Hilmar Jökull Stefánsson @Hilmarjokull

- Meðalaldur 27 ár

- Meðalaldur 23 ár

Textalýsing Skýrslan

Hvað réði úrslitum? Stjörnumenn voru einfaldlega þéttara liðið hér í dag. Þeir unnu grunnvinnuna vel, hlupu meira, börðust meira og fórnuðu sér meira. Bestu leikmenn 1. Benedikt Warén (Stjarnan) Benó, eins og hann er kallaður, var frábær á vinstri kanti Stjörnunnar í kvöld. Hann komst oft framhjá Kyle McLagan og skapaði urmul af færum fyrir heimamenn. Benó lagði upp bæði mörk Stjörnunnar og var besti maður vallarins í dag. 2. Emil Atlason (Stjarnan) Setur fyrsta mark leiksins og leiðir pressu Stjörnunnar mjög vel í leiknum. Vinnur rosalega vel fyrir liðið. Tapar varla skallaboltum og er alltaf jafn líklegur til að skora mörk. Atvikið Fyrsta mark Stjörnunnar. Það hlýtur að hafa verið léttir fyrir bæði Emil Atla og Jökul Inga þegar Emil setti boltann í netið. Benedikt átti flotta sendingu á fjærstöngina þar sem Emil lúrði eftir boltanum.

Hvað þýða úrslitin? Stjarnan vinnur loksins leik eftir að hafa tapað þremur deildarleikjum í röð í Bestu-deildinni. Þeir spiluðu mjög vel gegn Fram liði sem hefur verið sveiflukennt frá upphafi móts. Vondur dagur Sóknarleikur Framara. Eins og þjálfari liðsins, Rúnar Kristins, kom inn á í viðtali eftir leik þá hefðu menn átt að taka betri ákvarðanir á síðasta þriðjungi vallarins og það að þeir hafi ekki náð að skora eitt mark þrátt fyrir 13 horn og margar flottar stöður er ekki ásættanlegt. Dómarinn - 6 Vilhjálmur og hans teymi voru ágætir í dag en undirrituðum fannst sem hægt væri að dæma víti á Guðmund Baldvin þegar hann fellti Vuk Óskar í teignum snemma í seinni hálfleik og það dregur dómarana niður í einkunn.

- Meðalaldur 28 ár

- Meðalaldur 24 ár