SKÝRSLAN: Afturelding í úrslit eftir hundleiðinlegan leik
Hvað réði úrslitum?
Fjölnismenn voru mun meira með boltann en voru einstaklega bitlausir fram á við, hugmyndasnauðir og kraftlitlir. Leikurinn spilaðist eins og Afturelding vildi hafa hann og náðu þeir að svæfa leikinn. Frábærlega uppsettur leikur hjá þjálfurum Aftureldingar en útkoman einn af leiðinlegri leikjum sem ég hef horft á. Mosfellingum gætu þó ekki verið meira saman því þeir eru á leiðinni í úrslitaleik á Laugardalsvelli.
Bestu leikmenn
1. Jökull Andrésson
Jökull greip ótal fyrirgjafir og átti góða vörslu undir lok leiks.
2. Aron Elí Sævarsson
Fyrirliðinn flottur í dag, Afturelding vörðust vel og áttu Fjölnismenn mjög erfitt með að opna þá.
Atvikið
Líklegast lokaflaut leiksins og fögnuður stuðningsmanna, ekki mikið annað sem stóð upp úr í dag.
Hvað þýða úrslitin?
Afturelding leikur til úrslita um sæti í Bestu-deildinni á Laugardalsvelli gegn Keflavík næstkomandi laugardag.
Vondur dagur
Sóknarmenn Fjölnis ógnuðu lítið sem ekkert, náðu ekki að opna lágu vörn Aftureldingar. Bitlausir framherjar Fjölnis fá þessa nafnbót í dag.
Dómarinn - 8
Afturelding gerði tilkall til vítaspyrnu í seinni hálfleik en mér sýndist Vilhjálmur Alvar negla þá ákvörðun að sleppa vítinu. Flottur dagur hjá tríóinu.