Sæbjörn Þór Þórbergsson Steinke @saebjornth

- Meðalaldur 24 ár

- Meðalaldur 18 ár

Textalýsing Skýrslan

Hvað réði úrslitum? Þór/KA var ofan á heilt yfir úti á velli en Víkingur hefði svo sannarlga getað skorað fleiri mörk og með því gert lífið erfitt fyrir Þór/KA sem hafði tapað þremur leikjum í röð. Heimakonur spiluðu mjög heilsteyptan leik, voru vel tengdar og áttu skilið að vinna. Annar 4-1 sigur Þórs/KA á Víkingi í sumar staðreynd. Bestu leikmenn 1. Sonja Björg Sigurðardóttir Frábær í dag, eins og Jóhann Kristinn sagði getur Sonja Björg náð langt, hún er fædd 2006 og skoraði í dag sitt annað mark á tímabilinu. Hún er hávaxin og sterk, og kann að nota bæði, ofan á það er hún með mjög góða stjórn á boltanum og það er bara undir henni komið hvað hún fer langt. Mjög spennandi leikmaður. 2. Agnes Birta Stefánsdóttir Margar sem gera tilkall, svo sem Amalía og Sandra María, en mér fannst Agnes Birta heilt yfir mjög góð og hafði mikil áhrif. Byrjaði í smá brekku varnarlega en vann sig úr henni hinu megin á vellinum þar sem hún skoraði tvö mörk, annað markið fékk ekki að standa og fékk ofan á það annað dauðafæri sem hún hefði getað nýtt. Mjög flottur leikur hjá miðverðinum. Atvikið Þriðja mark leiksins, strax á 30. sekúndu seinni hálfleiks. Má svo sannarlega tala um það sem þetta mikilvæga þriðja mark.

Hvað þýða úrslitin? Þór/KA er í fjórða sæti, fjórum stigum frá FH í 3. sætinu. Víkingu er í 9. sæti, þremur stigum frá öruggu sæti þegar deildin fer í rúmlega mánaðar pásu vegna EM. Átta umferðir eru eftir af deildinni. Vondur dagur Mér fannst varnarlína Víkings í miklum vandræðum í þessum leik, ef það var ekki Sonja Björg að búa til vesen þá voru það samherjar hennar í sókninni. SIgurborg í markinu átti vörslur en hún átti í miklum erfiðleikum með fyrirgjafir og aftasti þríhyrningurinn; Sigurborg, Gígja Valgerður og Áslaug Dóra fær þetta saman. Dómarinn - 7 Mjög fínt, fimm gul spjöld, kannski pínu ódýr spjöld sum hver en ekkert alveg galið. Heilt yfir gott.

- Meðalaldur 22 ár

- Meðalaldur 22 ár