SKÝRSLAN: Dalvíski Kaliforníufarinn kláraði Íslandsmeistarana
Hvað réði úrslitum?
Frábært einstaklingsframtak Sveins Margeirs kláraði leikinn fyrir KA og tryggði sætan sigur heimamanna á Íslandsmeisturunum. Víkingar geta verið svekktir að hafa ekki komið boltanum í netið, enda fengu þeir færin til þess.
Bestu leikmenn
1. Steinþór Már Auðunsson (KA)
Markmaðurinn stæðilegi var frábær í dag og átti nokkrar lykilvörslur.
2. Sveinn Margeir Hauksson (KA)
Skoraði markið sem að skildi liðin að og kvaddi liðið með besta mögulega hætti.
Atvikið
Mark Sveins. Gerði gríðarlega vel í að koma sér í skotfærið og kláraði það listavel.
Hvað þýða úrslitin?
KA menn stökkva allavega tímabundið upp í 7. sætið með 18 stig og eiga næst útileik við KR. Víkingar sitja á toppnum og eru 5 stigum á undan Völsurum, sem að þó eiga leik til góða. íslandsmeistararnir mæta HK heima í næsta leik.
Vondur dagur
Víkingum gekk bölvanlega og raunar ekki neitt að koma boltanum í markið. Ari og Matthías fengu í tvígang frábær tækifæri, sömuleiðis Halldór Smári - en allt kom fyrir ekki. Djuric ógnaði nokkrum sinnum, en skot hans voru yfirleitt of nálægt Steinþóri til að gera honum lífið leitt af einhverju ráði.
Dómarinn - 8
Flott frammistaða í dag.