Eins súrt og það gerist fyrir Keflvíkinga!

En þetta var ekkert smá verðskuldað hjá Valskonum eftir hreina og beina yfirburði í seinni hálfleiknum.

Skýrla og viðtöl koma innan skamms.

Þangað til næst, veriði sæl.

Melanie með eina slökustu hornspyrnu sem ég hef séð. Líklega seinasta spyrna leiksins.

Þær halda bara áfram að klúðra!

Anna Rakel kemur núna með glæsilegan bolta inn á teig Keflvíkinga sem fer beint á ennið á Ragnheiði sem skallar hann í stöngina og út.

Þetta er svakalegt!

Það verður kraftaverk ef Keflvíkingar ná að halda þetta út. Valskonur verið mikið mikið mikið mikið betri í seinni hálfleiknum en Keflvíkingar sýnt mikið hjarta í sínum varnarleik.

Það eru þó sérstaklega þrjú færi hjá Valskonum sem fóru forgörðum sem eru rándýr núna.

Fanndís kemur með góðan bolta inn á teiginn sem Vera gerir vel í að kýla frá.

Sú hefur verið góð í dag fyrir Keflavík.

Nei ég meina.... HAAAA?!?!

Þrjú líklega færi ársins á 7 mínútum sem Valskonur eru að klúðra!

Enn og aftur er Fanndís að matreiða sóknarmenn Vals. Núna kemur hún með bolta inn á Ragnheiði, hún hittir á markið en Vera ver ekkert eðlilega vel af mjög svo stuttu færi. Síðan fær Anna Rakel boltann með autt markið fyrir framan sig en hittir ekki á markið.

Hvað er eiginlega hægt að segja?!

Mig langar ekkert eðlilega mikið til að sjá XG tölfræðina núna!

Hvað er í gangi?!

Aftur er Fanndís að matreiða framherja Vals. Núna kemur hún með góðan bolta á Berglindi Björg sem er gjörsamlega aleinn inni á teig Keflvíkinga. Í stað þess að skjóta í fyrsta reynir hún að taka móttöku sem var mjög slök og Vera gerir vel í að komast út í boltann.

Hvað er í gangi hjá Val? Þær eru mjög ólíkar sjálfum sér en þurfa að gera miklu betur fyrir framan markið!

Keflvíkingar lifa á lýginni!

Kate Cousins gerir vel inni á teig Keflvíkinga og kemur með bolta inn fyrir markið þar sem Berglind Rós er. Hún er bókstaflega alein við markteigslínuna, einungis með markið og Veru fyrir framan sig, en hún setur boltann hátt yfir í fyrsta.

Hvernig er ekki hægt að skora þarna? Eða setja hann á markið?

Hún skorar þarna í 99 af hverjum 100 tilraunum. 0,99XG giska ég.

Ég held bara að Keflvíkingar hafa ekki farið yfir miðju í þessum seinni hálfleik. Algjörir yfirburðir hjá Valsliðinu sem gjörsamlega liggja á marki Keflvíkinga þessa stundina.

Fanndís tekur spyrnuna sem fer í gegnum allan pakkann og yfir í markspyrnu.

Þeir hafa verið mikið betri í þessum seinni hálfleik og bara spurning hvenær 2-1 markið kemur.

Fanndís tekur hornið inn á teiginn sem Keflvíkingar standa af sér.

Valskonur byrja þennan seinni hálfleik mun betur. Eru að koma sér í góðar stöður en ekkert um færi.

Anna Rakel tekur spyrnuna inn á teiginn sem Anita Lind skallar frá.

Fanndís með takta inni í teig Keflvíkinga og kemur með boltann fyrir á Jasmín sem tekur skotið, í litlu jafnvægi, í fyrsta sem fer rétt yfir.

Gestirnir byrja þetta fyrir okkur á ný.

Óvæntar hálfleikstölur vægast sagt og líklega bara hálf sanngjarnar.

Valskonur hljóta að koma miklu betri út í þetta í seinni hálfleik.

Ísabella með flotta takta úti vinstra meginn og tekur skotið sem fer rétt framhjá.

Fanndís tekur spyrnuna en Vera gerir vel í að kýla boltann frá.

Berglind Rós með skot fyrir utan teig Keflvíkinga sem fer hátt yfir.

Anna Rakel með stórglæsilega sendingu inn á teiginn. Kate Cousins mætir fljúgandi inn á teiginn og nær skallanum sem fer í stöngina!

Þetta hefði verið eitt mark tímabilsins!

Kristrún Ýr fær boltann við miðjan völlinn og keyrir upp völlinn. Hún fer framhjá þremur fjórum varnarmönnum Vals áður en hún lætur vaða á markið en Fanney ver glæsilega í horn!

Hailey með sprett upp hægri kantinn og kemur með góðan boltan fyrir. Boltinn endar á hausnum á Ragnheiði sem skallar rétt framhjá markinu.

Ég óskaði eftir töfrum og aðeins meira lífi og við fengum það svo sannarlega!

Ragnheiður Þórunn gerir mjög vel að halda boltanum í leik og kemur honum út í teiginn á Ísabellu sem er alein á auðum sjó. Hún tekur skotið í fyrsta sem fer hins vegar hátt yfir.

Þarna átti sóknarmaðurinn að gera mun betur, dauðafæri!

Lítið sem ekkert að frétta úr þessu til þessa. Engin færi eða föst leikatriði.

Óska eftir einhverjum töfrum!

Leikurinn fer heldur rólega af stað. Valskonur meira með boltann og ívið betri eins og kannski búist var við.

Þá er þetta komið í gang og það eru heimakonur sem eiga upphafssparkið.

Heimakonur leika í rauðum treyjum, hvítum stuttbuxum og rauðum sokkum.

Gestirnir leika í dökkbláum treyjum, dökkbláum stuttbuxum og dökkbláum sokkum.

Litla veðrið sem við erum að fá hérna. Sól, logn og einhverjar 15 gráður.

Það er Bongó!

— .....Er Bongó? (@erbongo) July 20, 2024

Nýjasta A-landsliðskona Íslands spáir í leikina sem eru framundan í 13. umferð deildarinnar.

Valur 4 - 0 Keflavík (16:15 í dag)
Valur vinnur þennan leik sannfærandi. 4-0.

Arnar Ingi Igvarsson mun stýra flautukonsertinu á Hlíðarenda í dag. Honum til aðstoðar verða þeir Ragnar Þór Bender og Óliver Thanh Tung Vú. Skiltadómari í dag er Bríet Braga dóttir og eftirlitsmaður KSÍ er Jón Magnús Guðjónsson.

Keflvíkingar eru í harðri fallbaráttu við Stjörnuna, Tindastól, Þrótt og Fylki. Þær sitja í fallsæti í dag, 9. sæti, en með sigri í kvöld, sem verður að teljast bísna ólíklegt, fara þær upp fyrir Þrótt og Tindastól skyldu þau lið tapa í þessari umferð.

Þróttarar spila við FH í dag á undan þessum leik svo það verður áhugavert að fylgjast með gangi mála í þeim leik. Verða Þróttarar búnar að stækka bilið í Keflavík eða heldur baráttan áfram?

Valskonur eru í 2. sæti deildarinnar með 33 stig líkt og topplið Breiðabliks en Valur er með slakari markatölu. Bæði lið hafa unnið alla nema einn leik sem tapaðist. Það er lítið sem ekkert pláss því fyrir mistök hjá Valskonum í dag skyldu þeir vilja halda í Blikana til enda. Sérstaklega í dag þar sem þær fá eitt af fallbaráttuliðunum í heimsókn.


Valskonur styrkja sig
Glugginn er opinn og Valskonur styrktu sig heldur betur í honum. Fyrir tveimur dögum var tilkynnt að Natasha Anasi væri nýr leikmaður Vals.Natasha, sem getur leyst margar stöður í vörn og á miðju, er 32 ára gömul og á að baki 6 landsleiki fyrir Ísland. Hún var algjörlega stórkostleg í vinstri bakverðinum þegar Ísland vann 3-0 sigur gegn Þýskalandi þarsíðasta föstudag. Hún hefur leikið með ÍBV, Keflavík og Breiðabliki á Íslandi.

Heilir og sælir ágætu lesendur og veriði hjartanlega velkomin í þessa þráðbeinu textalýsingu frá leik Vals og Keflavíkur í Bestu deildinni.