Fótbolti.net

Fótbolti.net / Fotbolti Ehf.

Liverpool gefst ekki upp á Isak - Newcastle vill Rashford - Gyökeres neitar að ræða við Sporting

Í BEINNI

Mjólkurbikar karla

Lengjudeild karla

Mjólkurbikar karla

Lengjudeild kvenna

Afturelding

0

1

Fram

Kjartan Leifur Sigurðsson @kjartanleifurs

0-1 Freyr Sigurðsson '68

19.06.2025 - 20:00
Malbikstöðin að Varmá
Mjólkurbikar karla
Aðstæður: RIgning á köflum
Dómari: Ívar Orri Kristjánsson
Áhorfendur: 662

Byrjunarlið:

('76)

('74)

('63)

- Meðalaldur 26 ár

Varamenn:

('63)

('74)

('76)

- Meðalaldur 22 ár

Liðsstjórn:

Gul spjöld:

Bjartur Bjarmi Barkarson ('40)

Aron Elí Sævarsson ('42)

Aron Jóhannsson ('93)

Rauð spjöld:

Endurhlaða

Leik lokið!

Framarar vinna hér sterkan sigur sem var í raun aldrei í hættu eftir að markið kom. Afturelding voru aldrei líklegir til að jafna þennan leik eftir að hafa lent undir og því ljóst að Fram spilar til undanúrslita i bikarnum.

93. mín

Gult spjald: Aron Jóhannsson (Afturelding)

Harkalegt brot á miðjum velli.

92. mín

Framarar eyða bara tíma í horninu þessa stundina.

90. mín

Sex mínútum bætt við.

90. mín

Frábært skot hjá Simon Tibbling og enn betri varsla frá Jökli. Ekki við Jökul að sakast í dag.

90. mín

Skapa ekkert úr þessu, dapurt hjá Aftureldingu frá því að Fram komst yfir.

89. mín

Afturelding fær aukaspyrnu á hættulegum stað, nú er tækifærið.

86. mín

Inn:Þorri Stefán Þorbjörnsson (Fram) Út:Fred Saraiva (Fram)

Þetta skot hjá Fred var það síðasta hjá honum í dag.

85. mín

Fast skot utan af velli frá Fred sem fer langt yfir.

81. mín

Hvorugt liðið ógnað almennilega síðan markið kom.

76. mín

Inn:Enes Þór Enesson Cogic (Afturelding) Út:Sævar Atli Hugason (Afturelding)

Sævar Atli að kveinka sér og lýkur leik.

74. mín

Inn:Magnús Þórðarson (Fram) Út:Róbert Hauksson (Fram)

74. mín

Inn:Andri Freyr Jónasson (Afturelding) Út:Þórður Gunnar Hafþórsson (Afturelding)

68. mín

MARK!

Freyr Sigurðsson (Fram)
Stoðsending: Vuk Oskar Dimitrijevic

Fyrsta markið er komið! Vuk með flotta fyrirgjöf fyrir á varamanninn Frey sem er kominn í dauðafæri og getur ekki annað gert en að skalla þetta inn!

Hleypir þetta lífi í heimamenn?

67. mín

Gult spjald: Sigurjón Rúnarsson (Fram)

Stoppar hraða sókn.

63. mín

Inn:Aron Jóhannsson (Afturelding) Út:Oliver Sigurjónsson (Afturelding)

63. mín

Hvernig endar þetta ekki inni? Kennie með frábæra fyrirgjöf á fjærstöngina þar sem Vuk er mættur og á að pota þessu inn en Bjarni Páll sýnist mér nær að pota þessu í burtu.

61. mín

Fram byrjaði seinni hálfleik betur en nú hefur leikurinn róast.

55. mín

Inn:Freyr Sigurðsson (Fram) Út:Már Ægisson (Fram)

Fyrsta skipting leiksins er gestanna.

54. mín

Róbert Hauksson hér í dauðafæri eftir fyrirgjöf frá Má en skallinn rétt yfir.

48. mín

Virkilega vel varið! Kennie Chopart með fyrirgjöf sem fer að varnarmanni og er á leið í netið en Jökull vel á verði og heldur boltanum frá marki

46. mín

Seinni hálfleikur hafinn Heimamenn hefja leik að nýju.

45. mín

Hálfleikur

Og í þann mund sem boltinn skellur í slánni flautar Ívar til hálfleiks. Nokkuð rólegt hér í fyrri hálfleik en nóg eftir.

45. mín

Sláin! Bjarni Páll hér í góðu færi inn á teignum og setur hann í slánna!

Það næsta sem liðin hafa komist að því að skora.

42. mín

Gult spjald: Aron Elí Sævarsson (Afturelding)

Groddaralegt.

40. mín

Gult spjald: Bjartur Bjarmi Barkarson (Afturelding)

Stoppar hraða sókn.

37. mín

Bjarni Páll hérna með stórkostlegan bolta á Stokke sem er í dauðafæri á fjær en Viktor ver mjög vel. Ívar flautar samt aukaspyrnu og bakhrindingu á Stokke.

Er kominn tími á pizzu? Nú er stutt í hálfleik og fullkominn tími til að panta pizzu til að njóta með seinni hálfleiknum! Kíktu á Dominos.is

30. mín

Már Ægisson hér á hættulegum stað og reynir að renna honum í gegn á Vuk en Bjarni Páll nær að pota þessu í horn.

26. mín

Þórður Gunnar með frábæran bolta inn á teiginn þar sem Stokke nær ekki alveg nægilega góðum skalla og boltinn framhjá.

21. mín

Frábær varsla! Vuk Óskar fær hér boltann á vallarhelmingi heimamanna, keyrir í átt að marki og hamrar honum í átt að marki en Jökull ver frábærlega í horn.

18. mín

Þórður Gunnar tók spyrnuna og Sævar skallaði boltann fyrir markið á Bjarna Pál sem var í afar þröngu færi og setur hann framhjá.

17. mín

Afturelding fær hér aukaspyrnu á álitlegum stað fyrir fyrirgjöf

11. mín

Hrannar hérna með skemmtilegan sprett og góðan bolta á Sævar Atla sem nær ekki að gera nægilega vel hér í góðri stöðu.

9. mín

Framarar fá hér þrjú horn með stuttu millibili en ná ekki að skapa sér neitt marktækt.

7. mín

Boltinn dettur vel fyrir Oliver Sigurjóns sem á þrumuskot sem að Viktor gerir vel í að handsama.

5. mín

Ekkert kemur úr horninu.

4. mín

Gestirnir fá fyrsta horn leiksins.

1. mín

Leikur hafinn

Fram hefur leik.

Fyrir leik

Það er ljóst að Afturelding forgangsraðar deildinni fram yfir Bikarkeppnina og það er vatn á myllu Frammara. Fyrir þá sem fara varfærnislega þá er Fram sem sigurvegari einvígs er 1.72 á Epic. Fyrir þá hörðustu þá er Fram sigur á 2,35.

Mate Dalmay

Fyrir leik

Byrjunarliðin Magnús Már Einarsson, þjálfari Aftureldingar, gerir fjórar breytingar á byrjunarliði sínu frá sigrinum á ÍA. Axel Óskar Andrésson, Aron Jóhannsson, Sigurpáll Melberg Pálsson og Elmar Kári Enesson Cogic fara út úr liðinu en Bjarni Páll Linnet Runólfsson, Aron Jónsson, Sævar Atli Hugason og Þórður Gunnar Hafþórsson koma inn þeirra í stað.

Rúnar Kristinsson, þjálfari Fram, gerir eina breytingu frá sigrinum á FH. Þorri Stefán Þorbjörnsson fær sér sæti á bekknum og Fred kemur inn í hans stað en Fred hefur ekki byrjað leik síðan í byrjun maímánaðar vegna meiðsla.

Fyrir leik

Mosfellsbær í fyrsta sinn í 8-liða úrslitum Eldingin hefur aldrei áður komist í 8-liða úrslit í bikarkeppninni. Það má því búast við því að Mosfellingar fjölmenni á völlinn í kvöld. Hér er um að ræða stystu leiðina í Evrópu og Afturelding aldrei verið færri leikjum frá stórum titli.

Mynd: Fótbolti.net - Hafliði Breiðfjörð

Fyrir leik

Bikar Baddi spáir markaleik og framlengingu Baldvin Már Borgarsson spáði í spilin fyrir 8-liða úrslitin en hann von á markaleik hér í Mosfellsbænum.

Afturelding 2 - 2 Fram (Afturelding í framlenginu 4-2)
Slagurinn um Úlfarsfellið verður spennandi, Mosfellingar komast yfir en Vuk Oskar hefur verið sjóðandi og kemur Fram í 1-2, Benjamin Stokke jafnar leikinn seint í seinni hálfleik. Í framlengingu lenda Framarar í Hrannari Snæ sem er eins og vélmenni, Hrannar skorar seiglumark með hraða sínum og krafti og lokar svo leiknum með því að sækja víti sem Stokke klárar, Gísli Elvar, Biggi smiður, Svanni fasteignasali og allt þetta fríða föruneyti heldur áfram að syngja, tralla og telja seðla þarna í Mosfellsbænum.

Mynd: Fótbolti.net - Hafliði Breiðfjörð

Fyrir leik

Leiðin í 8-liða úrslitin Afturelding tryggði sig í 8-liða úrslitin með því að leggja af velli ÍA á Skipaskaga í 16-liða úrslitum 1-0 með marki frá Aroni Jóhannssyni. Þar áður hafði Afturelding slátrað Hetti/Huginn í 16-liða úrslitum 5-0.

Fram vann einnig sterkan útisigur í 16-liða úrslitum þegar liðið heimsótti KA-menn fyrir norðan og sótti sterkan 4-2 sigur. Fram fékk einnig krefjandi drátt í 32-liða úrslitum þegar liðið vann sterkan 1-0 sigur á FH með marki Más Ægissonar.

Mynd: Fótbolti.net - Hafliði Breiðfjörð

Fyrir leik

Velkominn í Mosfellsbæinn, hér á Malbiksstöðinni að Varmá fer fram leikur Aftureldingar og Fram í 8-liða úrslitum Mjólkurbikarsins.

Mynd: Fótbolti.net - Hafliði Breiðfjörð

Byrjunarlið:

('74)

('86)

('55)

- Meðalaldur 27 ár

Varamenn:

('86)

('74)

('55)

- Meðalaldur 21 ár

Liðsstjórn:

Gul spjöld:

Sigurjón Rúnarsson ('67)

Rauð spjöld: