SKÝRSLAN: Blikar eru víst ekki ósigrandi
Hvað réði úrslitum?
Blikar hófu leikinn af miklum krafti og markið lá snemma í loftinu. Verða svo fyrir því óláni að Agla María fer meidd útaf og það riðlar öllu plani liðsins. Sofandaháttur á liði Blika út fyrri hálfleikinn og Víkingar leiddu afar verðskuldað í hálfleik. Blikar náðu tökum á leiknum í seinni en sköpuðu ekkert af viti og Víkingar refsa þeim með skyndisókn. í heildinni var sigurinn afar verðskuldaður hjá Víkingum.
Bestu leikmenn
1. Selma Dögg Björgvinsdóttir
Skorar markið sem reyndist sigurmarkið og átti glæsilega sendingu á Sigdísi í því fyrra. Þess utan var hún baráttuglöð og leiddi með fordæmi sem fyrirliði liðsins.
2. Gígja Valgerður Harðardóttir
Stóð vaktina nær óaðfinnanlega í vörn Víkinga í dag og kom í veg fyrir að fleiri mörk yrðu skoruð.
Atvikið
Agla fór meidd útaf og ég tel það hafa haft mikil áhrif á gang leiksins. Annað mark Víkinga var þó hálfgert rothögg enda voru Blikar að ná föstum tökum á leiknum fyrir það.
Hvað þýða úrslitin?
Blikakonar eru enn efstar en ekki lengur taplausar. Víkingur er í fimmta sæti með tólf stig.
Vondur dagur
Blikaliðið náði ekki að bregðast við því að Agla María fór meidd útaf í fyrri hálfleik. Leikplanið virtist einfaldlega hafa farið út um gluggann.
Dómarinn - 9
Glæsileg frammistaða hjá dómara kvöldsins. Bergrós var aldrei í sviðsljósinu og þannig viljum við hafa það.