Frábær leikur hjá Blikum, keyrðu yfir Víkinga og unnu sanngjarnt 3-0.

Til hamingju Blikar nær og fjær, það verður partý í Kópavogi í kvöld!

Frekari umfjöllun væntanleg.

Blikar eru að sigla þessu þægilega heim.

Kristófer Ingi rennir boltanum út á Viktor Karl, Ingvar Jónsson fer greinilega í Kristófer en ekkert dæmir Vilhjálmur Alvar.

Enginn í markinu en Viktor Karl með skot beint í Jón Guðna.

Davíð Örn með skot rétt yfir mark Breiðabliks.

Breiðablik brotið 23. sinnum af sér en Víkingar einungis sex sinnum. Mikil meiri ákefð í Blikaliðinu í dag.

Til hamingju Blikar. Eru búnir að vera hrikalega steady meira og minna í allt sumar. Bjóst samt ekki við að þeir myndu taka titilinn en vel gert. #EuroBLIX #fotboltinet

— Matti Matt. Hann/Him (@mattimatt) October 27, 2024

Vægast sagt partý á Blikapöllum. Sungið, Dansað, Confetti sprengjur allt sem þarf í gott partý.

Stuðningsmenn Víkinga kasta blysi inn á völlinn, Nikolaj Hansen er fljótur til og kastar blysinu af vellinum.

Davíð með skot á mark Víkinga en Ingvar ver vel.

Nikolaj Hansen með skalla eftir hornspyrnu en Anton Ari ver örugglega.

Erlingur kemst framhjá Damir og er kominn í frábæra stöðu í teig Breiðabliks en er of lengi að athafna sig og Blikar koma boltanum frá.

Víkingar eru að sækja í sig veðrið, líta vel út þessa stundina.

Karl Friðleifur með frábæra fyrirgjöf á Djuric sem skallar boltann í þverslánna!

Aron Elís fær boltann í góðri stöðu í teig Blika. Aron fer í skotið sem hafnar í afturendanum á Viktori Erni.

Helgi Guðjóns með stórhættulega fyrirgjöf en sóknarmenn Víkinga ná ekki til boltans.

Boltinn dettur fyrir Ísak í teignum Ísak tekur gott skot úr teignum en Ingvar ver frábærlega.

Danijel Djuric tekur lúmska spyrnu, lág fyrir markið en enginn Víkingur mættur til að pota boltanum inn.

Welcome to the Isak show! #fotboltinet

— ParmaCalcio1913 -ISL ???????? (@ParmaIceland) October 27, 2024

Víkingar æða upp í skyndisókn, boltinn berst á Aron Bjarna sem fer í skotið en boltinn í Ekroth.

Gunnar Vatnhamar með skalla eftir hornspyrnu en boltinn hafnar í stönginni!

Sterk byrjun Víkinga.

Gísli Gottskálk sleppur í gegn en Damir kemur boltanum frá á ögurstundu.

Víkingar byrja með boltann, bæði lið óbreytt.

???????? Honestly I don’t know what I expected in this game but I was not expecting that.

In Breidablik’s last game they committed 13 total fouls. They had crossed that after 35 minutes in this match.

If a player doesn’t get sent off I’ll be genuinely amazed. pic.twitter.com/iATm3Ho7lA

— Nordic Footy ???????????????????????????? (@footy_nordic) October 27, 2024

Víkingarnir blóðlitlir og passífir í þessum fyrri hálfleik. Blikarnir gjörsamlega með þá.

— Arnar Sveinn (@arnarsveinn) October 27, 2024

Hálfleikstölfræði frá Stöð 2 sport.

Víkingur R. - Breiðablik

54% - Með bolta - 46%
2 - Skot - 5
0 - Skot á mark - 3
2 - Brot - 17

+10

Vilhjálmur Alvar flautar til hálfleiks, Breiðablik leiðir 1-0.
Breiðablik búnir að vera mun betri í leiknum, Víkingar aðeins með tvær marktilraunir.

Kæmi mér ekki á óvart ef Víkingar gera breytingu eða tvær í hálfleik.

+3

Blikar vilja meina að Nikolaj Hansen hafi gefið Viktori Erni olnbogaskot en ekkert dæmir Vilhjálmur Alvar.

Kemur ekkert á óvart, miklar tafir búnar að vera á leiknum.

Big game Isak

— Gary martin (@gazbov10) October 27, 2024

Víkingar fá aukaspyrnu á miðjum velli, boltinn kemur í teiginn en Höskuldur skallar frá.

Breiðablik fær aukaspyrnu í fyrirgjafastöðu.

Aron Elís og Höskuldur skella saman og þurfa báðir aðhlynningu. Leikurinn enn og aftur stöðvaður.

Samkvæmt nýjustu tölum hafa Blikar brotið 13 sinnum af sér en Víkingar aðeins einu sinni.

Hljóta að vera svona 10 mín í uppbót leikurinn stopp allan fyrri hálfleik #fotboltinet

— Magnus Bodvarsson (@MBodvarsson) October 27, 2024

Stuðningsmenn Breiðabliks syngja hástöfum ,,Hver var að mála í gær"

Breiðablik er að vinna bardagann í stúkunni en það heyrist ekkert í stuðningsmönnum Víkinga. Stuðningsmenn Breiðabliks eru þó einungis 250 talsins.

Mikið að gera hjá Vilhjálmi Alvari dómara, bæði lið drepa takt hvors annars með brotum.

Ekroth missir boltann til Ísaks Snæs sem tekur þunga móttöku og Ingvar kemur Víkingum til bjargar. Ísak svekktur með sjálfan sig þarna.

Danijel Djuric með þrumuskot rétt fyrir utan teig Blika. Boltinn fer þó langt framhjá marki Breiðabliks.

Víkingar fá hornspyrnu, Ísak Snær skallar frá.

Ari með hættulega fyrirgjöf en Arnór Gauti skallar frá í horn.

Ekroth getur haldið leik áfram, skokkar aftur inn á völlinn.

Leikur heldur áfram, Víkingar einum færri.

Ekroth sem var búinn að glíma við meiðsli liggur niðri og heldur um hnéð.

Neyðast Víkingar til að gera skiptingu?

Leikurinn búinn að vera stopp í um átta mínútur.

Erlingur Agnarsson og Kristinn Jónsson skella saman og liggja báðir niðri. Leikurinn stöðvaður.

Erlingur staðinn upp en Kristinn liggur enn niðri, líklegt að Breiðablik neyðist til að gera skiptingu.

Blikar pressa hátt á Víkinga.

Höskuldur með skot af löngu færi sem fer langt framhjá marki Víkinga, lítil hætta.

Davíð Ingvars með þrumuskot sem Ingvar ver út í teiginn. Boltinn berst á Andra Rafn Yeoman sem á hörkuskot en Ingvar ver frábærlega og í horn.

Það er gamlárskvöld vibe yfir stemningunni og tímasetningunni á Víkingur-Breiðablik. Geggjað.

— Þorkell Gunnar Sigurbjörnsson (@thorkellg) October 27, 2024

Kristinn Jónsson brýtur á Erlingi Agnarssyni og Víkingar fá aukaspyrnu við endalínu.

Ísak Snær skallar fyrirgjöfina frá og Blikar koma hættunni frá.

Ísak Snær sparkar þessu af stað.

Víkingar leika í sínum hefðbundnu rauðsvörtu búningum. Breiðablik eru í hvítu varatreyjum sínum.

Gríðarleg spenna í loftinu, nú styttist í að þessi veisla hefjist!
Nú þegar búið að sprengja flugelda og blysin eru komin á loft.

Stuðningsmenn Breiðabliks eru með borða með myndum af Danijel Dejan Djuric, Arnari Gunnlaugssyni og Erlendi Eiríkssyni dómara.

Á borðanum stendur „Trúðalestin" og fyrir neðan „Það eru allir vondir við okkur." Sem er greinilegt skot á Víkinga.

Það verður vælt. Svo mikið er víst en vonandi vinnur betra fótboltaliðið. pic.twitter.com/HzsIScMeCG

— Magnús H. Jónasson (@Maggih90) October 27, 2024

Aðeins 30 mínútur í leik, stuðningsmenn beggja liða koma sér fyrir bæði í stúkunni og á pöllum.

Víkingar unnu sögulegan sigur á Cercle Brugge í Sambandsdeildinni sl. fimmtudag. Víkingar gera tvær breytingar á liði sínu frá þeim leik.

Inn í liðið koma þeir Nikolaj Hansen og Oliver Ekroth í stað Viktors Örlygs og Halldórs Smára.

Breiðablik vann 2-1 sigur gegn Stjörnunni í síðasta leik. Halldór Árnason, þjálfari Breiðabliks heldur liði sínu óbreyttu.

18:30?
pic.twitter.com/ZaJ79TRR6k

— Besta deildin (@bestadeildin) October 27, 2024

Arnar Gunnlaugsson, þjálfari Víkinga er í leikbanni og verður því ekki á hliðarlínunni á eftir.

Þess í stað tekur hann sér sæti í við hlið vallarþularins í boxinu eins og hann hefur verið vanur að gera þegar hann er í banni á heimavelli.

Verður þetta fimmti leikurinn í sumar þar sem Arnar tekur út leikbann en hann hefur tvívegis fengið rautt.
Sölvi Geir Ottesen aðstoðarmaður Arnars stýrir Víkingi frá hliðarlínunni á sunnudaginn næsta.

„Við erum liggur við með doktorsgráðu í þessu. Ég treysti þeim fullkomlega fyrir þessu verkefni," sagði Arnar í samtali við fótbolti.net.

Sæbjörn Þór Þórbergsson Steinke, fréttamaður fótbolti.net stillir upp líklegum byrjunarliðum liðanna.

Það er alltaf mikið um að vera þegar þessi lið mætast. Engin breyting er á því í dag en nú er búið að mála vörubretti Víkinga græn.

Skemmdarvargur kom inn á vallarsvæðið í Fossvoginum í nótt og málaði brettin í lit Breiðabliks. Til er myndbandsupptaka af skemmdarvargnum.

Vörubrettin hafði félagið fengið lánuð en rauði liturinn er nauðsynlegur í ákveðnum vöruflutningum, meðal annars fyrir Costco. Nú þegar þau hafa verið máluð græn eru þau bretti metin ónýt og tjón eigandans nokkuð mikið.

Á bilinu 250-300 bretti voru skemmd í nótt og kostnaðurinn við hvert bretti er um 5000 krónur. Víkingar sem fótbolti.net ræddi við í dag meta tjónið því upp á 1,5 milljón.

Víkingar ætla að kæra brotið til KSÍ og krefjast þess að Breiðablik greiði kostnaðinn.

Um 2500 manns munu fá miða á leikinn en þar af eru aðeins 1149 sæti. Því þarf að hlaða upp vörubrettum til að koma meirihluta áhorfenda fyrir.

Breiðablik fær 250 miða sem eru 10% þeirra miða sem sem eru í boði eða tvöfalt meira en reglur segja um að þeir ættu að fá sem eru 5%.

Hér að neðan má sjá hvar stuðningsmenn Breiðabliks verða á vellinum, fyrir aftan endalínu Kópavogsmegin á vellinum.

Einn besti dómari efstu deildar síðustu ár, Vilhjálmur Alvar Þórarinsson verður með flautuna í leiknum í kvöld.

Gylfi Már Sigurðsson og Birkir Sigurðarson verða aðstoðardómarar á leiknum og Ívar Orri Kristjánsson fjórði dómari. Eftirlitsmaður verður Jóhann Gunnar Guðmundsson

Fótbolti.net fékk 10 sérfræðinga til að spá í leikinn, flestir þeirra bjuggust við jafntefli en þá verða Víkingar meistarar.

Einn spáir Víkingi sigri (Víkingar verða þá meistarar)
Sjö spá jafntefli (Víkingar verða þá meistarar)
Tveir spá Blikum sigri (Breiðablik verður þá meistari)

Gulli Jóns er spámaður vikunnar hjá Fótbolti.net en hann spáir einnig jafntefli.

Víkingur R. 2 - 2 Breiðablik

,,Vá! Þetta verður rosalegur leikur. Bæði lið munu koma varfærnislega inn í leikinn, engir sénsar teknir og það verður markalaust í hálfleik. Blikar munu gera sóknarsinnaða skiptingu í hálfleik Kristófer Ingi kemur inn á og munu taka forystuna fljótlega í seinni en Víkingar munu svara og jafna leikinn."

,,Þessi leikur mun bjóða upp á allt og það verður dramantík dauðans. Blikar komast yfir á 80 mínútu með marki Höskuldar fyrirliða. Víkingar heimta víti þegar brotið er á Djuric, ekkert dæmt, Blikar í skyndisókn og Ísak mun koma liðinu yfir og eru með pálmann í höndunum.
Víkingar gera tvöfalda skiptingu og inn á kemur hinn fertugi Óskar Örn Hauksson og það er hann sem mun gera sigurmarkið í uppbótartíma. Víkingar stíga stríðdans á heimavelli og Víkingar verða íslandsmeistarar 2024."

Arnar Gunnlaugsson, þjálfari Víkinga, segir það mjög ólíklegt að Valdimar Þór Ingimundarson verði með í úrslitaleiknum í Bestu deildinni gegn Breiðabliki á sunnudag.

Valdimar hefur verið að glíma við meiðsli og missti af leiknum gegn Cercle Brugge í Sambandsdeildinni sl. fimmtudag.

„Það er mjög ólíklegt að Valdimar verði með. Ég er ekki í einhverjum hugarleikjum (e. mind games) hérna," sagði Arnar á blaðamannafundi á föstudaginn.

Það er ekkert leyndarmál að þetta eru tvö bestu lið landsins, Guðmundur Aðalsteinn blaðamaður fótbolti.net rýndi í bæði lið og bendir hvar styrkleikar liðanna liggur.

Markvarslan: Víkingur R.

Það er ekkert rosalega mikill munur hérna. Báðir aðalmarkverðir liðanna hafa verið frábærir í sumar, Ingvar Jónsson hjá Víkingi og Anton Ari Einarsson hjá Breiðabliki. Ef Arnar Gunnlaugs hróflar ekki í markvarðarstöðunni þá hafa Víkingar vinninginn hérna en með litlum mun.

Vörnin: Breiðablik

Hérna eru tvö sterkustu varnarlið deildarinnar að mætast; Víkingar hafa fengið á sig 30 mörk á meðan Breiðablik hefur fengið á sig 31 mark. En það er óvissa í vörn Víkinga. Oliver Ekroth, sem er á sínum degi besti varnarmaður deildarinnar, er tæpur fyrir leikinn og það er óvíst hvort að hann geti tekið þátt.

Miðjan: Breiðablik

Þarna er líka mikið jafnræði með liðunum. Þetta er erfitt. En Blikar eru líklega með besta leikmann Íslandsmótsins í sumar inn á sinni miðju: Höskuld Gunnlaugsson. Þar er líka Viktor Karl Einarsson sem hefur átt frábært sumar.

Sóknin: Víkingur R.

Að lokum er það sóknarleikurinn. Víkingar hafa í sumar skorað 68 mörk á meðan Blikar hafa gert 60. Þá vantar líklega lykilmann í fremstu víglínu hjá Víkingi, Valdimar Þór.

Lykilmenn

Höskuldur er alltaf í gír, en Ísak Snær þarf að vera á deginum sínum. Það verður virkilega skemmtilegt að fylgjast með baráttu Ísaks við Gunnar Vatnhamar og það gæti klárlega orðið lykilbarátta leiksins. Íslandsmeistaratitillinn er undir og það gæti verið svolítið mikið undir þeim komið hvar titillinn endar.

Ítarlegri greiningu á liðunum má sjá í fréttinni hér að neðan.

Mikill rígur er á milli liðanna en hafa þetta verið tvö bestu lið Íslands síðustu þrjú ár. Mikill hiti hefur myndast í viðureignum þessara liða.

Það er vel við hæfi á degi sem þessum að rifja upp eftirminnilegustu atvikin.

Þann 2. júní í fyrra skildu liðin jöfn að. Breiðablik kom til baka úr 0-2 stöðu og jöfnuðu leikinn með tveimur mörkum í uppbótartíma. Mikill hiti varð eftir leik en Arnar Gunnlaugsson og Óskar Hrafn mættu heitir í viðtöl eftir leik.

Lætin eftir leik

Viðtal við Arnar; Ein og hálf fokking mínúta

Viðtal við Óskar; Haga sér eins og hálfvitar allan leikinn

Rútuleikurinn frægi



Það sauð allt upp úr á Kópavogsvelli í fyrra.





Arnar og Óskar ósammála eftir leik.

Ríkjandi meistarar Víkings eru á toppnum með 59 stig líkt og Breiðablik sem er í öðru sæti.

Munurinn er að Víkingur er með +11 í markatölu á Blika. Það þýðir að ef Breiðablik ætlar að verða meistari þá þarf liðið að vinna í kvöld, en Víkingum dugir jafntefli.

Heilir og sælir lesendur góðir og veriði velkomin í beina textalýsingu úr Víkinni þar sem umtalaðasti leikur seinni ára fer fram.

Klukkan 18:30 mun Víkingur taka á móti erkifjendunum í Breiðablik, bæði lið eiga möguleika á að verða Íslandsmeistari.

Ljóst er að þetta verður stærsti deildarleikur Íslands í áratug enda var síðasti úrslitaleikur milli FH og Stjörnunnar árið 2014.