Enginn uppbótartími og KA vinnur forsetabikarinn!!

Viðtöl og skýrsla kemur seinna í dag.

En dómarinn dæmir á eitthvað sem gerist þarna í uppbyggingunni. Leiðinlegt að vera taka þetta af honum þar sem þetta er líkast til loka leikur Elfars í KA treyjunni.

Grímsi aftur í góðri stöðu fyrir utan teig og hann tekur skotið. Ólafur vel hinsvegar vel frá honum og KA á hornspyrnu.

KA fær aukaspyrnu við vinstri hlið teigsins. Hallgrímur tekur spyrnuna og hann tekur bara skotið. Lúmskt skot sem Ólafur er í smá vandræðum með en hann nær að handsama knöttinn á endanum.

KA menn láta loksins sjá sig framar á vellinum í þessum síðari hálfleik. Þá tekur Hallgrímur skotið fyrir utan teiginn og þessi fer bara rétt framhjá markinu.

Eftir að þunga sókn Framara nær Orri skoti að marki sem fer í varnarmann en Stubburinn var kominn út úr markinu til að reyna að taka þennan bolta. Boltinn skoppar þá um í teignum laus en aðstoðardómarinn flaggar áður en einhver Framarinn gat ráðist á þennan bolta.

Framarar liggja mikið í sókn hér í byrjun seinni hálfleiks en eru enn ekki búnir að skapa sér neitt mjög hættulegt.

Sterk byrjun hjá KA. Þeir sækja hratt, koma boltanum á Daníel sem geysist inn á teyginn og nær föstu skoti en Ólafur ver.

KA menn leiða í hálfleik nokkuð verðskuldað. Framarar hafa átt góða spil takta inn á milli en lítið að frétta þegar kemur að síðasta þriðjungi. KA menn hafa hinsvegar verið beittir í sínum sóknaraðgerðum.

Þorri fær allt pláss í heiminum fyrir utan teig KA þannig hann lætur vaða. Boltinn er á leiðinni rétt yfir markið en Steinþór setur hendina í boltan og Fram fær horn sem ekkert kemur upp úr.

Einnar snertinga fótbolti hjá KA og þeir fara hratt upp völlinn. Dagur endar svo á að gefa fastan bolta á Ásgeir sem tekur skotið rétt framhjá markinu.

Grímsi kemur upp vinstri kantinn og fer svi illa með Alex að hann meiðir sig smá þegar hann dettur á rassinn. Hann sendir svo á bróðir sinn Hrannar sem tekur þrumuskot fyrir utan teiginn sem fer rétt framhjá markinu

Flott spil hjá Frömurum og Adam Örn kemst í góða stöðu vinstra megin. Hann tekur skotið en beint á Steinþór.

Framarar komas tí góða stöðu inn í teig og fyrst nær Þorri skotinu og síðan Fred, en í bæði skipti beint í varnarmann.

Framarar sækja upp kantinn og boltinn kemur fyrir markið. Þessi sending kemur aðeins fyrir aftan Frey sem stekkur þá bara til baka og tekur svona hálfgerða bakfallspyrnu en skotið framhjá.

Fred vinnur boltan ofarlega á vellinum, tekur eitt skref og svo skotið. Steinþór sér hinsvegar við honum í markinu.

Framarar taka fyrstu hornspyrnu leiksins. Fred lyftir boltanum að nærstönginni og Gummi Magg nær skallanum en í varnarmanna og Fram fær annað horn.

Seinna hornið kemur inn í teiginn en Steinþór kýlir boltan frá.

Gunnar flautar og leikurinn er kominn af stað!

Þúsundþjalasmiðurinn Gunnlaugur Jónsson spáir í leikina en hann hefur séð um það að taka viðtöl fyrir Stöð 2 Sport á leikjum í Bestu deildinni í sumar.

Fram 2 - 1 KA
Endirinn á tímabilinu hjá Fram er gríðarleg vonbrigði, aðeins einn sigur (gegn Fylki) í síðustu 11 leikjum þar af 8 töp er mjög slæmur endir á þessum tímabili. Þessi vonbrigða spírall byrjaði í lok júlí og þá var liðið á góðri siglingu og líklegt að enda í efri úrslitakeppninni. Ég spái því að Fram endi tímabilið á sigri í hörku leik gegn bikarmeisturunum með tveimur mörkum frá Gumma Magg. Elfar Árni skorar mark KA líklega í sínum lokaleik fyrir liðið.

Gunnar Oddur Hafliðason verður með flautuna í dag en honum til aðstoðar verða Egill Guðvarður Guðlaugsson og Sveinn Ingi Sigurjónsson Waage.

Eftirlitsmaður KSÍ er Frosti Viðar Gunnarsson og varadómari er Þórður Þorsteinn Þórðarson.

Það má segja nokkurnvegin það sama um KA og ég skrifaði um Fram hér fyrir neðan. KA menn geta þó reynt að mótivera sig með því að Forsetabikarinn er innan seilingar. KA dugir jafntefli til að tryggja 7. sætið sem er jafnframt efsta sætið í neðri hlutanum þar sem KR er í 8. sæti þremur stigum á eftir þeim. Þetta er þá líkast til kveðju leikur hjá nokkrum KA mönnum sem hafa verið lengi hjá félaginu.

Framarar hafa ekki neitt að spila fyrir þar sem þeir eru í 9. sæti deildarinnar og geta ekki farið neðar. Þær gætu komist upp fyrir KR í 8. sætinu en eiga ekki möguleika á að ná KA. Þessi leikur verður því bara upp á gamanið fyrir Framara að njóta síðasta heimaleik tímabilsins og gera sig svo til fyrir lokahófið um kvöldið. Það er ansi líklegt að við fáum að sjá einhverja unga stráka spila í þessum leik.

Komið þið sæl og verið velkomin í beina textalýsingu frá leik Fram og KA. Þetta er leikur í loka umferð tímabils Bestu deildar karla.

Leikurinn hefst klukkan 14:00 og verður spilaður á Lambhagavellinum.