Þórsarar sækja þessar síðustu mínútur og eftir góða sókn þá náði Aron fínu skoti en framhjá.

4 mínútum bætt við.

Aukaspyrna frá vinstri sem endar framan við Balde sem nær ekki að pota boltanum inn. Stórhætta.

Balde sendir Ingimar í gegn og hann kemst einn upp að vítateig þar sem hann ákveður að skjóta í stað þess að fara lengra. Skotið máttlaust og Sindri á ekki í vandræðum með það.

Aron með aukaspyrnu inn í teig sem Keflavík skallar í burtu. Eftir liggur Eiður en stendur upp og hristir þetta af sér. Þarf samt að yfirgefa völlinn í smá tíma.

Skiptingar í seinni hálfleik hafa gert gagn því heimamenn eru hressari og ákafari.

Aron Ingi sendir á Balde sem sendir strax aftur á Aron sem er kominn inn í teig. Aron leggur boltann fyrir sig og skýtur upp í vinstra hornið en Sindri vel á verði og ver.

Ingimar og Sindri lenda í kapphlaupi og ná á sama tíma í boltann sem skrúfast upp úr návíginu í innkast.

Einar sendir Sigfús í gegn en Sindri sér við honum og ver niðri í fjærhorninu.

Bæði Keflavík og Þór reyna að hressa upp á leikinn með því að skipta inn á ferskum fótum.

Þór fær aukaspyrnu rétt utan teigs. ARon og Balde stilla sér upp til að taka. 20 metrar. Balde skýtur rétt framhjá.

Ingimar fær sendingu inn fyrir vörnina og rekur boltann inn í teig. Guðjón rennir sér fyrir skotið og ver. Mjög góð vörn.

Hálftími eftir og ákefðin í Þórsurum er lítil. Þeir þurfa þrjú mörk en virðast ekki ætla að sækja þau. Keflvíkingar sáttir að liggja til baka

Hornið svífur yfir alla þvöguna og deyr út.

Gabríel fær boltann upp í vinstra hornið og leggur hann vel fyrir Muhamed sem á gott skot en Aron ver í horn.

Keflavík er ekkert hætt að sækja og sækja upp vinstra megin. Ragnar hirðir boltann af þeim þar.

Þórsarar eru brattari þessa stundina. Þeir hafa náð að pressa gestina aðeins en Sindri hirðir sem fyrr fyrirgjafir.

Þórsarar brunuðu upp vinstra megin þar sem Sigfús leggur hann út á Einar sem sendir aftur á Sigfrús, Aron Ingi skiptir yfir til hægri þar sem Balde sendir Clement í gegn en hann missir boltann aftur fyrir.

Sigfús fer einn á einn á Axel vinstra megin og fer til hægri rétt við vítateiginn og snýr boltann í átt að markinu en rétt framhjá.

Rétt eins og í upphafi fyrri hálfleiks enda allar fyrirgjafir Þórs í höndunum á Sindra. Þeir verða að gera betur ef það á að koma eitthvað út úr fyrirgjöfunum.

Þór fær horn fram vinstri og verða að gera eitthvað. Aron hittir á Clement en varnarmaður nær að skalla frá. Annað horn. Aftur Aron en nú skalla Keflvíkingar í burtu

Fyrri hálfleikur hefur verið eign Keflvíkinga sem hafa staðið sig mjög vel. Þórsarar eru aftur á móti heillum horfnir og vita ekkert hvernig þeir eiga að sækja á Keflvíkinga sem eiga svör við öllum tilraunum heimamanna. Það verða mörk í seinni hálfleik.

Sem betur fer fór þetta betur en á horfði og eru báðir leikmenn staðnir upp.

Balde liggur óvígur eftir að hafa lent í samstuði við Gunnlaug Fannar. Kallað er eftir lækni eða hjúkrunarfræðingi á staðnum.

Aron tekur aukaspyrnuna inn í teig og þar er mikill barningur og nokkur hálffæri en að lokum er dæmd rangstaða.

Einar Freyr sendir á Clement á miðjunni og fær hann aftur við vítateiginn snýr á varnarmann og leggur boltann fyrir Sigfús sem þrumar yfir.

Þórsarar héldu boltanum í öftustu línu og létu hann ganga sín á milli þar en Keflvíkingar lokuðu vel á sendingar inn á miðjuna. Því lauk með langri sendingu sem endaði hjá Sindra. Þetta varð til þess að Keflvíkingar bökkuðu aðeins og Þórsarar færðu sig framar og náðu meiri stjórn á boltanum. Fá að halda honum töluvert en komast lítið áleiðis gegn skipulögðum Keflvíkingum. Balde fékk boltann upp í hægra hornið og leggur hann á Sigfús sem nær sendingu inn í teig en Aron setur boltann framhjá. Þarna loksins náði fyrirgjöf á samherja. Sindri hefur átt þær allar hingað til.

Orri tekur illa á móti sendingu, sem hefði getað verið betri, og missir boltann Kára sem tekur á rás að marki og á skot sem Aron ver í horn. Það verður ekkert úr horninu.

Þórsurum gengur erfiðlega að koma boltanum frá marki og á samherja. Það veldur því að Keflvíkingar vinna boltann á vallarhelmingi Þórs ítrekað og sækja strax að marki. Ef ekki á illa að fara þurfa Þórsarar að bæta sendingarnar og halda boltanum innan liðsins.

Sigfús vinnur boltann á miðjunni og sendir upp í horn hægramegin á Clement sem kemur honum fyrir en Sindri K. grípur boltann örugglega.

Axel Ingi fær sendingu upp í hægra hornið en varnarmenn Þórs koma fyrirgjöf aftur fyrir og í horn. Ekkert verður úr horninu.

Leikurinn byrjar fremur rólega, barist um miðjuna en lítið að frétta fram á við. Keflavík örlítið meira með boltann en Þórsarar bíða og loka.

Keflavík byrjar með boltann og smella honum upp í hornið og aftur fyrir

Þórsarar spila í átt að miðbæ Akureyrar - í suðurátt og Keflvíkingar þá væntanlega í hina áttina, það er betra, í áttina að Norðurtorgi

Bæði lið spiluðu í 16 liða úrslitum í bikarnum í síðasta mótsleik sínum. Bæði lið breyttu liðum sínum lítillega en komust upp með það og komust bæði lið áfram, Þór sótti sigur á Selfossi og Keflavík vann góðan heimasigur á Víkingunum frá Ólafsvík, sem komust þó lengra en nafnar þeirra úr Reykjavík þetta árið. Bæði lið fengu útileik í drættinum í 8 liða úrslitum. Þórsarar ferðast vestur á firði og etja kappi við Vestra en Keflavík þarf að taka Reykjanesbrautina í Garðabæinn og spila við Stjörnuna þar. Báðir leikirnir eru settir á 18. júní.

Byrjunarliðin eru klár Þórsarar gera eina breytingu frá því þeir lögðu Leikni en Vilhelm Ottó fer út og inn kemur Yann Emmanuel Affi. Keflavík setur þá Gunnlaug Fannar og Frans fyrirliða Elvarsson inn frá en þeir sem detta út frá tapleiknum við Þrótti eru Ígnacio Heras Anglada og Ernir Bjarnason.

Liðin hafa leikið tvo leiki hvort á mótinu hingað til. Keflavík hóf leiktíðina með því að vinna í Grafarvoginum er þeir heimsóttu Fjölni en töpuðu svo heima fyrir Þrótti. Niðurstaða 3 stig eftir tvo leiki Þórsarar aftur á móti tók á móti HK í sínum fyrsta leik og gerði jafntefli í Boganum. Í síðasta leik var haldið í Breiðholtið hið efra og þangað sóttu Þórsarar 3 stig. Niðurstaða 4 stig eftir tvo leiki. Það er því nokkuð undir í leiknum í dag því liðið sem sækir 3 stig í dag er komið á toppinn í deildinni. Það verður því hart barist og Þórsarar ætla örugglega að sækja þessi þrjú stig sem hafa verið torsótt síðustu ár á heimavelli gegn Keflavík

Þór og Keflavík hafa háð marga hildi í gegnum tíðina. Óhætt er að segja að Keflavík hafi vinninginn í innbyrðis viðureignum. Keflavík hefur unnið 8 leiki, jafntefli 4 sinnum og Þór hefur tvisvar landað sigri. Síðasti heimasigur Þórs gegn Keflavík var í júlí 2011. Eftir þann leik hafa liðin spila 6 leiki á Akureyri og fjórum sinnum enduðu þeir með jafntefli en tvisvar fóru Keflvíkingar sigri hrósandi suður með öll stigin.