SKÝRSLAN: FH sneri leiknum við með látum
Hvað réði úrslitum?
Taktísk breyting í hálfleik hjá FH, meiri gæði og vilji og þær bókstaflega rúlluðu yfir Tindastól og setja 5 mörk í seinni hálfleik!
Bestu leikmenn
1. Ída Marín Hermannsdóttir
Var flott í dag, setti 2 mörk og átti raun assist fyrir sjálfsmark Maríu Daggar. Seinna markið var síðan magnað! Fær fyrirgjöf sem hún setur viðstöðulaust á lofti í markið
2. Maya Lauren Hansen
Margar hér sem gera tilkall! FH liðið í heild setti í 6 gír í seinni hálfleik! Set þetta hins vegar á Maya hún var mjög öflug í fremstu línu FH og stöðugt ógnandi
Atvikið
Fyrsta mark leiksins, þegar þær stöllur Elísa Bríet og Makala pressa Söndru markmann FH og hreinlega stela af henni boltanum svo Tindastóll kemst í 0-1 gegn gangi leiksins. FH liðið brotnar aðeins við þetta og Stólarstelpur óheppnar að ná ekki fleiri mörkum inn.
Hitt atvikið verð ég að nefna taktískar breytingar og skiptingar hjá FH í hálfleik! Birna Kristín kemur inn og setur strax jöfnunarmark og FH skiptir algjörlega um gír!
Hvað þýða úrslitin?
Úrslitin þýða einfaldlega það að FH heldur sér í toppbaráttunni og eru í 2. sæti með 22 stig líkt og Breiðablik og Þróttur.
Tindastóll hins vegar áfram í 8. sæti með 7 stig
Vondur dagur
Tindastólsliðið í seinni hálfleik fær þennan titil, mættu varla til leiks eftir hlé! Voru undir í allri baráttu eftir flottan fyrri hálfleik.
Dómarinn - 8
Dómaratríóið stóð sig vel í dag, engar stórkostlegar ákvarðanir og leikurinn fékk að fljóta vel.