako í sumar????

Við sóttum innblástur í treyjur þýska félagsliðsins VFB Stuttgart við hönnun treyjunnar. Við viljum þakka okkar styrktaraðilum fyrir stuðninginn!????

Hvernig finnst þér treyjan?????

ÁFRAM ÍR!???????? pic.twitter.com/8LxrLMyHZn

— ÍR Fótbolti (@IRFotbolti) May 1, 2024

Styttist í þetta Liðin eru að ljúka upphitun. Það er búið að rigna aðeins í dal draumanna og það er smá gola, en aðstæður eru í raun bara frábærar. Verður vonandi skemmtilegur leikur!

Maggi Bö með flautuna

Deildin byrjaði í gær Lengjudeildin byrjaði í gær þar sem Afturelding og ÍBV áttust við - liðunum tveimur sem er spáð efstu sætunum - en sá leikur endaði með sigri Mosfellinga. Þá gerðu Selfoss og FHL 2-2 jafntefli í hörkuleik.

Það eru tveir leikir í kvöld og svo klárast umferðin á morgun.

mánudagur 6. maí
19:15 ÍA-Grindavík (Akraneshöllin)
19:15 Fram-ÍR (Lambhagavöllurinn)

þriðjudagur 7. maí
18:30 HK-Grótta (Kórinn)

Spáin fyrir Lengjudeildina:
1. Afturelding, 149 stig
2. ÍBV, 134 stig
3. Fram, 122 stig
4. HK, 101 stig
5. FHL, 99 stig
6. Grindavík, 81 stig
7. Selfoss, 76 stig
8. Grótta, 61 stig
9. ÍA, 56 stig
10. ÍR, 21 stig

Besta sóknardúó sem sést hefur í þessari deild? Alda Ólafsdóttir og Murielle Tiernan hafa burði til að vera eitthvað besta sóknardúó sem sést hefur í þessari deild og ef þær fá þjónustu þá ættu þær að geta raðað inn mörkum í sumar. Alda gekk líka í raðir Fram í vetur og var langmarkahæsti leikmaður 2. deildar í fyrra.

Lykilmaður ÍR: Lovísa Guðrún Einarsdóttir Mikilvægasti leikmaður ÍR er Lovísa Guðrún Einarsdóttir. Lovísa Guðrún er fyrirliði ÍR-inga en hún á að baki 87 KSÍ-leiki og í þeim hefur hún skorað 55 mörk. Hún er uppalin í Fylki en gekk í raðir ÍR sumarið 2020. Í fyrra skoraði hún 17 mörk í 20 leikjum þegar ÍR tryggði sér sæti í Lengjudeildinni og endaði hún sem næst markahæsti leikmaður 2. deildar á eftir Öldu Ólafsdóttur sem skoraði 33 mörk.

Lykilmaður Fram: Murielle Tiernan Murielle Tiernan er auðvitað lykilmaður fyrir Fram á þessu tímabili. Hún er líklega sá leikmaður sem varnarmenn Lengjudeildarinnar óttast mest. Murielle er vel þekkt stærð í íslenskum fótbolta en hún hefur spilað með Tindastól síðustu sex ár þar sem hún hefur skorað 117 mörk í 129 leikjum. Hún valdi að takast á við nýja áskorun fyrir þetta tímabil og spilar núna með Fram.

Hin hliðin fyrir tímabilið

ÍR spáð neðsta sæti ÍR-ingum er spáð tíunda sæti af fyrirliðum og þjálfurum deildarinnar og trúin er ekki mikil á Breiðhyltingum fyrir komandi tímabili. Árið 2020 endaði ÍR á botni 2. deildar - þær voru bókstaflega á botninum í kvennaboltanum - en þær unnu svo deildina í fyrra, þremur árum síðar. Þetta er fljótt að breytast. „Karakterinn í liðinu er alveg meiriháttar, það eru margir uppaldir ÍR-ingar hérna og fólk er hérna með bláhvíta hjartað. Það er ofboðslega gaman fyrir okkur þjálfarana að vera með svona hóp sem er eins tilbúinn í þetta verkefni og þær voru í þetta sumarið," sagði Þorleifur Óskarsson, þjálfari ÍR, eftir síðasta leik liðsins í fyrra. Það er búið að vera góð uppbygging í Breiðholtinu og verður spennandi að sjá hvernig gengur núna þegar liðið tekur næsta skref í þróun sinni.

Fram er spáð þriðja sæti Það er ekkert sérlega langt síðan Fram setti á laggirnar kvennalið sitt í núverandi mynd en uppgangurinn hefur verið hraður. Liðið fór með sigur af hólmi í 2. deild kvenna sumarið 2022 og í fyrra var árangurinn fínn í Lengjudeildinni þar sem Fram endaði í sjöunda sætinu. Núna er Fram spáð góðu gengi og fólk býst við því að þær verði í baráttunni um að komast upp í Bestu deildina í sumar. Það er kannski ekki skrítið þegar litið er til þess hvaða leikmenn hafa komið til félagsins í vetur. Fram hefur verið að gera hlutina rétt og í ákveðnum skrefum, en það verður spennandi sjá hvort félagið nái að taka næsta skref í sumar og verði þá jafnvel í baráttunni um að fara upp.

Góðan daginn! Og verið velkomnir kæru lesendur í beina textalýsingu frá leik Fram og ÍR í Lengjudeild kvenna. Sú veisla hófst í gær og heldur áfram í kvöld.