Góður sigur Eyjamanna gegn spræku Leiknisliði.

Víðir í fínu færi. Vicente kemur honum út á vinstri venginn en Víðir setur hann í stöngina.

Nákvæmlega eins færi hjá Sigurði Grétari og hann setur hann í markmanninn og aftur fyrir.

Víðir í dauðafæri hjá Eyjamönnum. Hann er sloppinn einn í gegn og reynir að vippa yfir markmann en það er algjörlega misheppnað og boltinn fer aftur fyrir.

Oliver með skot utan að velli yfir markið.

Leiknismenn láta boltann ganga lengi á milli sín og koma svo með fyrirgjöf sem Eyjamenn ná að bjarga í horn.

Fínasta færi hjá Leikni. Góð fyrirgjöf inn á teiginn en Omar Sowe skallar boltann yfir markið.

Eyjamenn fá horn

Leiknir eiga aukaspyrnu á hættulegum stað. Shkelzen tekur spyrnuna og setur boltann í samskeytin og aftur fyrir.

Guðjón Ernir og Omar Sowe lenda hér saman og liggja báðir

Gott færi hjá ÍBV. Arnar Breki með fyrirgjöf en boltinn rúllar fram hjá öllum og aftur fyrir endalínu.

ÍBV fær hér aukaspyrnu út til hægri en Leiknismenn ná að hreinsa frá.

Þetta er farið af stað aftur.

Eyjamenn leiða í hálfleik en leikurinn hefur verið frekar jafn. Ágætis færi á báða bóga en glæsimark Vicente skilur liðin að.

Shkelzen Veseli með flotta takta og nær skoti sem fer af varnarmanni til Omars og hann vinnur horn sem ekkert varð úr.

Hörkuskot frá Omar Sowe. Jón Kristinn nær ekki að halda honum en Eyjamenn ná að koma boltanum í burtu.

Oliver nær að keyra upp inn á teig Leiknis en ákvarðanatakan er ekki nægilega góð og hann skýtur í varnarmann.

Skot yfir markið frá Jóni Hrafni.

Leiknismenn eru að reyna að þræða boltann í gegn á Omar Soww en varnarmenn eru bara að lesa þetta alltof auðveldlega.

Mjög góð fyrirgjöf hjá Guðjóni Erni en hann setur boltann yfir frá markteig. Þetta var færi.

Leiknir fær horn

Andi Hoti og Hermann Þór lenda hér í árekstri. Andi er staðinn upp en Hermann Þór liggur ennþá niðri.

Arnar Breki gerir mjög vel og kemur með góða fyrirgjöf beint á hausinn á Sigurði Arnari en hann setur hann yfir markið.

Vicente með flotta takta og kemur boltanum fyrir og aftur er það Tómas Bent sem á skotið en boltinn í varnarmann og í burtu.

Omar Sowe er næstum sloppinn einn í gegn en Guðjón Ernir vinnur vel til baka og kemur til bjargar.

Eyjamenn fá horn

Fín sókn hjá Leiknismönnum. Omar Sowe keyrir inn völlinn og kemur honum á Hjalta sem leggur hann út á jón Hrafn en skotið beint á Jón Kristinn í marki ÍBV.

Flott sending inn á teig frá Vicente. Boltinn kemur til Tómasar Bent en skotið hans er framhjá markinu.

ÍBV fékk aukaspyrnu á hættulegum stað. Vicente tók spyrnuna en hún var ekki nægilega góð.

Tómas Bent i upplögðu færi á markteig en hittir ekki boltann en þeir fá horn sem ekkert varð úr.

Jón Ingason með ágætis skot. Viktor Freyr ver í horn.

Leiknir fær horn

Góð sókn hjá Leiknismönnum strax á fyrstu mínútu sem endar með skoti framhjá frá Omar Sowe.

Leiknismenn byrja!

Bæði lið hafa verið á fínu skriði undanfarnar vikur í deildinni en ÍBV vann 5 - 0 heimasigur á Keflavík í síðasta leik og hafa unnið þrjá af síðustu fjórum leikjum sínum. Þeir eru í 3. sæti deildarinnar með 16 stig.

Gestirnir í Leikni unnu Dalvík/Reyni 0-1 í síðastsa leik en hafa unnið síðustu þrjá leiki sína undir stjórn Óla Hrannars Kristjánssonar sem tók tímabundið við liðinu og stýrir því eitthvað áfram. Liðið er í 9. sætinu með 12 stig.

Jóhann Ingi Jónsson dæmir leikinn í dag og hann er með þá Þórð Arnar Árnason og Berg Daða Ágústsson sér til aðstoðar á línunum. KSÍ sendir Inga Jónsson til eyja til að hafa eftirlit með störfum dómara og umgjörð leiksins.

Góðan daginn og verið velkomin í beina textalýsingu frá Hásteinsvelli í Vestmannaeyjum.

Hér eigast við ÍBV og Leiknir í Lengjudeild karla, leikurinn hefst klukkan 15:15.