Frábær sigur heimamanna staðreynd! FH ógnaði aldrei markinu að neinu viti og Vestramenn hlægja alla leið í bankann.

3 og hálf komnar framyfir, Vestri á markspyrnu

Sigurður Bjartur á skot sem er beint á Guy í markinu en hann missir boltann, sem betur fer fyrir Vestra er enginn FH ingur nálægt

4 mínútum bætt við

Fall með trúðahreinsun. Arnór fær boltann á D boganum, rennir honum á Kjartan Kára sem gefur fyrir en Dagur skallar yfir. Loksins eitthvað líf

Enn finna FH ingar engin færi á heimamönnum

Aftur skollið á hríðarbylur

Hætta á teig heimamanna, Böddi á skot sem fer í varnarmann og klafs í kjölfarið sem endar á því að hendi er dæmd á Sigurð Bjart

Túfa virkar mjög þreyttur frammi, Davíð Smári hefur ekki enn gert neinar skiptingar

Kjartan Kári tekur enn eitt hornið, reynir fyrirgjöf/skot sem fýkur aftur fyrir markið

Skyndisókn hjá FH. Arnór er einn á einn á Eið og kemur með flottan bolta fyrir markið en sóknarmenn FH eru skrefinu of seinir í teignum.

Vestri er að taka völdin aftur. Ekkert að frétta hjá FH þessa stundina

Daði gerir vel og finnur Túfa, hann finnur Anton innfyrir vörnina en hann er hárfínt rangstæður

Það er búið að stytta upp og glyttir örlítið i sól á bakvið skýin

Ágætis kafli hjá heimamönnum. Ná nokkrum fyrirgjöfum en ekkert vesen fyrir vörn FH

Vestri nær loksins að komast upp völlinn. Daði gerir vel og vinnur aukaspyrnu á miðjum vallarhelmingi FH. Heimamenn gefa sér góðan tíma í að stilla upp

Örlítið líf. Arnór gerir vel, klobbar einn og boltinn berst á Bödda sem rennir boltanum á Einar Karl sem reynir skot af löngu færi en hittir boltann afleitlega.

Vildi að ég gæti sagt ykkur frá einhverju sem er að gerast en leikurinn er bara í lágdeyðu. FH ingar finna engar glufur og heimamenn ná ekki að halda í boltann þegar þeir ná honum

Vestramenn eru búnir að leggjast í skotgrafirnar. Liggja aftarlega og leyfa FH að stimpla aftast.

FH ingar eru komnir í þriggja manna vörn í uppspilinu. Böddi þrýstir upp vinstri vægninn og Birkir Valur spilar hátt uppi hægra megin

Veðrið hefur versnað ef eitthvað er, farið að bæta í snjókomuna

Held að þessar skiptingar séu réttar, tek enga ábyrgð. Það er ljóst að Heimir er ekki sáttur við gang mála

45+3

Dómarinn aðeins að missa tökin hérna í lok hálfleiksins. Flautar af í skyndisókn heimamanna. Stúkan ekki sátt með hann og lætur hann heyra það duglega. Heimamenn geta verið sáttir, voru með öll völd á vellinum síðari part hálfleiksins og uppskáru fallegt mark. Kaffi

45+2

FH á aukaspyrnu á hættulegum stað við hornfánann vinstra megin. Kjartan Kári með boltann á nær en Tufa skallar í horn

Jóhann Ægir fer í tveggja fóta tæklingu á fullri ferð, sem betur fer hittir hann ekki Anton en þetta er gult spjald að lágmarki. Hvað gerir Twana? Innkast.

Það er stemmning í Vestramönnum, stúkan farin að láta heyra í sér og þeir eru ofan á í baráttunni á vellinum.

Önnur góð sending frá Eið á Fall sem er í góðri stöðu hægra megin en nær ekki góðri fyrirgjöf. Eiður er að finna glufur á FH vörninni.

Sípustu mínútur hafa verið eign Vestra, eru að sýna meira sjálfstraust á boltanum.

Eiður rennir boltanum á Daða sem á snilldar snertingu inn fyrir á Diego Montiel sem er í dauðafæri en er of lengi að athafna sig en Birkir Valur bjargar á ögurstundu með frábærri tæklingu!

Vestri ná góðri skyndisókn, vinna boltann upp vinstri kantinn, gefa boltann út þar sem Fatai hamrar boltann á lofti langt fyrir utan teig, skot hans fer í varnarmann og hefði hæglega getað endað inni en boltinn fer hárfínt framhjá!

Ekkert kemur úr horninu en FH heldur pressu og að lokum gerir Guy Smit vel og grípur inní af hugrekki og handsamar boltann.

FH ingar ná að leika boltanum í teignum hægra megin. Dagur Traustason nær ekki að komast í fyrirgjöf Birkis og Fall nær að bjarga í horn á síðustu stundu. Besta færi leiksins hingað til. Skemmtileg vippa frá Tómasi Orra í aðdragandanum,

Lítið að gerast þessa stundina. Jafnt á með liðunum

Eiður Aron byrjaður að éta fyrirgjafir. FH ingar aðeins að taka völdin þegar gulur Labrador fær nóg og hleypur inn á völlinn.

Boltinn berst út á Kjartan Kára í teignum sem hittir boltann vel en beint í fangið á Guy í markinu. Fast skot.

Einar Karl gefur fyrir en Twana dæmir á eitthvað klafs í teignum. Bæði þið með klassíkar þreifingar.

Vestri er með vindinn í bakið í fyrri hálfleik

Liðin eru að ganga út á völlinn. Rækjuborgararnir fljúga út í sjoppunni og fólk er með kaffi í æð í kuldanum í stúkunni. Veðrið hefur sennilega áhrif á mætinguna en það eru ca 100 manns mættir á völlin og fleiri týnast til. Sammi leggur til að fólk sitji þétt í stúkunni.

Það kennir ýmissa grasa á bekknum hjá báðum liðum. Hjá FH er galdramaðurinn Björn Daníel á bekknum og kemur vonandi við sögu í dag. Gils Gíslason skoraði 3 mörk í lengjubikarnum er þar einnig. Þá eru Kristján Flóki, Ahmad Faqa og Sigurður Bjartur nöfn sem eru líkleg til að koma við sögu í dag.

Hjá Vestra er sænski eistinn Kristoffer Grauberg á bekknum, alvöru stykki sem getur djöflast í seinni hálfleik. Vigurbolinn Gunnar Jónas Hauksson og Ganverjinn Emmanuel Agyeman Duah eru áhugverðir spilarar sem gætu sett mark sitt á leikinn.

Davíð Smári Lamude, þjálfari Vestra, er með óbreytt lið frá 1-1 jafnteflinu gegn Val í fyrstu umferðinni.

Hann er þá með tvo efnilega stráka á bekknum þá Marinó Steinar Hagbarðsson og Albert Inga Jóhannsson á bekknum en báðir eru fæddir árið 2009.

Heimir Guðjónsson gerir eina breytingu á liði FH. Markaskorari liðsins gegn Stjörnunni, Dagur Traustason, kemur inn í liðið í stað Sigurðar Bjarts Hallssonar.

Dagur kom inn af bekknum í fyrstu umferðinni og skoraði eina mark liðsins í 2-1 tapinu á Samsung-vellinum.

Sýrlenski pylsusalinn og ólíkindatólið Twana Khalid Ahmed verður á flautunni í dag. Frábær dómari á sínum degi en hefur átt sína umdeildu daga. Mæli með að lesa um hann, áhugaverður maður.

Draumurinn rættist

FH töpuðu sínum fyrsta leik gegn Stjörnunni, voru þó inní leiknum lengst af og "draugamark" þurfti til að brjóta ísinn. Hlutabréfin í FH hafa verið rauð núna rétt fyrir mót, voru slakir í Lengjubikarnum og misstu sterka menn úr hópnum. Heimir er þó slægur og mun án efa ná í stig hér og þar í sumar og jafnvel koma á óvart. Þessi leikur gæti skilgreint þá að vissu leiti fyrir sumarið, verða þeir áfram alvöru klúbbur sem berst í efri hlutanum eða verða þeir í brasi í sumar?

Heimamenn hófu tímabilið með látum ef svo má segja, náðu í gríðarlega sterkt stig á Hlíðarenda gegn Val Reykjavík. Fáir hafa mikla trú á Vestra í ár, hafa misst marga lykilleikmenn frá sér og rekstur liðs í efstu deild á Ísafirði er þungur. Þeir hafa þó styrkt sig talsvert rétt fyrir mót og árangurinn í Lengjubikarnum var bara þokkalegur, 7 stig í 5 leikjum. Ljóst er að heimavöllurinn, sem Vestri hefur frá byrjun móts ólíkt í fyrra, verður að vega þungt og Davíð Smári og dátar hans stefna á 3 stig í dag, það er alveg klárt.

Hér verður bein textalýsing frá leik Vestra og FH í Bestu deild karla á Kerecisvellinum á Ísafirði