SKÝRSLAN: Engin vörn með Rosenörn
Hvað réði úrslitum?
Uppspil FH-inga réði úrslitunum í kvöld. Mathias Rosenörn átti stóran þátt í tveimur mörkum Víkinga sem réði úrslitunum í kvöld klárlega. Það hefur ekki verið gott fyrir FH-inga að fá mark á sig um leið og þeir voru búnir að jafna leikinn í fyrri hálfleiknum. Hvað þá svona mörk.
Bestu leikmenn
1. Daníel Hafsteinsson
Skoraði tvö eða eitt. Hann allaveganna á tvö mörk í þessum leik og það eru mörkin sem unnu leikinn fyrir Víkinga. Frábær í dag og ekkert smá mikilvægur fyrir þetta Víkingslið.
2. Sveinn Gísli Þorkelsson
Skoraði sitt fyrsta mark í efstu deild og var frábær í hjartanum í kvöld. Gilli er að byrja tímabilið stórkostlega og er loksins að fá traustið og sénsinn hjá Víkingum sem er að skila sér.
Atvikið
Annað mark Víkinga var ansi skrautlegt. Rosenörn var mjög lengi að gefa hann á Tómas Orra sem fékk Danna Hafsteins í bakið. Boltinn fór af þeim og lak rólega í átt að markinu. Niko var að koma úr bullandi rangstöðu en lét boltann fara milli lappanna og gabbaði Rosenörn sem missti boltann inn, ekkert smá klaufalegt.
Hvað þýða úrslitin?
Víkingar fara á toppinn í deildinni á markatölu, þeir eru með jafn mörg stig og Vestri og Breiðablik. FH-ingar eru áfram í 11. sæti deildarinnar, skelfileg byrjun á mótinu hjá Hafnfirðingunum. Þetta var einnig 12. sigur Víkinga á FH í röð í deild og bikar. Já ég sagði tólfti sigurinn í röð.
Vondur dagur
Það verður að skrifast á Mathias Rosenörn sem gaf Víkingum seinustu tvö mörk leiksins sem réði úrslitunum í kvöld. Mistækur í kvöld hann Rosenörn, alls ekki góður dagur hjá dananum.
Dómarinn - 7
Mér fannst ekkert stórmerkilegt að leik Helga og hans teymi í dag. Dæmdu þetta bara almennilega og ekkert vesen sem ég tók eftir allaveganna.