Keflavík er á leiðinni á Laugardalsvöll! 6-4 lokatölur í einvíginu.

Skýrsla og viðtöl væntanleg seinna í dag.

ÍR á aukaspyrnu á fínum stað og Bragi ákveður að taka bara skotið. Það er fast en Ásgeir ekki í miklum vandræðum með að taka þennan.

ÍR-ingar í virkilega góðu færi. Boltinn fer á milli manna í markteig Keflvíkinga en á einhvern ótrúlegan hátt ná þeir ekki að koma boltanum yfir línuna.

4 mínútur í uppbót.

Góð fyrirgjöf frá vinstri hjá ÍR. Arnór Gauti ræðst á þennan bolta sem kemur á nærstöngina en skotið hjá honum framhjá.

ÍR á aukaspyrnu sem þeir lyfta inn í teiginn. Úr verður smá darraðardans áður en boltinn dettur fyrir Braga. Hannt tekur fast skot en Ásgeir gerir vel og ver frá honum.

Sindri reynir skotið langt fyrir utan teig. Boltinn svífur hátt yfir markið.

Einfaldur bolti inn fyrir vörn ÍR-inga og Kári er sloppinn í gegn. Hann er einn gegn markmanni og tekur skotið en Vilhelm gerir stórkostlega í að verja þetta skot!

Heldur ÍR á lífi.

ÍR fær aukaspyrnu nokkuð vel fyrir utan teiginn. Renato ákveður að láta bara vaða en skotið hans fer hátt yfir.

Keflavík á horn sem þeir lyfta inn í teig. Ásgeir Helgi stekkur hæst og nær góðum skalla í átt að marki. Vilhelm er hinsvegar fljótur niður og ver vel!

ÍR-ingar aðeins farnir að herja á heimamenn. Marteinn tekur hérna skotið fyrir utan teig, en það er laust og frekar þægilegt fyrir Ásgeir í markinu.

Bragi kemur með fyrirgjöfina frá vinstri kantinum. Bergvin nær skallanum en hittir ekki á markið.

Langur bolti fram hjá Keflavík og Ásgeir skallar boltan áfram á Kára. Kári er þá kominn í góða stöðu inn í teig en hann skýtur framhjá.

Kári lyftir boltanum inn á teiginn þar sem Ásgeir Helgi er kominn í pláss. Ásgeir skallar í átt að marki en Vilhelm kastar sér á eftir þessum og ver vel.

Óliver Elís tekur aukaspyrnu fyrir ÍR. Hann lyftir boltanum inn í teiginn þar sem Hákon Dagur nær skallanum en framhjá markinu.

Keflvíkingar gera vel inn í teig andstæðingana og Sami Kamel er kominn í virkilega gott færi. Hann tekur skotið en Marc nær að koma sér fyrir þetta skot.

3 breytingar í hálfleik!

Staðan er 5-4 fyrir Keflavík í þessu einvígi og það eru 45 mínútur eftir. ÍR-ingar verið miklu betri í þessum fyrri hálfleik en þetta mark sem Keflavík skoraði í endan gríðarlega mikilvægt.

Marc fær gott knús inn í teig og kemst því ekki upp í skallabolta. Stuðningsmenn byðja um víti en Twana gerir ekkert. Það hefði alveg mögulega verið hægt að dæma þarna.

Ari Steinn með skot fyrir utan teig. Beint á Vilhelm sem er ekki í vandræðum með þetta.

Keflvíkingar koma upp hægri kantinn og það er Mihael Mladen sem leggur boltan fyrir. Rúnar Ingi stekkur hæst í teignum og tekur skallan í slánna, svo ná ÍR-ingar að hreinsa.

Kári kemur upp hægri kantinn með boltan fyrir Keflavík. Hann leggur boltan fyrir á Rúnar Inga á nærstönginni, Rúnar reynir hælspyrnuna að marki en Vilhelm ver!

ÍR-ingar koma upp völlinn og Gils er með boltan inn í teig. Hann reynir að leggja boltan fyrir Braga sem væri einn fyrir opnu marki en Stefán Jón kemur með frábæra tæklingu til að redda þessu útaf í horn.

Keflvíkingar koma upp vinstri kantinn og það er Ari Steinn sem leggur boltan fyrir markið. Ásgeir Helgi er þá í dauðafæri inn í teig þegar hann skallar að marki en Vilhelm ver vel.

ÍR er að byrja þennan leik af krafti, eru að fá hornspyrnur og fínar stöður. Þeir þurfa bara að nýta þetta núna ef það á að vera smá spenna í þessu.

ÍR á horn sem þeir lyfta inn í teig en Keflvíkingar skalla frá fyrsta boltan. Boltinn kemur þá aftur fyrir og Kristján nær góðum skalla á markið en Ásgeir ver.

Twana flautar leikinn af stað!

Haraldur Freyr Guðmundsson þjálfari Keflavíkur gerir tvær breytingar á sínu liði. Það eru Stefán Jón Friðriksson og Rúnar Ingi Eysteinsson sem koma inn í liðið. Sindri Snær Magnússon sest á bekkinn en Axel Ingi Jóhannesson er í leikbanni.

Árni Freyr Guðnason þjálfari ÍR gerir þrjár breytingar á sínu liði. Það eru Bergvin Fannar Helgason, Ágúst Unnar Kristinsson og Renato Punyed sem setjast á bekkinn. Inn fyrir þá koma Guðjón Máni Magnússon, Gils Gíslason og Marteinn Theodórsson.

Leikir liðanna í deildinni þetta sumarið fóru svo að Keflavík vann ÍR-ingana í Breiðholtinu 1-0 eins og gerðist í umspilinu. Hinsvegar unnu ÍR-ingar 2-1 þegar þeir mættu til Keflavíkur. ÍR er því eina liðið sem vann Keflavík, í Keflavík í sumar. Þetta er því langt frá því að vera búið spil.

Í hinu undandúrslita einvíginu mætast Afturelding og Fjölnir. Fyrri leikurinn í því einvígi fór fram síðastliðinn fimmtudag. Afturelding vann þann leik 3-1. Aron Jóhannsson kom Aftureldingu í 1-0 á annari mínút leiksins. Staðan breyttist ekkert fram að hálfleik en Daníel Ingvar Ingvarsson jafnaði metin í seinni hálfleik. Elmar Kári Enesson Cogic var fljótur að koma Aftureldingu aftur yfir og Sigurpáll Melberg Pálsson kláraði leikinn með þrumufleyg utan af teig. Elmar Kári fékk svo sitt seinna gulu á lokasekúndu leiksins.

Fyrri leikurinn í þessari viðureign fór fram síðastliðinn miðvikudag. Þar vann Keflavík 4-1 í tíðinda miklum leik. Keflavík komst í 3-0 eftir mörk frá Kára Sigfússyni, Ásgeiri Helga Orrasyni og Mihael Mladen. ÍR minnkaði muninn rétt fyrir hálfleiks lok þegar Hákon Dagur Matthíasson skoraði. Í seinni hálfleik bætti Kári Sigfússon við sínu öðru marki en það átti eftir að draga til frekari tíðinda þegar Axel Ingi Jóhannesson leikmaður Keflavíkur fékk á sig rautt spjald og víti, fyrir það að slá í Bergvin Fannar Helgason. Bergvin tók sjálfur vítið en skaut yfir markið og því enduðu leikar 4-1.

Komið þið sæl og verið velkomin í beina textalýsingu frá leik Keflavíkur og ÍR í undanúrslitum umspilsins í Lengjudeildinni.

Leikurinn hefst klukkan 14:00 og verður spilaður á HS Orku vellinum í Keflavík.