SKÝRSLAN: Brookelynn Entz kláraði leikinn fyrir Grindavík/Njarðvík
Hvað réði úrslitum?
Mikill baráttuleikur í dag og bæði lið áttu sín færi.
Brookelynn Paige átti hins vegar fábæran leik í dag og setti bæði mörk gestanna sem skilaði Grindavík/Njarðvík sigrinum.
Bestu leikmenn
1. Brookelynn Paige Entz
Átti mjög góðan leik í dag, var sífellt ógnandi með boltann og vinnusöm. Setti svo bæði mörk gestanna, öruggt úr víti og annað stórkostlegt mark beint úr efstu hillu!
2. Danai Kaldaridou
Var mjög góð á miðjunni hjá gestunum í dag, nautsterk og góð á boltanum
Atvikið
Grindavík/Njarðvík fá vítaspyrnu sem Brookelynn Entz skorar öruggt úr og jafnar þar með leikinn. Gaf gestunum heldur betur byr undir báða vængi
Hvað þýða úrslitin?
Grindavík/Njarðvík með sigrinum klifra upp töfluna og eru nú í 3. sæti með 10 stig, jafnmörg stig og KR en með betri markatölu.
Haukarnir sitja eftir leikinn í 7. sæti með 6 stig.
Vondur dagur
Engin hér í dag með sérstaklega lélegan leik. Baráttuleikur um allan völl.
Dómarinn - 7
Dómaratríóið var solid í dag og ekkert út á dómgæslunna að setja.