Skagamenn vinna Víkinga! Sanngjarn sigur og baráttan um titilinn harðna!

Viðtöl og umfjöllun innan skamms.

Ingar kominn langt út úr teignum, tapar boltanum í baráttu við Hauk Andra sem reynir skot í opið mark en vindurinn og krafturinn í skotinu ekki nógu gott.

Ef fer sem horfir að þá eru Víkingar að tapa sínum fyrsta heimaleik í sumar.

Ingi Sigurðsson með góða sendingu inn í teig Víkinga þar sem Viktor nær til boltans en er ekki alveg í nógu góðri stöðu til að ná góðu skoti og skotið framhjá.

Marko Vardic með skalla rétt framhjá. Þetta er ping pong síðustu mínútur.

ARON ELÍS ÞRÁNDARSON!!!!

Kemur á ferðinni eftir misskilning í vörn ÍA, nær þrumu skoti að marki ÍA en boltinn fer í utanverða stöngina.

Niko Hansen með lúmskt skot innan í teig ÍA og Árni Marínó varði vel og eins og Óli Jóh sagði í útsendingaboxinu við hliðina á mér, þetta var handboltavarsla.

Víkingar eru að gera sig líklega í að jafna metin. Eru að pressa Skagamenn ansi duglega sem gera þó vel í að verja stöðuna.

Helgi Guðjónsson með skot að marki ÍA frá vítateigslínunni en Árni Marínó gerði vel.

Valdimar með skalla að marki ÍA en yfir markið.

Aron Elís með geggjaða fyrirgjöf á Valdimar sem var á auðum sjó í teig Skagamanna en móttaka hans ekki alveg nógu góð og boltinn út af.

Leikurinn aðeins að ná jafnvægi og Skagamenn að komast aftur í takt við leikinn.

Breytingarnar að skila krafti inn í Víkingsliðið og þeir eru með mikla ágjöf á Skagamenn sem eru að ná að standast pressuna eins og er.

Heimamenn gera fjórar breytingar í hálfleik!

Gríðarlega skemmtilegur fyrri hálfleik lokið. Skagamenn með verðskuldaða forystu og sá seinni verður væntanlega mjög skemmtilegur einnig. Fáum okkur kaffi og með´ðí

Jón Gísli Eyland með frábæra fyrirgjöf, beint á kollinn á Viktori sem nær góðum skalla að marki en Ingvar Jónsson gerði stórkostlega í að verja skallann.

Óskar Örn með stórgóða aukaspyrnu inn í teig, Jón Guðni kemur á ferðinni og Árni út á móti, nær boltanum og þeir skella saman.

Glæsilega gert hjá Djuric sem sendi boltann fyrir teiginn hjá Skagamönnum, Helgi kemur á ferðinni, munar litlu að hann poti boltanum inn en lendir á Árna Marínó og dæmdur brotlegur.

Það verður að segjast eins og er að ÍA eru búnir að vera mun líklegri einhvern veginn síðustu mínútur. En Víkingar eru ekki vanir að tapa mörgum leikjum og eitthvað sem segir mér að fleiri mörk eigi eftir að koma í þennan leik.

Hinrik Harðar át Oliver í kapphlaupi um boltann, sendir boltann inn í teig Víkinga en sendingin aðeins of aftarlega fyrir Inga Þór sem hefði verið í kjörstöðu til að skora annað mark.

Undarlegt. Oliver var að taka aukaspyrnuna eftir brotið á Johannesi, rann þegar hann ætlaði að taka spyrnuna og lenti með höndinni á boltanum og hendi dæmd.

Hvað var þetta eiginlega. Hann sólaði/klobbaði Óskar Örn sem féll við rétt fyrir utan teig ÍA, fór á ferðina og klobbaði svo Viktor Örlyg og var svo tekinn niður rétt við miðjulínuna.

Gríðarlega fjörugur og skemmtilegur leikur. Víkingar eru í liggur við maður á mann pressu og gefa Skagamönnum lítinn grið en þeir ná reglulega að brjóta pressuna og þá sækja þeir á mörgum mönnum.

Johannes Vall fær frábæra sendingu þvert yfir völlinn, er kominn í ákjósanlegt skotfæri inn í teig og lætur vaða og Ingvar ver boltann í horn.

Um leið og boltanum er spyrnt eitthvað í loftið að þá hálf dettur hann aftur niður.

Svo núna rétt í þessu var Hinrik Harðar við það að sleppa einn í gegn en Oliver Ekroth gerir vel í að body checka hann inn í teig. Hinrik vildi fá vítaspyrnu en þetta var ekki neitt.

Skagamenn byrja með boltann og spila í átt að Skeifunni.

Óskar Örn að byrja í kvöld. Verður fertugur á fimmtudaginn. Stofnun í íslenskum fótbolta.

— Ingvi Þór Sæmundsson (@ingvithors) August 19, 2024

Ritningarorð dagsins: Því svo elskar Arnar Gull ÍA að hann valdi að vera í banni í þessum leik. @bestadeildin @Skagamenn @vikingurfc #fotbolti

— Brynjólfur Þór Guðmundsson (@BrynThor) August 19, 2024

Heimamenn eru í efsta sæti deildarinnar með 40 stig. Þremur stigum fleira en Breiðablik sem er í öðru sæti og heilum 12 stigum á undan ÍA sem eru 4 sæti deildarinnar með 28 stig. Sigur fyrir bæði lið skiptir miklu máli. Víkingar í að auka forskot sitt á toppnum enn á ný og ÍA að styrkja stöðu sína um fjórða og jafnvel mögulega þriðja sætið í deildinni.

Jóhann Ingi Jónsson er dómari leiksins í kvöld.

Kristján Már Ólafs er AD1

Andri Vigfússon er AD2

Aðalbjörn Heiðar Þorsteinsson er varadómari

Kristinn Jakobsson er svo eftirlitsmaður leiksins

Víkingur - ÍA munu mætast á mánudaginn klukkan 19:15 ?

Fjölmennum á Víkingsvöllinn og hvetjum strákana til sigurs ????

Áfram ÍA ????????????#fótbolti #kfía pic.twitter.com/Waw585S3FA

— ÍA Akranes FC (@Skagamenn) August 18, 2024

Byrjunarlið okkar Víkinga gegn ÍA. Hamingjan var að opna! Sjáumst í sólinni, munið eftir sólarvörninni og sólgleraugunum!! pic.twitter.com/pEZrwGFCQh

— Víkingur (@vikingurfc) August 19, 2024

Byrjunarliðin eru komin inn og gera Víkingar þrjár breytingar á liði sínu. Erlingur Agnarsson, Gísli Gottskálk og Davíð Örn Atlason detta út úr liðinu fyrir Oliver Ekroth, Jón Guðna Fjóluson og það sem vekur mesta athygli að styrktarþjálfarinn og sá sem á leikjamet í íslenska boltanum eða 440 leiki, Óskar Örn Hauksson kemur inn í byrjunarliðið.


Skagamenn gera eina breytingu, Hinrik Harðarson kemur inn í stað Steinars Þorsteins sem er í leikbanni.

Leikjaálagið hefur svo sannarlega tekinn sinn toll af Víkingum í sumar og hafa þeir verið meiðslahrjáðir síðustu vikur. Gunnar Vatnhamar, Erlingur Agnarsson, Nikolaj Hansen og Jón Guðni Fjóluson hafa verið tæpir eða meiddir en þeir komu allir við sögu í sigrinum á móti Flora Tallinn í síðustu viku. Spurning hvort þeir komi við sögu í dag eða verðir hvíldir fyrir leikinn gegn Santa Coloma á n.k fimmtudag.

Pablo Punyed er svo frá út tímabilið og Matti Villa er einnig að glíma við meiðsli.

Viktor Jónsson, fyrirliði og framherji ÍA er markahæsti leikmaður deildarinnar með 14 mörk. Viktor er uppalinn Víkingur og á lokametrum félagaskiptagluggans reyndu Víkingar að kaupa hann frá Skagamönnum og var því tilboði umsvifalaust hafnað. Hvað mun hann gera gegn sínum gömlu félögum í kvöld?

Arnar Gunnlaugsson er að taka út þriggja leikja bann og er leikurinn í kvöld fyrsti leikurinn af þremur sem hann situr upp í stúku. Hann fékk sitt annað rauða spjald í sumar í síðsta deildarleik Víkinga í jafnteflinu á móti Vestra og var það sjálfkrafa tveggja leikja bann en hann fékk svo einn auka leik í bann fyrir ósæmilega hegðun.

Góða kvöldið kæru lesendur og verið hjartanlega velkomin í beina textalýsingu frá leik Víkinga og ÍA í 19. umferð Bestu deildar karla í knattspyrnu. Leikurinn hefst kl. 19:15 og er mikið undir fyrir bæði lið í kvöld.