Óvænt úrslit hér á Samsungvellinum. Fylkir taka hér þrjú mikilvæg stig fyrir þeirra fallbaráttu.

Viðtöl og skýrsla koma inn seinna í dag, takk fyrir mig!

Þóra Kristín og Eyrún Embla rákust á með höfðinu og þær urfa báðar aðhlyðninngu.

Stjarnan leitar eftir jöfnunarmarki hér í lok leiksins. Það er þó lítið að gerast í færum.

Andrea Mist með skot framhjá eftir aukaspyrnu

Úlfa Dís með flott hlaup upp og er með Ayers á hægri hjá sér, en er of lengi að senda á hana. Úlfa heldur áfram upp og leggur boltann á Fanney Lísu sem á skot rétt yfir markið.

Stjarnan sprkar leikinn aftur í gang. Við biðjum um viðburðaríkari seinni hálfleik!

Stjarnan fer inn í klefan einu marki yfir eftir ansi dapurðan fyrri hálfleik. Vonandi kemur aðeins meiri spenna inn í þennan leik í seinni hálfleik.

Íris Una með þrumu skot frá löngu færi sem endar framhjá markinu.

Fylkir komnar í góða stöðu til að skora eftir fyrirgjöf inn í teiginn frá aukaspyrnu. Fylkir hafa verið aðeins sterkara lið seinustu 5 minútur leiksins

Sóley nálægt því að skora sjálkfsmark eftir flotta fyrirgjöf inn í teig Stjörnuna. Erin ver þó þetta vel.

Arna Dís, sem er hægri bakvörður, er kominn fremst inn á teignn og tekur alvöru skot sem Tinna Brá ver vel.

Þetta hefur verið rólegur leikur hér á ferð. Stjarnan hefur verið með yfirburðin í leiknum, en samt ekki átt neinn risa færi. Það lífgar núna vonandi upp í leiknum.

Fylkir vinnur núna aukaspyrnu á vinstri kanti.

Eva Rut tekur spyrnunna og nær inn í teig, en boltinn endar svo framhjá markinu.

Stjarnan fær aukaspyrnu á hægri kanti. Jessica tekur spyrnunna sem lendir inn í teig, Úlfa Dís nær að skalla boltann, en boltinn endar yfir markið.

Úlfa Dís á skot frá löngu færi. Tinna þarf að ýta boltann rétt yfir markið.

Leikurinn stöðvaður á 17. mínútu, leikmenn og stuðningsmenn klappa Bryndísar Klöru til heiðurs sem lést af sárum sínum síðastliðið föstudagskvöld eftir að hafa orðið fyrir stunguárás.

Úlfa Dís með skot frá löngu færi sem endar rétt yfir markið.

Abagail á flott skot sem fer yfir markið frá löngu færi eftir hornspyrnu.

Abigail með skot á markið. Boltinn fer í leikmann Stjörnunnar og útaf. Fylkir eiga hornspyrnu.

Fanney Lísa með fyrirgjöf inn í teiginn, en það er enginn sem er þar til að nýta þetta færi.

Fylkir sparkar leikinn í gang!

Jóhannes gerir þrjár breytingar eftir 1-2 tap gegn Þrótt í seinustu umferð.
Sóley Edda, Henríetta Ágústsdóttir og Fanney Lísa koma inn í byrjunarliðið fyrir Huldu Hrund, Hannah Sharts og Andreu Mist.

Gunnar gerir tvær breytingar eftir 2-2 jafntefli gegn Þór/KA í seinustu umferð.
Guðrún Karítas og Amelía Rún koma inn í byrjunarliðið fyrir Viktoríu Diljá og Helgú Guðrúnu.

Gylfi Tryggvason, aðstoðarþjálfari HK, tók að sér það verkefni að spá í leikina sem eru framundan í 1. umferðinni eftir tvískiptinguna en þetta er seinasti leikurinn í þessari umferð.
Stjarnan 3 - 1 Fylkir (18:00 á mánudag)
Útivistartíminn er að skerðast 1. september og þess vegna óskaði Stjarnan eftir því að fá að spila þennan leik kl. 18:00 en ekki 19:15. Nú á nefnilega að leyfa börnunum að spila. Foreldrar leikmanna hafa skrifað undir skjal sem leyfir þeim að vera úti til 20 í fylgd með ömmu Erin sem hefur heldur betur passað vel upp á þær í ár. Ef allir gætu verið aðeins meira eins og Erin væri heimurinn betri staður.

Fanney Lísa verður tekin úr frystikistunni og skorar eitthvað mjög FanneyjarLísu-legt mark. Hælspyrna í slána inn eða eitthvað bull. Tekur svo Cold Palmer fagnið því henni verður enn frekar kalt eftir allan tímann í frystinum.

Arna Dís braut á sér olnbogann í sumar og mér finnst líklegt að hún brjóti núna annað markið á Samsung-vellinum með bylmingsskoti fyrir utan teig, stöngin inn. Hún tekur róbótann enda í góðri æfingu eftir að hafa verið með höndina gifsaða í róbótastöðunni í mánuð.

Hrefna Jónsdóttir hefur gert það að listgrein að fá boltann í sig eftir hornspyrnu og henni bregst ekki bogalistin í þessum leik. Hornspyrna sem Anna María skallar í Hrefnu og inn. Þar kemur Árbæingurinn fram í Huldu Hrund sem fær brjálæðiskast og hraunar yfir Hrefnu fyrir að hafa stolið marki af Önnu Maríu, en þetta hefði orðið fyrsta mark Önnu Maríu á ævinni, æfingar taldar með.

Hulda klárar leikinn í svo miklu reiðiskasti að hún gleymir því aftur að hún er ekki lengur í Fylki. Nema í staðinn fyrir að biðja um innkast fyrir Fylki eins og hún gerði fyrr í vor skorar hún sjálfsmark en það mun ekki duga fyrir Fylkiskonur og 3-1 niðurstaðan sem fellir Fylki því miður. Þrátt fyrir fall á Fylkir skilið mikið lof fyrir þá vinnu sem félagið er að setja í kvennastarfið sitt.

Hreinn Magnússon dæmir leikinn í kvöld en honum til halds og trausts verða þeir Kári Mímisson og Ásgeir Viktorsson. Skiltadómarinn í dag er Ágúst Hjalti Tómasson en Bergur Þór Steingrímsson er eftirlitsmaður KSÍ.


Hreinn Magnússon (t.v.)

Leikurinn í kvöld er seinasti leikurinn í 1. umferðinni eftir tvískiptinguna. Fylkir er 6 stigum frá Tindastól sem eru í öruggu sæti en Fylkir á leik til góða á Stólana. Ef leikurinn tapast í kvöld geta Fylkiskonur í besta falli haldið sér uppi á markatölu en hvert stig er gífurlega dýrmætt fyrir Fylki á þessari stundu.

Eins og fólk veit á Fylkir eftir að spila við Keflavík og Tindastól eftir þennan leik en Tindastóll vann Keflavík í þessari umferð.

Stjarnan fór í þjálfarabreytingu á miðju tímabili þegar Kristján Guðmunds var látinn fara en Jói Kalli tók við liðinu. Það hefur gengið misvel hjá Stjörnunni í sumar en í seinustu þremur leikjum deildarinnar hafa þær ekki unnið og töpuðu núna seinast gegn Þrótti Reykjavík á grátlegan hátt.

Það tap gerði það að verkum að Stjarnan er í neðri helmingnum og Þróttur í efri helmingnum en leikurinn í kvöld er fyrsti leikur Fylkis og Stjörnunnar eftir tvískiptinguna.

Heilir og sælir ágætu lesendur og veriði hjartanlega velkomin í þessa þráðbeinu textalýsingu úr Garðarbænum þar sem Stjörnukonur fá Fylki í heimsókn.