Alexander Tonini @

- Meðalaldur 26 ár

- Meðalaldur 18 ár

Textalýsing Skýrslan Viðtöl

Hvað réði úrslitum? Gæðin í sóknarleik Stjörnumanna réðu úrslitum í leiknum. ÍA fékk vissulega sín færi, en tókst ekki að koma boltanum í netið. Bæði lið sköpuðu sér fjölda marktækifæra, þó Stjarnan hafi verið sterkari aðilinn heilt yfir. Það var hins vegar lokaafgreiðslan sem gerði útslagið og tryggði gestunum sigurinn í kvöld. Bestu leikmenn 1. Benedikt V. Warén Hann var virkilega öflugur í kvöld á vinstri vængnum og skapaði stöðuga ógn við mark Skagamanna. Skoraði fyrsta mark leiksins og átti drjúgan þátt í öðru markinu, sem þó var skráð sem sjálfsmark – en það var engu að síður hans verk sem gerði út um leikinn. 2. Samúel Kári Friðjónsson Hann stjórnaði vörninni eins og herforingi – með yfirvegun og stjórn á öllum aðstæðum, aldrei stressaður þrátt fyrir pressu. Auk þess átti hann fjölda langra og nákvæmra sendinga úr vörninni. Ein slík opnaði vörn heimamanna og sendi Benedikt Waren í gegn, sem skoraði fyrsta mark leiksins – og tímasetningin, rétt fyrir hálfleik, var frábær fyrir gestina. Atvikið Seinna mark Stjörnunnar kom eins og blaut tuska í andlitið á heimamönnum. Skagamenn mættu ákveðnir til leiks eftir hlé og sköpuðu sér tvö dauðafæri til að jafna, en tókst ekki að nýta þau. Til að bæta gráu ofan á svart var markið sem þeir fengu á sig bæði klaufalegt og beinlínis vandræðalegt – og tók allan vind úr seglum liðsins.

Hvað þýða úrslitin? Úrslitin þýða að Lárus Orri er að taka við erfiðu búi sem situr þægilega í neðsta sæti Bestu deildarinnar, ekki endilega öfundsvert verkefni það. Á sama tíma heldur Stjarnan áfram á blússandi siglingu, fer tímabundið upp í 3. sæti og er nú orðin raunverulegur þátttakandi í toppbaráttunni. Stjarnan getur ekki endað neðar en í 4. sæti eftir fyrstu tólf umferðirnar. Vondur dagur Ég verð að veita dauðafærunum tveimur sem ÍA fékk í kvöld þennan óheiður – bæði atvikin voru mjög sambærileg og nýttust afar illa. Fyrra færið fékk Gísli Laxdal, einn og yfirgefinn með nægan tíma, en endaði með veiku skoti beint á Árna. Í seinna skiptið var það Rúnar Már sem komst einn á móti markverðinum, en maður fann varla fyrir neinni trú eða sannfæringu í því sem hann ætlaði sér – skotið beint á Árna, aftur. Dómarinn - 5 Nokkur atvik sem ég var ekki sammála Gunnari Frey hér i kvöld. Fyrsta atvikið var þegar Gummi Kri hrindir Ómari sem var kominn framhjá honum og ekkert gult spjald. Seinna atvikið var þegar Marki Vardic átti hreinlega að fá rautt spjald þegar hann hreinlega gerir áras á Guðmund Baldvin í pirringskasti. Þessi tvö atvik lita svolítið frammistöðuna hér í kvöld en að öðru leyti vel dæmdur.

- Meðalaldur 28 ár

- Meðalaldur 22 ár