Jóhann Ingi flautar til leiksloka. Stjarnan náði að standa af sér pressu Skagamanna og hirða stigin þrjú. Viðtöl og skýrsla innan skams.

Rúnar Már með skot úr teignum sem fer rétt yfir mark Stjörnunnar!

Skagamenn fá hornspyrnu, síðasti séns! Stjarnan skallar frá.

Skagamenn fá aukaspyrnu tæpum 30 metrum frá marki. Svipað færi og sem Rúnar skoraði gegn Fram. Rúnar tekur spyrnuna í markmannshornið en Árni Snær ver.

Fáum við dramatík?

Skagamenn fá horn en Árni Snær grípur spyrnuna.

Johannes Vall með lúmskt skot sem Árni Snær ver vel.

Skagamenn í leit að jöfnunarmarki.

Benedikt Warén fær stungusendingu í gegn, Árni Marinó er fljótur að kveikja og kemst fyrr í boltann.

Örvar Eggertsson liggur niðri og þarfnast aðhlynningar.

Guðmundur Baldvin með skot beint á Árna Marinó eftir skyndisókn Stjörnumanna.

Jón Gísli Eyland með frábæran undirbúning, gefur út í teiginn. Þar er Viktor Jónsson sem setur boltann hátt yfir úr afbragðsstöðu. Illa farið með gott færi.

Steinar Þorsteinsson með skalla á markið sem Árni Snær ver örugglega í marki heimamanna.

Emil með skalla rétt framhjá marki Skagamanna. Stjörnumenn eru í stuði þessa stundina!

Stjarnan fær hornspyrnu en lítil hætta skapast.

Haukur Andri keyrir upp völlinn, gefur út á Jón Gísla sem reynir utanfótar skot en boltinn í varnarmann og Skagamenn uppskera horn.

Boltinn dettur fyrir Hauk í teig Stjörnunnar sem lætur vaða en Árni Snær ver vel. Þessi seinni hálfleikur byrjar með látum.

Stjarnan byrjar með boltann.

Jóhann Ingi flautar til hálfleiks. Eftir tíðindalitlar upphafsmínútur vöknuðu liðin og úr varð fínasta skemmtun. Tökum 15 mínútna pásu!

Árni Marinó gefur beint á Stjörnumann, boltinn berst á Andra Rúnar í teignum sem ætlar að lyfta boltanum yfir Árna en nær ekki að stýra boltanum á markið. Þarna munaði litlu.

Skagamenn fá hornspyrnu, Vall tekur en Stjörnumenn skalla frá.

Kjartan Már með góða skottilraun sem fer rétt framhjá marki Skagamanna.

Örvar Logi með skot fyrir utan teig sem fer framhjá marki gestanna.

Silfurskeiðin rifja upp gamla takta og taka sívinsæla víkingaklappið við góðar undirtektir.

Heimamenn fá sína fyrstu hornspyrnu.

Viktor Jónsson með skalla á markið sem Árni Snær grípur örugglega. Nú er eitthvað aðeins að lifna yfir þessum leik.

Haukur Andri keyrir í átt að marki Stjörnunnar. Hann tekur skotið við vítateig sem fer í Sindra og þaðan aftur fyrir endalínu. ÍA fær horn.

Nú eru tuttugu mínútur liðnar og nákvæmlega ekkert búið að gerast.

Marko Vardic liggur niðri eftir samstuð við Kjartan Má. Marko harkar af sér og heldur svo leik áfram.

Lítið að frétta á upphafsmínútunum hér á Samsungvellinum.

Jón Gísli Eyland með ágætis fyrirgjöf sem Haukur Andri nær ekki til.

Gestirnir byrja með boltann og leika gegn vindi í fyrri hálfleik.

Liðin ganga til vallar, nú styttist í að þessi spennandi viðureign hefjist.

Jökull Elísabetarson gerir eina breytingu á sínu liði frá sigrinum gegn FH. Alex Þór Hauksson víkur úr liðinu. Í hans stað kemur Emil Atlason. Emil missti af leiknum gegn FH þar sem hann var á fæðingardeildinni við það að verða faðir. ÍA vann 1-0 sigur gegn Frömurum í síðustu umferð. Jón Þór Hauksson, þjálfari ÍA heldur liði sínu óbreyttu frá þeim leik.

Jóhann Ingi Jónsson er dómari leiksins. Honum til halds og trausts á sitthvorri línunni verða þeir Ragnar Þór Bender og Kristján Már Ólafs. Fjórði dómari leiksins er Viðar Helgason og eftirlitsmaður Gunnar Freyr Róbertsson.

Jón Þór Hauksson, þjálfari ÍA, mætir aftur í boðvanginn eftir að hafa verið í leikbanni. Jón Þór fékk rautt spjald í látum eftir frægan leik ÍA gegn Víkingi í fyrra. Mikil læti urðu eftir leikinn en löglegt mark var tekið af ÍA á ögurstundu. Það var annað rauða spjald Jóns Þórs á tímabilinu og fékk hann því tveggja leikja bann. Hann var í banni gegn Val í lokaumferðinni. Seinni leikurinn færist milli tímabila og hann var því í banni í fyrstu umferð þegar ÍA mætti Fram.

Heilir og sælir lesendur góðir, verið velkomin í beina textalýsingu frá Samsungvellinum þar sem Stjarnan tekur á móti ÍA.