SKÝRSLAN: Galdraspyrna Kostiantyn tryggði Þrótti stig
Hvað réði úrslitum?
Aðstæður? Reynsluleysi? Einstaklingsgæði? Allt atriði sem vel má velja úr en eins og alltaf samverkandi þættir sem leiða til niðurstöðu. Keflavík í góðri stöðu eftir að hafa komist yfir heldur ekki út þökk sé stórkostlegu marki beint úr aukaspyrnu eftir að lið Þróttar hafði brennt af góðum færum. Segjum við því ekki að þetta hafi bara verið sanngjörn niðurstaða? Í það er ég á því máli.
Bestu leikmenn
1. Kostiantyn Iaroshenko
Spilaði bara hálftíma en var X-faktorinn sem réði úrslitum í dag með frábærri aukaspyrnu sinni. Mér fannst líka sóknarleikur Þróttar skipta aðeins um gír við innkomu hans.
2. Ásgeir Orri Magnússon
Gat ekkert gert við marki Þróttar en var þess utan klettur í marki Keflavíkur og greip vel inní þegar á þurfti að halda. Er að öðlast stöðugleika í sinni frammistöðu og hefur gert vel í sumar.
Atvikið
Aukspyrnan klárlega. Af um 25 metra færi og í því sem næst samskeytin og inn. Frábært mark í alla staði. Töfrabrögð voru orð sem Sigurvin þjálfari Þróttar notaði í viðtali og verð ég að vera sammála því.
Hvað þýða úrslitin?
Þróttur lyftir sér upp úr fallsæti á markatölu og setur lið Þórs niður í 11.sætið en bæði lið með 6 stig. Keflavík lyftir sér sömuleiðis upp um sæti og fer í 5.sætið með 10 stig.
Vondur dagur
Hjá heimamönnum var Axel Ingi Jóhannesson var í basli í hægri bakverðinum hjá Keflavík framan af leik en óx þó ásmegin er á leið. Þá var . Dagur Ingi Valsson fljótur að hverfa á vellinum eftir nokkuð góða byrjun hjá honum. Hjá gestunum gerði Cristofer Rolin lítið markvert fyrir mig annað en að eiga eina góða dýfu í fyrri hálfleik.
Dómarinn - 5,5
Mér fannst frammistaða Sveins vera svona hvorki né. Margir litlir dómar á vellinum sem ég var ekkert endilega sammála tríóinu. (Sófadómari með meiru skrifar) Hafði þó engin afgerandi áhrif á flæði leiksins. Setjum hann á miðju skalans og köllum það þokkalegt.