Valsmenn náðu að snúa þessu í jafntefli. Flott endurkoma í síðari.

Viðtöl og skýrsla væntanleg.

Gylfi Þór með tilraun en hún er full laus og beint á Árna Snær.

Fáum líklega auka mínútu á klukkuna eftir þetta stopp en það er í góðu lagi með alla.

Gylfi Þór neglir þessu bara í andlitið á Örvari Eggerts í veggnum og Helgi Mikael fljótur að stoppa leikinn og kalla eftir aðstoð.

Valur fær aukaspyrnu á frábærum stað fyrir Gylfa Þór rétt fyrir utan teig.

Var reyndar brotið á Gylfa Þór svo spurning hvort það trufli hann.

Gylfi Þór reynir skot sem er beint á Árna Snær.

Stjörnumenn að hóta sigurmarkinu þessa stundina.

Stjörnumenn að sækja hratt og koma með bolta fyrir markið en Valur nikkar boltanum í horn.

Kemur hinsvegar ekkert úr þessu horni.

Emil Atla að komast í skotfæri og á hörku skot rétt framhjá markinu.

Stjörnumenn koma boltanum upp vinstri á Hilmar Árna sem eltir og Valsmenn eru heldur fáliðaðir til baka þegar hann kemur með sendingu fyrir sem Emil Atla lætur fara á Örvar Eggerts en Ögmundur tekur hann!

Óli Valur með skot sem fer af varnarmanni og Stjarnan fær horn.

Valsmenn finna Sigurð Egil úti vinsti sem er með mikið pláss og reynir að koma með boltann fyrir markið en Stjarnan kemur þessu burt.

Ætli að sé sigurmark í þessu öðru hvoru megin?

Stjörnumenn vilja víti en fá ekki.

Vilja meina að boltinn fari í tendina á varnarmanni en Helgi Mikael alveg ofan í þessu og gefur strax merku um að ekkert hafi verið að þessu.

Stjarnan aðeins að bíta frá sér og þetta er endana á milli.

Birkir Már kemst á sprettinn og stingur menn af og er kominn einn á Árna Snær í þröngu færi en Árni Snær lokar á hann.

Óli Valur aðeins að skapa ursla og vinnur horn.

Emil Atla ekki langt frá því að skalla það inn.

Hörður Ingi reynir skot sem fer rétt yfir markið.

Valsmenn með öll tök hérna í seinni.

Valur með hornspyrnu sem dettur niður í teignum og maður nánast beið eftir að sjá Valsmenn fagna í öllu þessu kraðaki en Stjörnumenn ná að lúðra boltanum frá marki.

Valur eru að hóta jöfnunarmarkinu. Eru mun líklegri að jafna frekar en Stjarnan að bæta við.

Stjarnan reynir að stinga Emil Atla í gegn en Orri Sigurður með frábæran varnarleik.

Allt annað að sjá til Vals núna í síðari.

Gylfi Þór með gott skot sem Árni Snær nær ekki að halda og hann fellur fyrir Albin Skoglund sem reynir að komast í færi en kemst ekki og kemur boltanum á Jónatan Inga sem á ekkert spes skot framhjá markinu.

Þetta lítur mun betur út hjá Val þessa stundina en það sem þeir buðu upp á í fyrri hálfleik.

Gylfi Þór með góða hornspyrnu og sýndist það vera Albin Skoglund sem var þarna í baráttunni og nær skoti sem fór af varnarmanni og rétt framhjá.

Ekki ósvipuð byrjun á seinni hjá Val eins og þeir byrjuðu fyrri. Kraftur í Valsmönnum.

Valsmenn vinna hornspyrnu.

Stjörnumenn leiða með tveim mörkum í hálfleik og það bara nokkuð sanngjarnt.

Valur byrjaði betur en Stjarnan snéri þessu algjörlega sér í hag eftir því sem leið á.

Tökum stutta pásu áður en við snúum aftur með síðari.

Valsmenn aðeins að færast ofar á völlinn.

Lúkas Logi reynir skot úr fínu færi en beint í fangið á Árna Snær.

Kemur lítið úr þessari aukaspyrnu rétt fyrir utan.

Vandræðagangur í öftustu línu Stjörnunnar og Patrick Pedersen er allt í einu einn á móti Árna Snær í þröngu færi en nær ekki að refsa.

Valsmenn fá horn en ná ekki að gera sér mat úr því.

Eftir öfluga byrjun hjá Val hafa Stjörnumenn náð að taka svolítið yfir.

Bæði lið að gefa fá færi á sér og lítið um færi.

Valsmenn virkilega þéttir fyrir og gefa fá færi á sér. Stjörnumenn þolinmóðir á boltanum að leita af opnum.

Loksins ná Stjörnumenn að spila sig í gegnum Val og Óli Valur á fastann bolta fyrir markið á Örvar Loga sem er á fjær og kemur föstu skoti á markið en Ögmundur ver það.

Stjarnan í erfiðleikum með að spila sig í gegnum Val.

Gylfi Þór hælar boltann á Albin Skoglund í teignum sem fellur við í baráttunni við Stjörnumenn en Helgi Mikael gefur strax bendingar um að halda áfram og Valur fær horn.

Kemur svo ekkert út úr þessu horni.

Gylfi Þór með spyrnuna en Hólmar Örn nær ekki stjórn á boltanum í loftinu og skallinn hátt yfir.

Valur byrja þetta af krafti og vinna fyrstu hornspyrnu leiksins.

Það eru heimamenn í Val sem sparka þessu af stað.

Valur gerir eina breytingu á sínu líði en Hólmar Örn Eyjólfsson kemur inn fyrir Jakob Franz Pálsson.

Stjarnan gera þá þrjár breytingar á sínu liði. Guðmundur Kristjánsson, Adolf Daði Birgisson og Kjartan Már Kjartansson koma inn fyrir Örvar Eggertsson, Daníel Laxdal og Róbert Frosta Þorkelsson.

Ásgeir Frank Ásgeirsson, þjálfari Hvíta riddarans og leikmaður Aftureldingar, er spámaður umferðarinnar. Hann fylgir á eftir Gary Martin sem var með fjóra leiki rétta þegar hann spáði í leiki síðustu umferðar.

Valur 2 - 3 Stjarnan
Valsmenn með alvöru leik gegn KR í síðustu umferð en ég held að þeir mæti ekki jafn sannfærandi í þennan leik, þeir hafa innst inni ekki neinn brennandi áhuga á þessari play offs keppni sem er að fara af stað. Þeir munu opna Evrópubaráttuna upp á gátt með þessu tapi á heimavelli. Ég elska spennu og ég veit að allir elska spennu þannig Stjarnan vinnur 2-3. Emil Atla skorar tvennu og Guðmundur Baldvin eitt. Gylfi og Lúkas Logi skora fyrir Valsmenn.

Liðin hafa mæst 44 sinnum í efstu deild karla samkv. vef KSÍ.

Valur hefur 17 sinnum (39%) hrósað sigri.
Stjarnan hefur 14 (32%) hrósað sigri.
Liðin hafa þá skilið 13 sinnum (30%) jöfn.



Fyrri leikirnir í sumar:

Valur endaði í 3.sæti deildarinnar eftir 22 leiki með 38 stig. Óstöðugleiki er það sem manni dettur í hug þegar kemur að síðustu leikjum Vals á tímabilinu en þeir hafa sótt 7 stig af síðustu 15 mögulegum. Valur vann síðasta deildarleik sinn gegn KR 4-1 og vonast til að byggja á þau úrslit í skiptingunni.

Valur hefur skorað 53 mörk í sumar og fengið á sig 33 sem gera plús 20 í markatölu.

Markahæstu menn Vals er:

Patrick Pedersen - 14 mörk
Jónatan Ingi Jónsson - 11 mörk
Gylfi Þór Sigurðsson - 9 mörk
Tryggvi Hrafn Haraldsson - 8 mörk
Lúkas Logi Heimisson - 3 mörk
*Aðrir minna

Stjarnan endaði í 5.sæti deildarinnar eftir 22 leiki með 34 stig. Stjarnan átti flottan lokasprett og unnu síðustu þrjá leiki sína fram að skiptingu og sóttu 11 stig af 15 mögulegum í síðustu fimm leikjunum.

Stjarnan hefur skorað 40 mörk í sumar og fengið á sig 35 sem gera plús fimm í markatölu.

Markahæstu menn Stjörnunnar eru:

Emil Atlason - 11 mörk
Örvar Eggersson - 6 mörk
Óli Valur Ómarsson - 5 mörk
Haukur Örn Brink - 5 mörk
Guðmundur Baldvin Nökkvason - 4 mörk
*Aðrir minna

Helgi Mikael Jónasson fær það verkefni að dæma hér í kvöld og honum til aðstoðar verða Egill Guðvarður Guðlaugsson og Andri Vigfússon.
Gunnar Oddur Hafliðason er varadómari og sérlegur tækimeistari á skiltinu.
Skúli Freyr Brynjólfsson er eftirlitsmaður KSÍ.

Verið hjartanlega velkomin í þessa þráðbeinu textalýsngu frá N1 vellinum á Hlíðarenda þar sem heimamenn í Val taka á móti Stjörnunni í fyrstu umferð Bestu deild karla - Efri hluta.