Sölvi Haraldsson @Breiiiiiiiiiii

- Meðalaldur 23 ár

- Meðalaldur 18 ár

Textalýsing Skýrslan Viðtöl

Hvað réði úrslitum? Þetta byrjaði afar rólega, bæði lið fengu sín færi en Völsungur nýttu sín færi og leiddu sanngjarnt í hálfleik 2-0. Bæði lið skoruðu tvö mörk í seinni hálfleik en í bæði skiptin þegar Grindavík skoraði svöruðu Völlararnir strax með marki sem gerði út um þetta í dag. Bestu leikmenn 1. Jakob Héðinn Róbertsson Hefur sjaldan verið auðveldara. Skorar frábæra þrennu og tryggir stigin þrjú sem fara norður á Húsavík í dag. Frábær dagur hjá kappanum sem mun vonandi fyrir Húsvíkinga halda áfram að skora eftir þessa frammistöðu. 2. Gestur Aron Sörensson Kannski auðvelt val þar sem hann skoraði eitt í dag en mér fannst alltaf einhver hætta skapast þegar Gestur fékk boltann. Var sífellt að ógna inn fyrir varnarlínu Grindvíkinga og hefði hæglega getað skorað fleiri í dag. Atvikið Seinasta mark leiksins. Jakob innsiglar þrennuna og sigur Húsvíkinga. Grindvíkingar voru nýbúnir að skora og áttu 3 mínútur eftir af uppbótartímanum þegar hann klárar þetta í lokin 4-2 með stórglæsilegri afgreiðslu.

Hvað þýða úrslitin? Völsungur stekkur upp í 5. sætið með 13 stig og skilur Grindavík eftir í 7. sætinu með 7 stig. Vondur dagur Árni Salvar var í allskonar veseni í fyrsta marki gestanna í dag sem gaf þeim blóð á tennurnar. Það er alveg hægt að nefna fleiri leikmenn hjá Grindavík sem voru ekki góðir. Töpuðu oft boltanum og það voru mikið af misheppnuðum sendingum í dag hjá heimamönnum. Árni Salvar fær þetta fyrir mistökin í fyrsta markinu. Dómarinn - 9 Það er í raun og veru ekki mikið hægt að setja út á frammistöðu Ella í dag. Ekki beint erfiðasti leikurinn en sömuleiðis ekki sá léttasti. Bara frábærlega gert hjá honum og sínu teymi í dag og fá góða einkunn frá mér.

- Meðalaldur 24 ár

- Meðalaldur 18 ár