Sigur ÍA staðreynd og sá fyrsti í síðustu fjórum leikjum. Gríðarmikilvægur sigur í baráttunni um efri helminginn og Evrópu. Viðtöl og umfjöllun koma innan skamms á síðuna.

Skagamenn eru að tryggja sér langþráðan sigur....

Það er nóg eftir!

Ingi Þór liggur eftir, eftir samstuð við Harald Einar og fékk högg á miðsvæðið. Var sjáanlega gríðarlega sárt.

Þorri með skot að marki eftir hornspyrnu og klafs í teig ÍA en Árni Marínó varði gríðarvel.

Það er hraði og harka og ákefð í leiknum eins og stendur. Fram ætlar að jafna leikinn og ÍA vill bæta við.

Rúnar Már S. Sigurjónsson að gera sig kláran í að koma inn á í sínum fyrsta leik síðan 25. mai síðastliðinn

Jón Gísli með frábæra fyrirgjöf hátt inn í teiginn en Hauki Andra vantaði nokkra sentimetra upp á að hitta hann beint fyrir framan markið.

Aukaspyrnan frá Haraldi sleikti utanverða stöngina.

Fram fær aukaspyrnu við D bogann eftir skot frá Haraldi sem fór í hönd varnarmann ÍA.

Kennie bjargaði á línu! Jón Gisli sendir boltann fyrir markið, Hinrik nær skottilraun og af varnarmanni sem varð til þess að Kennie þurfti að bjarga á línu.

Treyjunúmerin hjá Hinrik, Inga Þór og Hauki Andra líta ansi svipuð út héðan úr blaðamannastúkunni. 11, 17 og 77.

Þótt Skagamenn séu yfir að þá eru Frammarar með völdin á vellinum og hafa verið það síðustu mínutur og eru að þrýsta Skagamönnum vel aftur. Jón Þór öskar reglulega á sína menn og jafnvel á stundum hoppar í boðvanginum af pirringi yfir spilamennskunni.

Fred með skemmtilega stungusendingu inn fyrir vörn ÍA, Haraldur Einar kemst upp að endalínu og nær skoti en boltinn siglir framhjá marki Skagamanna.

Ég er hræddur um að hefði ekki komið mark snemma i seinni hálfleik hefði hann orðið jafn leiðinlegur og sá fyrri en nú þurfa Frammarar að opna sig og við það gæti leikurinn opnast enn meira.

Heimamenn byrja með boltann! Vonandi fáum við meiri hressleika í seinni hálfleik.

Það var einni mín bætt við en likt og hinar 45 gerðist ekkert. Kominn hálfleikur og ég ætla að fá mér börger. Sjáumst að vörmu

Jón Gísli með þrumuskot upp úr þurru langt utan af velli, beint á mark Fram en Ólafur Íshólm þurfti að hafa sig allan við að verja.

En samt ekki....

Djenairo fær sendingu inn í teig ÍA og nær að leggja boltann fyrir framan sig en Erik Sandberg rennir sér í boltann og út af.

Þetta er svo hægt og leiðinlegt. Liðin eru enn í sama fasa, spila stutt á milli sín, þétt varnarlega og manni finnst á stundum eins og það sé verið að bíða eftir að leiknum sé lokið og þeir geti farið í sturtu.

Ég er að reyna að finna einhverja punkta til að skrifa um en það er fátt.

Það er augljóst að þessi leikur skiptir bæði lið miklu máli í baráttunni um efri hlutann á deildinni og í kjölfarið á því, mögulegu Evrópusæti að ári. Þau eru afskaplega varfærin og ekki að taka neina sénsa. En fyrir áhorfendur mega þeir alveg fara að gera það. Annars skipti ég yfir á bold and the beautiful.

Haukur Andri hljóp á Kennie og lenti með andlitið á olnboganum, alls ekki viljaverk hjá Kennie en brot dæmt.

Voðalega lítið að gerast í þessum leik. Liðin eru að spila stutt manna á milli en ekkert að gerast sóknarlega. Þetta er bara leiðinlegt.

Búið að vera rólegt en Skagamenn komust í sókn. Johannes Vall með fyrirgjöf, boltinn lenti fyrir fæturnar á Steinari sem náði skoti að marki en af varnarmanni og útaf.

Gestirnir byrja með boltann og spila í átt að Akraneshöllinni.

Ég talaði um Norðurálsvöllinn hér fyrr í textalýsingunni en að sjálfsögðu heitir völlurinn í dag ELKEM-völlurinn.

Rúnar Kristins hefur valið byrjunarlið Fram í kvöld fyrir leikinn gegn ÍA. Við lofum að breyta því ekki. Athygli vekur að Orri kemur inn í byrjunarliðið. Það stefnir í stórleik 'næntís' liðanna á Skaganum í kvöld. Áfram Fram! pic.twitter.com/bxZfp7S1tL

— Fram (@FRAMknattspyrna) August 12, 2024

Skagamenn gera fjórar breytingar á liði sínu eftir jafnteflið gegn Vestra. Johannes Val, Ingi Þór Sigurðsson, Hilmar Elís Hilmarsson og Jón Gísli Eyland koma inn í byrjunarliðið á meðan Hlynur Sævar Jónsson, Hinrik Harðarson, Árni Salvar Heimisson og Arnleifur Hjörleifsson setjast á bekkinn

Fram gerir þrjár breytingar eftir sigurinn á Stjörnunni í síðustu umferð. Orri Sigurjónsson, Freyr Sigurðsson og Alex Freyr Elísson koma inn í stað Tryggva Snæ Geirsson, Má Ægisson og Tiago en enginn þeirra er í hóp þeirra í dag. Már Ægis er farinn út í skóla en hinir tveir hljóta að vera að glíma við meiðsli.

Pétur Guðmundsson heldur um flautuna í dag.

Bryngeir Valdimarsson er AD1

Þórður Arnar Árnason er AD2 (lengst til vinstri á þessari mynd)

ÍA tilkynnti í lok júlí að Haukur Andri Haraldsson væri genginn til liðs við ÍA á láni þangað til í Júní á næsta ári frá franska liðinu Lille þar sem hann hefur verið frá því í fyrra er ÍA seldi hann þangað. Þar spilaði Haukur Andri með unglingaliði Lille.

Fram fékk inn Hollenskan sóknarmann í glugganum, hann Djenairo Daniels og spilaði hann sinn fyrsta leik fyrir Fram í leiknum á móti Stjörnunni og skoraði mark í sínum fyrsta leik fyrir félagið.

Svo kynnti Fram í gær að Breki Baldursson hefði verið seldur til Esbjerg

Fyrir leikinn í kvöld sitja gestirnir í Fram í 5. sæti deildarinnar með 26. stig. Þeir unnu góðan sigur á Stjörnunni í síðustu umferð með marki á lokasekúndum leiksins 2 - 1.

Skagamenn sitja í 6. sæti deildarinnar með 25. stig. Gengi þeirra í sumar hefur verið nokkuð gott líkt og tölur bera með sér en síðustu leikir hafa ekki gengið vel. Eftir stórgóðan 8 - 0 sigur á HK í byrjun júli hafa þeir spilað 4 leiki og tapað tveimur þeirra og gert tvö jafntefli.

Sæbjörn Þór Steinke fréttamaður á Fótbolti.net ræddi við fyrirliða ÍA, Arnór Smárson í síðustu viku og úr varð áhugavert viðtal. Arnór hefur verið að glíma við kviðslitsmeiðsli gríðarlega lengi og þurfti að fara í aðgerð núna loksins og verður því frá keppni í einhverjar vikur.

Þeir bjóða upp á Fan-Zone líkt og þeir hafa gert í allt sumar.

ÍA - Fram á mánudaginn klukkan 18:15 ?

Liðin eru hlið við hlið í 5 og 6 sæti deildarinnar, mætum og hvetjum strákana okkar til sigurs í þessum mikilvæga leik ????

Norðanfiskstjaldið opnar klukkan 17:00 og eru allir velkomnir í gleði fyrir leik ????

Áfram ÍA ????????????#kfía… pic.twitter.com/I8n0SNtaME

— ÍA Akranes FC (@Skagamenn) August 10, 2024

Hjartanlega velkomin í beina textalýsingu frá leik á Norðurálsvellinum á Akranesi í 18. umferð Bestu deildar karla í knattspyrnu. Heimamenn fá þá gestina úr Úlfársárdal í Fram í heimsókn. Sannkallaður stórveldaslagur áttunnar í gangi í kvöld. Leikurinn hefst kl. 18:15 og ætla ég að fylgja ykkur í gegnum alla gleðina.