Leiknismenn klikkuðu á sínum færum sem þeir fengu til að skora í kvöld. Vítaspyrna í súginn og flugferð á rassinn í dauðafæri á blautum vellinum reynast dýr augnablik þegar upp er staðið. Keflavík hefði svo sem getað stolið þessu líka en heilt yfir líklega sanngjörn úrslit í lokuðum fótboltaleik,

Eftir að hafa brennt af vítaspyrnu fékk Omar Sowe sannkallað dauðafæri þegar hann slapp einn innfyrir vörn Keflavíkur. Þegar hann ætlaði að láta skotið ríða af varð hann fyrir því óláni að fljúga á afturendan í skotinu og gæði þess eftir því. Flaug himinhátt yfir markið úr besta færi leiksins.

Keflavík áfram í 3.sæti deildarinnar. Nú með 28 stig en enn jafn langt á eftir Fjölni og ÍBV. Leiknir áfram í 10.sætinu með 17 stig

Held mig við augljósa valið í þetta sinn. Brennir af víti og rennur á rassinn í dauðafæri. Omar Sowe vill örugglega ekki fá að sjá þau atvik aftur í bráð.

Góð frammistaða hjá Gunnari og hans mönnum í dag. Stóru atriðin rétt svona í fljótu bragði og gerði vel á þeim augnablikum sem á þurfti að halda.