Útisigur staðreynd hjá Víkingum og gott veganesti í síðari leikinn eftir viku í Víkinni. Einhver kýtingur eftir leik en úrslitin ráðinn í kvöld og þau voru sennilega bara sanngjörn. Fín stig í pottinn fyrir Ísland.

Sama niðurstaða. Pablo með þriðja hornið í röð

Pablo með hornið en heimamenn skalla í annað horn.

Víkingar vinna hornspyrnu. Fyrirliði heimamanna liggur eftir og veinar. Fékk eitthvað högg og fann vel fyrir því.

Róbert Orri gefur hræódýrt horn. Ekkert kemur upp úr því.

Víkingar fallið heldur djúpt og heimamenn að ganga á lagið.

Víkingar sundurspila heimamenn. Atli og Valdimar þar í aðalhlutverki en heimamenn bjarga með herkjum.

Heimamenn að þjarma að Víkingum en færin standa á sér. Óþarfi samt.

Lítið um að vera á vellinum. Í þeim töluðu vinna heimamenn horn.

Spyrna Gylfa beint í vegginn. Slök.

Víkingar fá aukaspyrnu á stórhættulegum stað.

Fær boltann í miðjum teignum en varnarmenn henda sér fyrir skot hans.

Víkingar vinna boltann hátt á vellinum. Boltinn út til hægri á Gylfa sem finnur Valdimar í teignum. Valdimar nær skotinu en Avdyli slær boltann út. Hann fellur fyrir fætur Helga sem skóflar honum hátt yfir úr fínu færi.

. Altin Aliu með góðan sprett upp vinstri vænginn fyrir heimamenn. Kemur sér í fyrirgjafarstöðu en einir 6-7 Víkingar mættir til baka og koma boltanum frá.

Ekroth með hörkuskalla eftir aukaspyrnuna en Víkingar dæmdir brotlegir.

Heimamenn að koma af krafti inn í síðari hálfleikinn. Vinna annað horn.¨ Donart Vitija með skot eftir hornið en setur boltann vel yfir markið.

Heimamenn vinna hornspyrnu

Víkingar koma okkur af stað í þessum síðari hálfleik.

Víkingar gætu ekki beðið um betra vegarnesti inn í hálfleikinn. Verið betra liðið á vellinum í kvöld og leiða verðskuldað. tökum okkur pásu og snúum aftur með síðari hálfleikinn að vörmu spori.

Færa boltann vel kanta á milli. Gylfi fær boltann við vítateig og leggur hann fyrir sig. Nær skoti en það er slakt og siglir hættulaust framhjá.

Helgi Guðjónsson með fyrirgjöf frá vinstri . Ilir Avdyli í alvöru brasi en sleppur með það. Slær boltann í bak samherja og handsamar hann svo.

Víkingar tapa boltanum á hættulegum stað. Laurent Xhylani í frábærri stöðu til að keyra í átt að marki. Sér að Gunnar Vatnhamar hleypur á móti honum og lætur sig bara detta í grasið. Ekki verið til í það návígi blessaður.

Langur bolti frá Róberti Orra út til hægri á Valdimar sem er í fínu færi. Heimamenn ná þó að koma sér fyrir skot hans.

Gunnar er mættur til vallar og virðist nokkuð heill.

Gunnar Vatnhamar er sestur á völlinn og heldur um síðuna. Fengið högg í rifbeinin eða eitthvað slíkt og kennir sér meins. Sveinn Gísli sendur að hita upp. Leikmenn nýta pásuna og mæta á fund hjá Sölva og fá vatn hjá Tóa liðsstjóra.

Víkingar enn betra liðið en hraðinn algjörlega dottið niður í leiknum.

Það er mikill hraði í fótum Arlind Veliu. keyrir upp völlinn og nær fyrirgjöf en boltinn beint í fang Ingvars.

Ibishi kemur boltanum í netið eftir að Ingvar missir hann frá sér. Brot er flautað því Ibishi keyrir af krafti inn í Ingvar sem hefur fullt vald á boltanum. Kvartar og kveinar en sá pólski haggast ekki.

Karl Friðleifur með laust skot eftir lúmska sendingu frá Tarik. Kryeziu nær að trufla hann og meiðist á þumli í kjölfarið.

Bjargar á línu eftir skalla frá Niko eftir horn frá Gylfa. Svo nálgægt marki Víkingar

Valdimar með frábæran bolta fyrir markið á Niko en Kryeziu nær tánni í boltann áður en Niko nær skotinu.

Þessar fyrstu tíu mínúur leiksins hafa Víkingar verið talsvert skarpara liðið. Haldið boltanum vel en ekki náð að opna heimamenn að neinu ráði.

Vinna boltann hátt á vellinum. Valdimar finnur Gylfa úti til hægri sem að skilra fyrirgjöfinni inn á teiginn. Daníel Hafsteins mættur í hlaupið úr djúpinu og étur varnarmann Malisheva í loftinu en hittir ekki markið.

Arlind Veliu að komast í góða stöðu á vinstri vængnum. Mætir Oliver Ekroth þegar hann reynir að keyra inn á teiginn. Úr varð heldur ójafn leikur.

Þetta er farið af stað í Pristina. Það eru heimamenn sem hefja hér leik.

Andstæðingar Víkings féllu út fyrir góðkunningjum okkar í FK Buducnost og ættu Víkingar því að klára þá. Stuðullinn á sigur Víkinga er 1,77 á Epic

Frá deildarleiknum gegn ÍBV um liðna helgi gerir Sölvi nokkrar breytingar. Ingvar Jónsson snýr aftur í markið en auk hans kemur Tarik Ibrahimagic inn í liðið. Pálmi Rafn Arinbjörnsson og Erlingur Agnarsson fá sér sæti á bekknum í þeirra stað.

Patryk Gryckiewicz frá Póllandi er dómari kvöldsins og virðist vera aðdæma sinn fyrsta Evrópuleik. Honum til aðstoðar eru Marcin Boniek og Bartosz Kaszy?ski. Fjórði dómari er svo Wojciech Myc. Ekkert VAR er til staðar í kvöld.

Víkingar eiga vægast sagt góðar minningar frá Sambandsdeildinni á síðasta tímabili og ekki hægt að hefja Evrópuár þeirra án þess að minnast á það. Eftir að hafa fylgt í fótspor Breiðabliks og tryggt sér sæti í deildarkeppni Sambandsdeildarinnar gerðu Víkingar gott betur en bara að vera með og komu sér í umspil um sæti í 16 liða úrslitum Sambandsdeildarinnar. Hápunktur tímabils þeirra var án efa frábær 2-1 sigur á liði Panathinaikos á köldu kvöld í Helsinki í Finnlandi. Grikkirnir því miður sneru taflinu við í síðari leiknum og tryggðu sér sæti í 16 liða úrslitum en Víkingar gátu svo sannarlega gengið stoltir frá borði eftir eftirminnilegt Evrópuævintýri og stóran tékka frá UEFA fyrir árangurinn.

Valmir Berisha, man einhver eftir honum? Eflaust einhver úr Grafarvoginum en þessi Kosovó ættaði sænski leikmaður lék með Fjölni tímabilið 2018 á láni frá Aalesund í Noregi. Lék hann alls 18 leiki með Fjölni og gerði í þeim 2 mörk.

Klubi Futbollistik Malisheva er fullt heiti þessa liðs frá Kosóvó sem Víkingar glíma við í þessari fyrstu umferð forkeppni Sambandsdeildarinnar. Liðið dregur nafn sitt af bænum Malisheva sem það er staðsett í en hann telur um 46.000 íbúa. Malisheva liðið var stofnað árið 2016 sem knattspyrnuskóli fyrir unga og upprennandi leikmenn en fljótlega var ákveðið að gera liðið að formlegu keppnisliði sökum mikils áhuga. Liðið hefur klifrað nokkuð hratt upp pýramídan í heimalandinu og er á leið i sitt 5 tímabil í efstu deild í heimalandinu eftir að hafa fyrst leikið þar leiktímabilið 2021-2022.

Heil og sæl kæru lesendur og verið hjartanlega velkomin í þessa beinu textalýsingu Fótbolta.net frá leik Malisheva frá Kosóvó og Víkinga í forrkeppni Sambandsdeildar Evrópu.