SKÝRSLAN: Langþráður sigur ÍBV
Hvað réði úrslitum?
Leikurinn var svona frekar bragðdaufur og sigurinn hefði getað dottið báðum megin en ÍBV skoraði markið sem skildi liðin að.
Bestu leikmenn
1. Alex Freyr Hilmarsson
Hrikalega öflugur á miðjunni hjá Eyjamönnum og gerir auðvitað markið sem skiptir máli með góðum skalla.
2. Vicente Valor
Vicente er frábær fótboltamaður þegar hann er á sínum degi. Er gríðarlega mikilvægur fyrir ÍBV hvernig hann heldur í boltann og gerir hlutina einfalt.
Atvikið
Atvikið er í raun bara mark Eyjamanna sem gaf ÍBV þrjú svakalega mikilvæg stig í botnbaráttunni.
Hvað þýða úrslitin?
Stjarnan er áfram um miðja deild eða í 5. sæti með 21 stig á meðan Eyjamenn klifra aðeins ofar í töflunni og eru komnir í 9. sæti.
Vondur dagur
Sóknarmenn Stjörnunnar voru mjög bragðdaufir í þessum leik og voru einhvern veginn aldrei líklegir til að skora.
Dómarinn - 8
Lítið út á dómarann að setja enda ekki mikið nein vafaatriði.