SKÝRSLAN: Afturelding og ÍR bæði áfram í umspil
Hvað réði úrslitum?
Afturelding kom inn í leikinn af krafti og voru klínískir í sínum færum. Voru léttleikandi og áttu vel skilið að vera yfir í hálfleik. Í seinni hálfleik var síðan ekkert sérlega mikið að frétta frá ÍR-ingum. Afturelding aftur betra liðið og hefði getað bætt enn fleiri mörkum við.
Bestu leikmenn
1. Elmar Kári Enesson Cogic (Afturelding)
Elmar var á köflum að leika sér að varnarmönnum ÍR en það er erfitt að stöðva þennan mann þegar hann er í stuði. Það var hann svo sannarlega í dag og náði sér í mark úr vítaspyrnu.
2. Aron Jóhannsson (Afturelding)
Aron var virkilega flottur í dag og skoraði fyrsta mark leiksins. Hann var oft að koma sér í góðar stöður og hefði hæglega getað skorað meira ef hann hefði nýtt færin sín betur.
Atvikið
Þegar Grindavík skorar tvívegis á stuttum kafla sem þýddi að með þeim úrslitum væri ÍR að fara áfram í umspil. Það varð allt gjörsamlega vitlaust hjá stuðningsmönnum ÍR. Þá var eiginlega skemmtilegra að horfa á þá syngja og tralla heldur en leikinn sjálfan.
Hvað þýða úrslitin?
Afturelding endar í 4. sæti og fer í umspil. Þar munu þeir mæta Fjölni. ÍR endar í 5. sæti og fara því líka í umspil þar sem þeir munu mæta Keflavík.
Vondur dagur
Þetta var ekki góður leikur hjá ÍR og ekki margir leikmenn sem myndu fá yfir 5 í einkunn í dag. Það eiga samt engir vonan dag í þessum liðum þar sem bæði lið eru komin áfram í umspil. Þannig vondur dagur í þessum leik er bara Njarðvík sem tókst að klúðra sínu færi á að fara í umspilið.
Dómarinn - 8
Sveinn flottur í dag, lítið hægt að setja út á hann og hans teymi.