Þá er þessum hádramatíska leik lokið.
Viðtöl og skýrsla innan skams.

Kjartan Kári með kraftlítið skot sem Ögmundur ver örugglega.

Arnór Borg með lúmska fyrirgjöf sem Kjartan Kári nær ekki til.

Fáum við sigurmark?

Bjarni Guðjón með skalla að marki en boltinn fer í varnarmann Vals.
FH-ingar hættulegir!

Kjartan Kári með skot sem fer af varnarmanni og í horn.

Kjartan Kári tekur horn sem ekkert kemur úr.

Tryggvi Hraf nmeð bolta fyrir sem Patrick hittir illa og Sindri handsamar boltann auðveldlega.

Bjarni Mark liggur niðri eftir samstuð og þarfnast aðhlynningar.

Kemur skoppandi bolti úr teignum Ingimar Stöle hamrar boltanum í hornið en Ömmi ver í slánna!
Sturlað skot sturlaðri varsla.

Kristján Flóki fær sendingu út í teiginn og tekur skotið sem fer af Bjarna Mark og þaðan í horn.

Darraðadans í teig Valsara eftir hornspyrnu, boltinn fer af Birki Má yfir Ögmund og Bjarni Mark bjargar á línu.
FH mun líklegri þessa stundina!

FH með hornspyrnu sem Orri Sigurður skallar frá.

Ólafur Guðmunds með skalla framhjá eftir hornspyrnu.

Gestirnir byrja með boltann.

FH - Valur

53% -- Með bolta -- 47%
236 -- Heppnaðar sendingar -- 216
5 -- Skot -- 2
2 -- Horn -- 1

Elías Ingi flautar til hálfleiks.
Jafnræði með liðunum en Valsarar leiða!

Heimamenn fá horn.

Ögmundur tekur boltann með höndum við vítateigslínu en ekkert dæmt, stuðningsmönnum FH til lítillar gleði.
Eftir að hafa séð þetta í endursýningu var hann rétt svo inn í teig, en tæpt var það.

FH-ingar fá aukaspyrnu í fyrirgjafastöðu, boltinn fer af varnarmanni og þaðan aftur fyrir, FH fær horn.

Logi með lúmskt skot sem Ögmundur sér seint og nær ekki að halda, Valsarar koma boltanum frá að lokum.

Valsarar fá fyrstu hornspyrnu leiksins en brotið er á varnarmanni FH í horninu og aukaspyrna dæmd.

Bjarni Guðjón með fast skot framhjá marki gestanna.

Ætli Byrjunarlið Vals sé það elsta í evrópu? pic.twitter.com/iNzH28bLvP

— Hrafnkell Freyr Àgústsson (@hrafnkellfreyr) August 19, 2024

Tryggvi Hrafn með skot fyrir utan teig sem fer lengst framhjá markinu, engin hætta.

Kristján Flóki rennir boltanum í gegn á Sigurð Bjart sem setur boltann í stöngina af stuttu færi.
Ögmundur náði að loka vel á Sigurð í skotinu.

Mikil barátta hérna fyrstu tíu mínúturnar en minna um færi.

Kjartan Kári á upphafsspark leiksins.

Liðin ganga til vallar, nú styttist í að þessi spennandi viðureign hefjist!

Kristján Flóki kom til FH frá KR nú á dögunum og er í byrjunarliði FH í dag. Kristján er uppalinn FH-ingur og spilar hann sinn fyrsta leik fyrir FH síðan 2017.

Heimir Guðjónsson gerir fimm breytingar á liði sínu frá síðasta leik.
Inn í byrjunarliðið koma þeir Kristján Flóki, Ingimar Stöle, Ólafur Guðmundsson, Bjarni Guðjón og Baldur Kári.

Túfa gerir tvær breytingar á liði sínu frá 0-2 tapi gegn Breiðabliki.
Inn í byrjunarliðið koma þeir Hólmar Örn og Sigurður Egill. Úr byrjunarliði Vals víkja þeir Jakob Franz og Hörður Ingi.

Böðvar Böðvarson leikmaður FH er í leikbanni vegna uppsafnaðra spjalda og verður því ekki í leikmannahóp FH í dag.

Við byrjum á quizi kl 17:15! Spurningar FH/Vals miðaðar.
Vonandi fáum við einhverja frá @Valurfotbolti til að mæta snemma!
Miðar á Stubbur ???? pic.twitter.com/Bjvagmsmsr

— FHingar (@fhingar) August 19, 2024

Félagskiptaglugginn lokaði þann 13. ágúst en bæði lið hér í dag nýttu gluggann vel.

FH:

Komnir
Kristján Flóki Finnbogason frá KR
Robby Wakaka frá Belgíu
Ingimar Torbjörnsson Stöle á láni frá KA
Dagur Traustason frá Þrótti R. (var á láni)

Farnir
Ástbjörn Þórðarson til KR
Gyrðir Hrafn Guðbrandsson til KR
Úlfur Ágúst Björnsson í nám til Bandaríkjanna
Dusan Brkovc í Leikni
Gils Gíslason á láni til ÍR


Valur:

Komnir
Albin Skoglund frá Svíþjóð
Ögmundur Kristinsson frá Grikklandi
Orri Hrafn Kjartansson frá Fylki (var á láni)

Farnir
Adam Ægir Pálsson til Perugia (lán með kauprétti)
Guðmundur Andri Tryggvason í KR

Eftir ráðningu Srdjan Tufegdzic (Túfa) hafa Valsarar einungis unnið einn leik en tapað tveimur.

Heimamenn í FH hafa nú tapað tveimur leikjum í röð eftir að hafa verið á siglingu þar áður.

Gleðilegan mánudag lesendur góðir og veriði hjartanlega velkomin í beina textalýsingu frá Kaplakrikavelli þar sem FH tekur á móti Val í 19. umferð Bestu deildar karla.