SKÝRSLAN: Bragðdauft jafntefli í Eyjum
Hvað réði úrslitum?
Eyjamenn vörðust mjög vel og áttu Víkingar megnið af leiknum í erfiðleikum með að finna opnanir. Bæði lið fengu sín færi þó svo að Víkingur hafi verið meira með boltann.
Bestu leikmenn
1. Marcel Zapytowski
Var mjög öruggur í teignum hjá ÍBV og greip inn í það sem þurfti að grípa inn í.
2. Sigurður Arnar Magnússon
Öruggur í vörn Eyjamanna og stjórnaði þéttri vörninni með sóma.
Atvikið
Lítið um stór atvik en að vísu bjargaði Arnór Ingi Kristinsson á línu fyrir ÍBV eftir klafs í teignum.
Hvað þýða úrslitin?
Víkingar hefðu getað náð sér í gott forskot með sigri en eru sjálfsagt sáttir með eitt stig miðað við hvernig leikurinn spilaðist. Eru áfram á toppnum með 30 stig á meðan ÍBV eru í níunda sæti með 15 stig en bæði KA og FH eiga leik til góða.
Vondur dagur
Sóknarlínur beggja liða. Í raun átti enginn einstaklingur vondan dag en sóknir beggja liða voru ekki beittar.
Dómarinn - 8
Fín frammistaða hjá Jóhanni Inga. Eitt og eitt kannski hægt að benda á en ekkert sem skiptir máli.