SKÝRSLAN: Suðurnesjaveður í Suðurnesjaslag
Hvað réði úrslitum?
Keflvíkingar voru betri í leiknum heilt yfir og voru meira ruthless fyrir framan markið. Lentu undir snemma en náðu samt að snúa því við með vindinn á móti og gerðu vel í seinni þegar það bætti í að nýta vindin betur.
Bestu leikmenn
1. Kári Sigfússon
Var lang hættulegasti maður vallarins í dag, skoraði eitt og lagði upp eitt sem var samt eiginlega markið hans. Hann skýtur í Marin og í netið. Frábær og alltaf einhver hætta sem skapaðist þegar hann keyrði á vörn Grindvíkinga.
2. Marin Mudrazija
Annað auðvelt val. Var góður í dag og skoraði. Kannski var þetta leikurinn sem hann þurfti til að koma sér í gang en það hefur lítið í hann spunnið í upphafi móts og er þetta eina markið hans á tímabilinu til þessa.
Atvikið
Erfitt að velja eitthvað eitt atvik en vindurinn hafði mikil áhrif á leikinn og það komu mörg fyndin atvik í leiknum. Einu sinni átti Grindavík skot sem fór ekkert smá langt framhjá og hátt yfir en einhvernveginn fór hann ekki útaf þótt allir á vellinum hafi haldið það. Svo var annað þegar Matias tekur útspark en boltinn lendir nákvæmlega þar sem hann stendur og kýlir boltann í burtu. Mörg svona skemmtileg og fyndin atvik.
Hvað þýða úrslitin?
Keflavík hoppar upp í 4. sætið á meðan Grindvíkingar eru áfram í 8. sætinu.
Vondur dagur
Matias í marki Grindavíkur var í miklu veseni með útspörkin sín í þessu roki og var ekki að njóta sín sá maður. Eitt markið í fyrri hálfleiknum sem Marin skorar fannst mér líka pínu illa gert hjá honum. Þ.e.a.s. hvernig hann slær boltann út í teiginn.
Dómarinn - 8
Bara frekar vel dæmdur leikur hjá Twana og hans mönnum í dag í mjög erfiðum og krefjandi aðstæðum. Ein og ein ákvörðun sem maður var ósammála eins og gengur og gerist en ég gef þeim slaka þar sem aðstæðurnar voru eins og þær voru.